РХИ парламент

Хуссар Иры парламенты вице-спикер радзырдта депутаттӕ ӕмӕ генпрокуроры фембӕлды тыххӕй

18
Фембӕлды ма хайад райстой Дзабиты Иналы хиуӕттӕ ӕмӕ МХМ кусджытӕй кӕй ӕрцахстой ацы цауы фӕдыл, уыдоны хӕстӕджытӕ

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны парламенты ацыд депутатты фембӕлд республикӕйы генералон прокурор Дзӕгъиаты Уырзымӕгимӕ, фехъусын кодта Sputnik закондӕттӕг органы фыццаг вице-спикер Гасситы Петр.

Йӕ ныхӕстӕм гӕсгӕ, депутаттӕй дарддӕр фембӕлды хайад райстой Дзабиты Иналы хиуӕттӕ ӕмӕ Мидхъуыддӕгты министрады (МХМ) кусджытӕй кӕй ӕрцахстой ацы цауы фӕдыл, уыдоны хӕстӕджытӕ.

"Парламенты ацы фембӕлд депутатты къорды хъӕппӕрисӕй, кӕцытӕ разы нӕ уыдысты экспертизӕйы хатдзӕгтимӕ. Фарстыты фылдӕр хай дӕттой республикӕйы генпрокурор Дзӕгъиаты Уырызмӕгмӕ", - радзырдта Гасситы Петр.

Вице-спикеры ныхӕстӕм гӕсгӕ, прокурормӕ радтой бирӕ фарстытӕ, сӕ нымӕцы фӕдагуырд ӕмӕ экспертизӕйы хатдзӕгты тыххӕй.

Гасситы Петр бафтыдта, зӕгъгӕ, фарст раттыны фадат уыд барадхъахъхъӕнӕг органты кусджытӕй ацы цауы фӕдыл кӕй ӕрцахстой, уыдоны хиуӕттӕн.

"Зианбаййафӕг фарс разы нӕ уыд фӕдагуырд ӕмӕ экспертизӕйы хатдзӕгтимӕ. Ацы цауы фӕдыл кӕй ӕрцахстой, уыдоны хиуӕттӕ та фехъусын кодтой, сӕ хӕстӕджытӕ ацы хъуыддаджы кӕй ницы хайад истой", - загъта Гасситы Петр.

Вице-спикеры ныхӕстӕм гӕсгӕ, алкӕцы фарс дӕр баззад йӕхи хъуыдыимӕ ӕмӕ ахсджиаг фӕстиуджытӕ ацы фембӕлдӕн нӕ уыд.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ.

Генералон прокуратурӕйы фӕдагуырды хайад 28 августы бакодта угодовон хъуыддаг Дзабиты Иналы мӕлӕты фӕдыл, кӕцыйы ӕрурӕдтой МХМ сӕргълӕууӕг Наниты Игоры амарын бафӕлварынмӕ зӕрдӕхсайыны тыххӕй. Уый фӕстӕ отставкӕйы арвыстой хицауады, кӕцыйы ног сконд нырма дӕр не сфидар кодтой

18
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

1
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

1
Хуссар Ирыстоны паддзахадон драмон театр

Ӕрхонгӕ режиссер Цхинвалы бавдисдзӕн комеди "Дон Жуан"

15
(ранӕуӕггонд 16:52 17.05.2021)
Спектакль Дон Жуан"-ы фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ

ЦХИНВАЛ, 17 май — Sputnik, Плиты Фатимæ. Хуссар Ирыстоны паддзахадон драмон театр сцӕттӕ кодта спектакль "Дон Жуан" рауадзынмӕ. Дыгуры театры сӕйраг режиссер Джелиты Хъазыбеджы бакастӕй комеди уыдзӕн драмӕйы ӕууӕлтимӕ, фехъусын кодтой Sputnik ПДТ пресс-службӕйы.

Уагдоны банысан кодтой, къорд кӕй архайы, цӕмӕй къуырийы кӕрон спектакль бавдисой аивадон советӕн.

"Ӕвзонг курдиатджын режиссер Джелиты Хъазыбегӕн ис ӕндӕрхуызон бакаст Мольеры комедимӕ, уый у психологон драмӕ, алкӕцы  адӕймаг дӕр арф ахъуыды кӕндзӕн ӕмӕ фӕхуддзӕн йӕхи ӕппӕрццаг миниуджытыл. Репетицитӕ цӕуынц бон дыууӕ хатты", - загътой пресс-службӕйы.

Уым ма бафтыдтой, спектакль "Дон Жуан"-ӕн кӕй бацӕттӕ кодтой диссаджы дарӕс ӕмӕ декорацитӕ.

"Тынг ӕхсызгон нын у ацы премьерӕйы тыххӕй фехъусын кӕнын. Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан", - бафтыдта уый.

Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

 

15