Хъӕцмӕзты Ирина

Паникӕ дзы нал ис: волонтер Хуссар Иры "сырх зонӕ"-йы уавӕры тыххӕй

112
(ранӕуӕггонд 15:11 24.11.2020)
Фӕззӕджы Хуссар Ирыстоны коронавирус куы апырх ис, уӕд рынчындоны сӕвзӕрд тӕссаг уавӕр - нӕ фаг кодтой кусджытӕ, рынчындоны бынӕттӕ, адӕм уыдысты тасы бын. Ныр цадӕггай уавӕр ӕрнывыл кӕнын бантыст

ЦХИНВАЛ, 24 ноя - Sputnik, Плиты Фатимӕ. Хуссар Ирыстоны рынчындӕтты "сырх зонӕты" ныридӕгӕн уавӕр фӕивта хуыздӕрдӕм. Кӕд раздӕр рынчынтӕ хуыссыдысты алы къуымы, алы бон дӕр рынчдонмӕ кодтой ноджы 20 рынчыны онг, уӕд ныр та уавӕр у стабилондӕр, фехъусын кодта Sputnik волонтер Хъӕцмӕзты Ирина.

Фӕззӕджы Хуссар Ирыстоны коронавирус куы апырх ис, уӕд рынчындоны сӕвзӕрд тӕссаг уавӕр - нӕ фаг кодтой кусджытӕ, рынчындоны бынӕттӕ, адӕм уыдысты тасы бын. Ныр цадӕггай уавӕр ӕрнывыл кӕнын бантыст.

"Паникӕ дзы нал ис. Ныр ма бон райсынц фондз рынчыны. Пациенттӕ сӕхӕдӕг дӕр ӕрсабыр сты ӕмӕ ӕнӕтасӕй хос кӕнынц. Бирӕ адӕм дзы афыстой хӕдзӕрттӕм. Коридортӕ расӕрибар сты", - радзырдта волонтер.

Хъӕцмӕзты Ирина профессимӕ гӕсгӕ у психолог ӕмӕ уый нымайы, "сырх зонӕ"-йы ахсджиаг кӕй у психологты ӕххуыс.

"Физикон ӕххуысӕй дарддӕр ахсджиаг у психологон ӕххуыс. Ацы низтимӕ ӕмдзу кӕнынц депресси, тасдзинад, паника. Мӕхӕдӕг дӕр уыдтӕн рынчын ӕмӕ йӕ ӕмбарын куыд ахсджиаг у, цӕмӕй дӕ цуры уа адӕймаг, кӕцы дӕ ӕвзӕр хъуыдытӕй фӕиппӕрд кӕндзӕн", - бафтыдта Ирина.

Волонтеры из красной зоны
© Photo : Алина Качмазова
Хъӕцмӕзта Ирина ӕмӕ Алина

Чызг йӕ хо Алинаимӕ ӕххуыс кодтой рынчындоны "сырх зонӕ"-йы ӕхсӕвыгон.

"Ӕхсӕвы волонтерты нымӕц фӕкъаддӕр вӕййы, уымӕн аскъуыддзаг кодтам ӕхсӕв ӕххуыс кӕнын. Махӕй дарддӕр уым уыд бирӕ ӕххуысгӕнджытӕ",- радзырдта уый.

Хуссар Ирыстоны коронавирусы апарахат тӕссаг масштабтӕ куы райста, уӕд республикӕйы фӕсивӕд ныггуылф кодтой Республикон бирӕпрофилон медицинон центрты "сырх зонӕ"-тӕм ӕххуысмӕ. Волонтертӕ архайдтой баллонтӕ хӕссыны хъуыддаджы, чызджытӕ сӕ тых радтой ӕфснайын ӕмӕ  дохтырты хӕслӕвӕрдтӕ ӕххӕст кӕнынмӕ.

112
Транскам

Транскам сӕхгӕдтой ӕвзӕр боныгъӕд ӕмӕ зӕйтӕ 'рцӕуыны тасы тыххӕй

1
(ранӕуӕггонд 09:38 18.01.2021)
Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ

ЦХИНВАЛ, 18 янв - Sputnik. Транскавказаг автомагистралыл фӕндагон змӕлд сӕхгӕдтой хуыцаубоны 21.00 сахатыл ӕвзӕр боныгъӕд ӕмӕ зӕйтӕ 'рцӕуыны тасы тыххӕй, хъусын кӕны Хуссар Ирыстоны Уӕлвӕткон уавӕрты министрады (УУМ) пресс-службӕ.

"Хуыцаубоны 21.00 сахатӕй сӕрмагонд барамынды онг Транскамыл уыдзӕн ӕхгӕд фӕндагон змӕлд", - дзырдӕуы пресс-службӕйы хъусинаджы.

Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ.

Транскавказаг автомагистраль — иунӕг фӕндаг, кӕйы иу кӕны Хуссар Ирыстоны Уӕрӕсеимӕ.

 

1
Хуссар Ир ӕмӕ Гуырдзыйы хсӕн арӕн

ПӔК радзырдтой, цал адӕймаджы фехӕлдтой Хуссар Иры арӕн декабры

9
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйы

ЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.

Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.

"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.

ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.

9