Цхинвайлаг лӕппу ауӕй кодта йӕ хӕдтулггӕ, цӕмӕй баххуыс кӕна сырх зонӕ-йӕн

Цхинвайлаг лӕппу ауӕй кодта йӕ хӕдтулгӕ, цӕмӕй баххуыс кӕна "сырх зонӕ"-йӕн

1874
(ранӕуӕггонд 13:50 25.11.2020)
Хуссар Ирыстоны коронавирусы инфекцийы апарахат стыр гурахст куы райста, уӕд лӕппу аскъуыддзаг кодта, цӕмӕй йӕ хӕдтулгӕ ауӕй кӕнӕ ӕмӕ йӕ фӕрӕзтӕй балхӕна хостӕ

ЦХИНВАЛ, 24 ноя - Sputnik, Плиты Фатимӕ. Хуссар Ирыстоны республикон бирӕпрофилон медицинон центры волонтерты нымӕцы уыд диссаджы адӕм. Ӕрыгон лӕппуйы дӕнцӕг у Гӕбӕраты Алан, кӕцы йӕ хӕдтулгӕ ауӕй кодта, цӕмӕй баххуыс кӕна медкластерӕн медикаменттӕй, радзырдта Sputnik волонтер Тыбылты Алан.

Хуссар Ирыстоны коронавирусы апарахаты рӕстӕджы волонтерон змӕлд райста егъау масштабтӕ - фӕсивӕд ӕххуыс кодтой туаггуыры хайады баллонтӕ хӕссынмӕ, сырх зонӕйы. Ӕххуыс цыд фӕсарӕнтӕй дӕр медикаментты хуызы, фӕстӕ нӕ лӕууыдысты бынӕттонтӕ дӕр.

"Сырх зонӕйы" куысты рӕстӕджы диссаджы адӕмыл фембӕлдтӕн. Сӕ иу Гӕбӕраты Алан, хуымӕтӕг цхинвайлаг лӕппу, кусы фиддонты комитеты. Уавӕр фенгӕйӕ бавдӕлд ӕмӕ ауӕй кодта йӕ хӕдтулггӕ ВАЗ 2109 ӕмӕ фӕрӕзтӕ радта коронавирусӕй рынчынтӕн хостӕн",- радзырдта Тыбылты Алан.

Тыбылты Алан йӕхӕдӕг "сырх зонӕйы" куыста иу мӕйы дӕргъы.

"Уавӕр фӕхуыздӕр ис. Иу суткӕйы цы 180 баллоны хъуыд, уыдон ныр дӕр хъӕуынц, фӕлӕ сӕ уӕладзгуытӕм нал хъӕуы хӕссын, туаггуыры хахх кӕй скуыста, уымӕн", - бафтыдта уый.

Йӕ ныхӕстӕм гӕсгӕ, Хуссар Ирыстоны волонтерон змӕлд ӕрнывыл кодта йӕ куыст.

Волонтеры красной зоны-ы РММЦ
Из архива Алана Тибилова
Волонтертӕ

"Сарӕзтон Whats App къорд ӕмӕ уырдӕм бахастон волонтерон къордтӕй фӕйнӕ иугай адӕймаджы. Сахат раздӕр уым фехъусын кӕнын туаггуыры баллонтимӕ хӕдтулгӕйы 'рцыды тыххӕй ӕмӕ фӕсивӕд ратындзынц ӕххуысмӕ", - бафтыдта уый.

Йӕ ныхӕстӕм гӕсгӕ, уый ацы къуыри рахызт куыстмӕ паддзахадон телеуынынадмӕ, фӕлӕ та йӕ ӕххуыс куы бахъӕуа, уӕд та февзӕрдзӕн рынчындоны.

Хуссар Ирыстоны коронавирусы апарахат тӕссаг масштабтӕ куы райста, уӕд республикӕйы фӕсивӕд ныггуылф кодтой Республикон бирӕпрофилон медицинон центры "сырх зонӕ"-тӕм ӕххуысмӕ. Волонтертӕ архайдтой баллонтӕ хӕссыны хъуыддаджы, чызджытӕ сӕ тых радтой ӕфснайын ӕмӕ дохтырты хӕслӕвӕрдтӕ ӕххӕст кӕнынмӕ.

1874
Хуссар Иры теннисисткӕтӕ райстой фондз призоны бынат ЦКФЗ ерысты

Фыццаг ахӕм ӕнтыст: цхинвайлаг теннисисткӕ райста балцӕг Уӕрӕсейы чемпионатмӕ

2
(ранӕуӕггонд 12:37 26.01.2021)
Елбачиты Ирина хисӕрмагонд ерысты куыд ӕвзист призер, афтӕ райста балцӕг ӕмӕ апрелы тох кӕндзӕн Мӕскуыйы. Ахӕм ӕнтыст республикӕйы историйы у фыццаг

ЦХИНВАЛ, 26 янв — Sputnik, Плиты Фатимӕ. Хуссарирыстойнаг теннисисткӕтӕ бацахстой фондз призон бынаты Цӕгат Кавказы Федералон зылды ерысты. Елбачиты Ирина, Кокойты Аманда ӕмӕ Джиголаты Аланӕ ӕрхастой цыппар ӕвзист ӕмӕ иу бронзӕйон майданы, фехъусын кодта Sputnik уӕлыстол теннисы Федерацийы хистӕр, уӕлдӕр спортивон дӕсныйы скъолайы тренер Джиоты  Мириан.

"Цӕгат Ирыстоны командӕйы сконды архайдтой нӕ чызджытӕ ӕртӕйӕ - Елбачиты Ирина, Кокойты Аманда ӕмӕ Джиголаты Алана ӕмӕ райстой дыккаг бынат, уыдон фӕхӕрд сты ӕрмӕст фысым командӕйӕн. Фыццаг хатт систӕм дыккаг призертӕ",-  бафтыдта уый.

Йӕ ныхӕстӕм гӕсгӕ, фыццаг хатт нӕ республикӕйы историйы Хуссар Ирыстоны минӕвӕр Елбачиты Ирина райста балцӕг Уӕрӕсейы чемпионатмӕ индивидуалон ерысты архайгӕйӕ.

"Елбачиты Ирина хисӕрмагонд ерысты куыд ӕвзист призер, афтӕ райста балцӕг ӕмӕ апрелы тох кӕндзӕн Мӕскуыйы. Ахӕм ӕнтыст нӕ республикӕйы историйы у фыццаг. Уымӕй дарддӕр ЦКФЗ ерыстӕ Елбачиты чызгӕн уыдысты ӕнтыстджын - уый къайон ерысты та Цӕгат Ирыстоны минӕвар Лапина Светланаимӕ бацахста ӕртыккаг бынат", - загъта тренер.

Цӕгат Кавказы Федералон зылды ерыстӕ теннисӕй цыдысты Кӕсӕг-Балхъары Республикӕйы.

2
Остелеком тыхджын митуарды фӕстӕ басгӕрста хызӕгтӕ Къуыдаргомы

"Остелеком" тыхджын митуарды фӕстӕ басгӕрста хызӕгтӕ Къуыдаргомы

9
(ранӕуӕггонд 11:26 26.01.2021)
Компанийы радзырдтой мадзӕлтты тыххӕй, кӕцытӕ райсынц, цӕмӕй мобилон бастдзинад куса Дзауы районы цӕрӕг пунктты электроэнерги куы ахицӕн вӕййы, уӕд

ЦХИНВАЛ, 26 янв — Sputnik, Гӕбӕраты Элина. Хуссар Ирыстоны хӕххон районты тыхджын митуарды фӕстиуӕгӕн кӕцыдӕр цӕрӕг пунктты ахицӕн рухс ӕмӕ фӕзынд проблемӕтӕ мобилон бастдзинадимӕ.

Остелеком провел профилактические работы сети в Кударском ущелье
Пресс-служба "Остелеком"
"Остелеком" тыхджын митуарды фӕстӕ басгӕрста хызӕгтӕ Къуыдаргомы

"Мегафон-Хуссар Ирыстоны" (Остелеком) специалист ӕхсӕнадон бастдзинӕдты фӕдыл Бежанты Зӕринӕ куыд фехъусын кодта, афтӕмӕй техникон специалисттӕ басгӕрстой Къуыдаргомы базон станцтӕ ӕмӕ дзы баластой ӕртаджы фӕстауӕрц.

"Фидарӕй нӕ бон у зӕгъын, электроэнерги кӕй нӕ уыд, уый тыххӕй мобилон бастдзинады гъӕд кӕй нӕ февзӕрдӕр, ӕмӕ Дзауы районы цӕрджытӕн сӕ бон у дарддӕр пайда кӕнын бастдзинады лӕггӕдтӕй хуымӕтӕг режимы", - хъусын кӕны Бежанты Зӕринӕ.

Уый бафтыдта, компанийӕн кӕй ис 70 базон станцы, кӕцыты хай ис республикӕйы хӕххон районты.

"Хӕххон рельеф зымӕгон периоды къуыхцы кӕны базон станцты куысты басгӕрст. Ацы хатт сӕйраг зындзинӕдтӕ фӕзындысты базон станцмӕ ӕртаг баласынимӕ. Республикӕйы бастдзинады комитеты разамынадимӕ ӕмархайды руаджы мах рӕстӕгыл ӕрбаластам ӕртаг", - банысан кодта уый.

Компанийы баныфсӕвӕрдтой, специалисттӕ кӕй ӕмбарынц, куыд ахсджиаг у мобилон бастдзинад ӕмӕ уый фӕдыл алцыдӕр аразынц, цӕмӕй мобилон бастдзинад куса цыфӕнды боныгъӕды рӕстӕджы дӕр.

9