Коррекцион кълас Цхинвалы

Фонд "Лӕвар базырты" сӕргълӕууӕг: карантин ӕрурӕдта коррекцион къласы куыст Цхинвалы

7
(ранӕуӕггонд 15:13 02.12.2020)
Хӕрзаудӕн фонд "Лӕвар базыртӕ"-йы разамонӕг Цхуырбаты Татьяна радзырдта Sputnik пандеми куыд бандӕвта коррекцион къласы ахуырыл, уый тыххӕй

ЦХИНВАЛ, 2 дек - Sputnik, Хъуылымбегты Зӕлинӕ. Карантин ӕрурӕдта сывӕллӕттимӕ куыст коррекцион къласы, кӕцы сарӕзта 2018 азы хӕрзаудӕн фонд "Лӕвар базыртӕ", радзырдта Sputnik фонды разамонӕг Цхуырбаты Татьяна.

Коррекцион кълас бакодтой Цхинвалы ныййарджыты куырдиатӕй. Къласы сывӕллӕттимӕ кусынц хъазты формӕйы, уадзынц къордон ӕмӕ сӕрмагонд уроктӕ, психолог та сын ӕххуыс кӕны ӕхсӕнады цардмӕ ӕрбаиу кӕнын.

"Сывӕллӕттӕн ахуыртӕ куы ӕруромынц, уӕд уый тынг ӕвзӕр у, уымӕн ӕмӕ уыдон ферох кӕнынц сӕ зонындзинӕдтӕ", - загъта Цхуырбаты Татьяна.

Афтӕ ма Цхуырбаты Татьяна бафтыдта, зӕгъгӕ, коррекцион къласы дуӕрттӕ бакӕндзысты республикӕйы ахуырадон уагдӕттӕ куы бакӕной, уӕд.

Хуссар Ирыстоны 24 ноябрӕй ахуыр райдыдта кӕстӕр кълӕсты, афтӕ ма йӕ дуӕрттӕ бакодта скъолайы агъоммӕ къорд ӕмӕ Цхинвалы скъола-интернаты коррекцион кълас.

Хӕрзаудӕн фонд сывӕллӕтты ӕххуысӕн "Лӕвар базыртӕ" кусы Хуссар Ирыстоны 2017 азӕй фӕстӕмӕ. Фонд ӕмбырд кӕны фӕрӕзтӕ уӕззау рынчын сывӕллӕтты ӕххуысӕн, организаци кӕны хӕрзаудӕн культурон мадзӕлттӕ, фестивальтӕ, равдысттӕ ӕмӕ армукъатӕ.

7
Хуссар Ир ӕмӕ Гуырдзыйы хсӕн арӕн

ПӔК радзырдтой, цал адӕймаджы фехӕлдтой Хуссар Иры арӕн декабры

8
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйы

ЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.

Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.

"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.

ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.

8
кран

Сгарӕм ӕй алы бон дӕр: Цхинвалы мэрия нуазыны доны гъӕды тыххӕй

3
(ранӕуӕггонд 13:24 15.01.2021)
Дӕргъвӕтин къӕвдаты тыххӕй столицӕйы дон рацыд змӕстӕй, фӕлӕ горӕттаг администрацийы куыд фехъусын кодтой, афтӕмӕй йын йӕ гъӕд сгарынц ӕрвылбон дӕр

ЦХИНВАЛ, 15 янв – Sputnik, Козаты Диана. Нуазыны доны гъӕд горӕты резервуарты у ӕмбӕлон, къӕвда бонтӕм ӕнӕкӕсгӕйӕ, загътой Sputnik Цхинвалы мэрияйы  пресс-службӕйы.

Хуссар Ирыстоны цалдӕр бон цары къӕвда. Синопртикты бӕрӕггӕнӕнтӕм гӕсгӕ, улӕфт бонты ӕмӕ иннӕ къуырийы фыццаг ӕмбисы та уардзӕн мит. Столицӕйы администрацийы, "Водоканал"-ы информацийыл ӕнцойгӕнгӕйӕ, банысан кодтой, ӕвзӕр боныгъӕд бирӕ кӕй ницы бандӕвта доны гъӕдыл.

"Цалдӕр боны размӕ дон цыд змӕстӕй. Специалисттӕ дзы систой пробӕтӕ, доны гъӕд у стабилон. Нормӕйы фӕлгӕтты. Уымӕ ӕнӕкӕсгӕйӕ йӕ "Водоканал" баскары ӕрвылбон дӕр", - радзырдтой мэрияйы.

Уым ма банысан кодтой, зӕгъгӕ, кӕд доны гъӕ афтӕ февзр уа, ӕмӕ мауал бӕзза пайда кӕнынӕн, уӕд уайтагъд бафӕдзӕхсдзысты цӕрджыты.

3