Уыд дзы ӕвӕрццаг ӕнкъарӕнтӕ дӕр: волонтер "сырх зонӕ"-йы куысты тыххӕй

© Из архива Марта БагаеваВолонтертӕ
Волонтертӕ - Sputnik Хуссар Ирыстон
Рафыссын
Волонтер Багаты Мараты ныхӕстӕм гӕсгӕ, уавӕр зынгӕ фӕхуыздӕр коронавирусӕй рынчынтӕ цы блокты хуыссынц, уырдӕм туаггуыры лини куы ауагътой, уӕдӕй фӕстӕмӕ

ЦХИНВАЛ, 25 ноя – Sputnik, Плиты Фатимӕ. Хуссар Ирыстоны республикон бирӕпрофилон медицинон центры "сырх зонӕ"-йы ӕххуыс канд баллонтӕ хӕссыны хъуыддаджы нӕ хъӕуы. Волонтертӕ ӕххуыс кӕнынц уӕззау рынчынтӕ иу хайадӕй аннӕмӕ, науӕд та реанимобильмӕ кӕнынмӕ, фехъусын кодта Sputnik волонтер Багаты Марат.

Коронавирус - Sputnik Хуссар Ирыстон
Хуссар Иры иу суткӕмӕ сбӕрӕг кодтой коронавирусӕй фондз ног рынчыны

Йӕ ныхӕстӕм гӕсгӕ, уавӕр зынгӕ фӕхуыздӕр коронавирусӕй рынчынтӕ цы блокты хуыссынц, уырдӕм туаггуыры лини куы ауагътой, уӕдӕй фӕстӕмӕ.

Нӕлгоймаг бацыд рынчындонмӕ ӕххуысмӕ коронавирусӕй йӕ хӕлары мад куы фӕрынчын ис ӕмӕ йӕ фырт уавӕр фенгӕйӕ бацыд волонтерӕй.

"Ме 'мбал Инал Захаров мӕм фӕдзырдта "сырх зонӕ"-йы ӕххуыс кӕй хъӕуы, уый тыххӕй. Уый йӕхӕдӕг фыццаг рӕстӕгӕй уыд уым ӕмӕ ӕз дӕр бацыдтӕн ӕххуысмӕ", - радзырдта Багаты Марат.

Йӕ ныхӕстӕм гӕсгӕ, рынчындоны архайгӕйӕ зындзинӕдтӕ ӕвзӕрын кӕны хъахъхъӕнӕг костюм.

Хъӕцмӕзты Ирина - Sputnik Хуссар Ирыстон
Паникӕ дзы нал ис: волонтер Хуссар Иры "сырх зонӕ"-йы уавӕры тыххӕй

"Ӕрмӕст дзы дыууӕ сахаты бафӕрӕзтон ӕмӕ иууылдӕр уыдтӕн хуылыдз. Стӕй нӕ куыст афтӕ уыд ӕмӕ куы сывӕллӕты рынчындоны куыстон, куы та инфекцион хайады ӕмӕ иу бацыдтӕн ӕхсӕвыгон. Уымӕ гӕсгӕ куыстон ӕрмӕст маскӕйы",- бафтыдта уый.

Йӕ ныхӕстӕм гӕсгӕ, Фӕстаг рӕстӕджы уавӕр коронавирусы апарахаты фӕдыл хуыздӕр кӕныны, фӕлӕ уый размӕ адӕм уыдысты тынг тыхст.

"Иумӕйагӕй сисгӕйӕ уыд тыхст уавӕр. Фӕлӕ уыцы тас, тыхст ӕмӕ змӕсты дӕр уыд ӕвӕрццӕг ӕнкъарӕнтӕ дӕр. Уыдон та уыдысты рынчынтӕ иу куы сӕнӕниз сты ӕмӕ иу сӕ рынчындоны къӕсӕрӕй сӕ хызынтимӕ куы рахизын кодтам", - балхынцъ кодта уый.

Ног хабӕртты лентӕ
0