Онлайн заказтӕ, такси ӕмӕ фиддонтӕ: Цхинвалы цӕттӕ кӕнынц ног уӕлӕмхасӕнтӕ
(ранӕуӕггонд 14:11 25.11.2020)
Ног уӕлӕмхасӕнтӕ сӕ аразджытӕ хъуамӕ сцӕттӕ кодтаиккой азы фӕудмӕ, фӕлӕ пандеми фӕивта центры специалистты фӕндтӕЦХИНВАЛ, 25 ноя – Sputnik, Хъуылымбегты Азӕмӕт. Хуссар Ирыстоны IT-центр азы кӕрӕттӕм хъуамӕ рауагътаид къорд уӕлӕмхасӕны республикӕйы ӕмбӕстӕгтӕн, фӕлӕ сын пандеми бандӕвта сӕ фӕндтыл. Уый тыххӕй Sputnik фехъусын кодта IT-центры къухдариуӕггӕнӕг Тедеты Азӕмӕт.
IT-скъола кусы республикӕйы ныр ӕртыккаг аз. Проект реализации ӕрцыд уӕрӕсейаг фӕсивӕдон форум "Московские каникулы"-йы гранты фӕлгӕтты. Бирӕ рӕстӕг скъола бакӕныны хъуыддаг къуылымпы кодта, хатӕн сын кӕй нӕ уыд, уый, фӕлӕ стӕй ӕрбынат кодтой Гаглойты Хазбийы (раздӕр Тельманы) уынгыл.
"Азы кӕронмӕ цы уӕлӕмхасӕнтӕ цӕттӕ кодтам, уыдонӕй иу адӕмӕн фадат радтаид хӕлцадон продукттӕ ӕмӕ хостӕ заказ кӕнын,бӕрӕггӕнӕнты базӕйӕ пайда кӕнгӕйӕ. Мах ахӕм хуызы фӕндыд баххуыс кӕнын цӕрджытӕн, фӕлӕ, хъыгагӕн, пандемии фехӕлдта нӕ плӕнттӕ. Бирӕ чидӕртӕ нӕ фӕрынчын сты, ӕмӕ ӕххӕст бӕрцӕй нӕ куыстам", - загъта Тедеты Азӕмӕт.
Уый ма бафтыдта, специалисттӕ ныридӕгӕн кӕй бадзырдтой кӕцыдӕр ресторанты хистӕртимӕ, ӕмӕ уыдон цӕттӕ сты сӕ меню бахӕссын уӕлӕмхасӕнмӕ.
"Нӕ плӕнтты ма ис бакусын таксимӕ дзурыны уӕлӕмхасӕныл дӕр. Пайдагӕнджыты бон суызӕн иу уысммӕ фӕдзурын машинӕмӕ горӕты кӕцыфӕнды районмӕ дӕр", - банысан кодта Тедеты лӕппу.
IT-центры къухдариуӕггӕнӕг ма радзырдта, пандемийы тыххӕй сӕ фӕндтӕй бирӕтӕ кӕй нӕ сӕххӕст сты, уыдонӕй иу – онлайн-фиддонтӕ дуканитӕ ӕмӕ ресторанты.
"Ахӕм систӕмӕйӕ пайда кӕнынц ӕппӕт дунейы дӕр, махмӕ та уый суыдзӕн ногдзинад", - загъта центры хистӕр.
©
Sputnik / Наталья Айриян
Азамат Тедеев
Хуссар Ирыстоны коронавирусӕй фӕрынчынуӕвджыты нымӕй схызт 1,8 мины онг, сӕнӕниз сты 570 пациенты. Республикӕйы 15 декабрьмӕ ис арӕнӕвӕрдтӕ.
Хуссар Иры фæсивæдон организаци уары газет "Правда" -йы номыртæ æмæ "Георгийы лентæтæ"
(ранӕуӕггонд 14:36 06.05.2021)
"Газета Победы"-йы уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йыЦХИНВАЛ, 7 мая — Sputnik, Дриаты Лейла. Республикон фæсивæдон æхсæнадон организаци "Иууон Алани" æмæ Ирыстоны Россотрудничествойы минæварад уадзынц æрвылазон акци. Активисттæ уардзысты газет "Правда" номыртæ æмæ "Георгийы лентæтæ".
"Фæсивæдон организацийы активисттæ уарынц историон газет "Правда" 1945 азы 9 майæ æмæ мингай "Георгийы лентæтæ". Акци райдыдта республикæйы районтæй æмæ бакæронмæ ис Хуссар Ирыстоны столицайы", - радзырдтой "Иууон Алани"-йы фæсивæдон организацийы.
Акци нæ республикæйы уагъд цæуы 2017 азæй.
Банысан кæнын хъæуы уый, æмæ газет "Правда"-йы юбилейон номыры 1945 азы 9 майы рауагъды официалонæй мыхуыр æрцыдис Советон Цæдисы уæлахиз фашистон Германыл.
"Газета Победы"-йы уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы.
Акцийы аразджыты хъуыдымæ гæсгæ, йæ сæйраг нысан у рæзгæ фæлтæрæн сæ зæрдыл æрлæууын кæнын, цавæр аргъæй æлхæд æрцыд Уæлахиз.
Цхинвалы ацӕудзӕн хисӕрмагонд парадтӕ ветренатӕн
(ранӕуӕггонд 18:04 06.05.2021)
Стыр Фыдыбӕстон хӕсты дыууӕ ветеранӕ - Тедеты Николай ӕмӕ Къудухты Ефросиняӕн цыт кӕндзысты сӕ ӕдзӕртты разЦХИНВАЛ, 6 мая — Sputnik, Плиты Фатимӕ. Хуссар Ирыстоны столицӕйы Стыр Уӕлахизы 76 азы сӕххӕсты цытӕн дыууӕ ветеранӕн рацӕудзӕн хисӕрмагонд парадтӕ. Цытджын марштӕ ацӕудзысты Гаглойты Владимир ӕмӕ Димитровы уынгтыл, уый тыххӕй Sputnik фехъусын кодта культурӕйы министр Зассеты Жанна.
Хисӕрмагонд парадтӕ ацӕудзысты сӕйраг парады генералон репетициимӕ иу бон.
"Стыр Фыдыбӕстон хӕсты дыууӕ ветеранӕн, кӕцыты тын фӕнды фенын парад, фӕлӕ сӕ бон нӕу бацӕуын театралон фӕзуатмӕ, уыдонӕн ацӕудзӕн хисӕрмагонд парадтӕ. Тедеты Николай ӕмӕ Къудухты Ефросиняйӕн цыт кӕндзысты сӕ хӕдзӕртты раз",- загъта министр.
Хисӕрмагонд парадтӕ ацӕудзысты Цхинвалы дыууӕ уынгтыл.
"Парадтӕ ацӕудзысты 7 майы Гаглойты Владимир ӕмӕ Димитровы уынгтыл", - бафтыдта уый.
Хуссар Ирыстонӕй Стыр Фыдыбӕстон хӕстмӕ ацыд 21 000 адӕймаджы 11 711 дзы фӕмард хӕсты, авд минӕй фылдӕр нымад цӕуынц ӕбӕрӕгӕй сӕфтыл.
Харебаты Вадим: ныффыстон бирæ ног зарджытæ
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæйХаребаты Вадим: уырыссаг æвзагыл сценæйыл рагæй нал зарыдтæн
Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.
"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.
Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.
"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.
Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.
Темӕтӕ: