Цхинвалы инфекцион рынчындоны ссыгъд трансформатор
(ранӕуӕггонд 12:12 30.11.2020)
Медицинон кластеры территорийыл райсом ӕрцыд зынгсирвӕзт. Цауы бынаты кусынц зынфӕдисонтӕ ӕмӕ ирвӕзынгӕнджытӕЦХИНВАЛ, 30 ноя – Sputnik, Хъуылымбегты Азӕмӕт. Хуссар Ирыстоны столицӕйы бирӕпрофилон медицинон центры инфекцион рынчындоны къуырисӕры райсом ссыгъд трансформатор. Ныртӕккӕ цауы бынаты кусынц зынфӕдисонтӕ ӕмӕ ирвӕзынгӕнджытӕ, фехъусын кодта Sputnik УУМ пресс-секретарь Тедеты Роза.
"Ирвӕзынгӕнджытӕ рахицӕн кодтой трансформатор электрон хызӕгӕй, уымӕн ӕмӕ уый бахъыг дардтаид зынг хуыссын кӕнынӕн. Ныртӕккӕ бӕллӕхы бынаты кусынц зынгфӕдисонты дыууӕ къорды", - банысан кодтой уагдоны.
Цхинвалы инфекцион рынчындоны ис "сырх зонӕ", цы ран хос кӕнынц коронавирусӕй рынчынтӕ, се хсӕн ис рӕуджыты вентиляцимӕ иу пациенттӕ дӕр.
Транскам сӕхгӕдтой ӕвзӕр боныгъӕд ӕмӕ зӕйтӕ 'рцӕуыны тасы тыххӕй
(ранӕуӕггонд 09:38 18.01.2021)
Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕЦХИНВАЛ, 18 янв - Sputnik. Транскавказаг автомагистралыл фӕндагон змӕлд сӕхгӕдтой хуыцаубоны 21.00 сахатыл ӕвзӕр боныгъӕд ӕмӕ зӕйтӕ 'рцӕуыны тасы тыххӕй, хъусын кӕны Хуссар Ирыстоны Уӕлвӕткон уавӕрты министрады (УУМ) пресс-службӕ.
"Хуыцаубоны 21.00 сахатӕй сӕрмагонд барамынды онг Транскамыл уыдзӕн ӕхгӕд фӕндагон змӕлд", - дзырдӕуы пресс-службӕйы хъусинаджы.
Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ.
Транскавказаг автомагистраль — иунӕг фӕндаг, кӕйы иу кӕны Хуссар Ирыстоны Уӕрӕсеимӕ.
ПӔК радзырдтой, цал адӕймаджы фехӕлдтой Хуссар Иры арӕн декабры
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйыЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.
Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.
"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.
ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.