Донуадзӕн Уанат-Цхинвал

Донуадзӕн Уанат-Цхинвал скусдзӕн ӕххӕст гуырахстӕй 2021 азы

21
Уӕлӕмхасӕн донуадзӕн Уанат-Цхинвал скусдзӕн 2021 азы. Уый аскъуыддзаг кӕндзӕн нуазыны доны цухдзинад горӕты

ЦХИНВАЛ, 7 дек – Sputnik, Хъуылымбегты Азӕмӕт. Уӕлӕмхасӕн донуадзӕн Уанат-Цхинвалы арӕзтады куыстытӕ фӕуыдзысты 2021 азы. Уый тыххӕй Sputnik фехъусын кодтой Хуссар Ирыстоны арӕзтад, архитектурӕ ӕмӕ ЦКХ министрады.

Сӕйраг куыстытӕ сарӕзтой ивгъуыд аз – уӕд донуадзӕн Уанат-Цхинвал сарӕзтой ӕмӕ йӕ баиу кодтой горӕты донифтонгады системӕмӕ.

"Уагъд цӕуы донуадзӕны капиталон цалцӕг ӕмӕ уадзынц дренажон хӕтӕлтӕ, уыдонӕн ныридӕгӕн сӕ фылдӕр хай сӕвӕрдтой", - радзырдта арӕзтады министрады минӕвар Къацты Сослан.

Уагдоны бафтыдтой, зӕгъгӕ, куыстытӕ уагъд цӕуынц 30 гектары фӕзуатыл.

Аразджытӕ банысан кодтой, объект ӕххӕст гуырахстӕй кӕй скусдзӕн куыстытӕ куы фӕуой, уӕд.

Куыстытӕ уагъд цӕуынц Инвестицион программӕйы фӕлгӕтты. Объекты генералон нардуатон организаци у фирмӕ "СТМ-ЮГ".

Уӕлӕмхасӕн донуадзӕн Уанат-Цхинвал скусдзӕн 2021 азы. Уый аскъуыддзаг кӕндзӕн нуазыны доны цухдзинад горӕты.

21
Цхинвалы райдайдзӕн авд уынджы капиталон цалцӕг

Цхинвалы райдайдзӕн авд уынджы капиталон цалцӕг

1
Республикӕйы столицӕйы ныридӕгӕн раивтой зӕххы бын коммуникациты 70 проценты, ӕввахс рӕстӕджы куыстытӕ райдайдзысты ноджы авд уынгыл

ЦХИНВАЛ, 4 мар - Sputnik, Хъуылымбегты Азӕмӕт. Хуссар Ирыстоны столицӕйы ӕввахс рӕстӕджы ногӕй райдыдтой зӕронд коммуникацион хӕтӕлтӕ раивыны фӕдыл цалцӕггӕнӕн куыстытӕ, фехъусын кодта Sputnik арӕзтад, архитектурӕ ӕмӕ ЦКХ министрады минӕвар Къацты Сослан.

Республикӕйы ӕрвылаз Инвестпрограммӕйы хаххыл ивынц доны, канализацион ӕмӕ газы зӕронд хӕтӕлтӕ.

"Цхинвалы ацы аз нывӕндынц авд уынджы капиталон цалцӕг: Плехановы, Санахъоты Гришикы, Сабырады, Едысы ӕмӕ Саулохты Мухтары уынгтӕ. Афтӕ ма, сцалцӕг кӕндзысты Нарты уынджы алвӕндаг Плиты Ароны уынджы онг. Нырма раивдзысты зӕххы бын коммуникацитӕ, уый фӕстӕ та дзы сӕвӕрдзысты асфальт", - радзырдта Къацты Сослан.

Генералон нардуатон организацитӕ уыдзысты паддзахадон унитарон куыстуӕттӕ "Водоканал" ӕмӕ "Энергоресурс-Хуссар Ирыстон".

Амӕйразмӕ "Водоканал"-ы хъусын кодтой, республикӕйы столицӕйы ныридӕгӕн кӕй раивтой зӕххы бын коммуникациты 70 проценты.

1
COVID-19

Хуссар Иры рабӕрӕг ис COVID-19-ы 21 ног цауы - "Югосетпотребнадзор"

3
(ранӕуӕггонд 15:07 04.03.2021)
Медицинон хыгъдӕй цыппӕрӕмы райсоммӕ систой 14 пациенты, сӕнӕнизуӕвджыты иумӕйаг нымӕц та схызт 2591 онг

ЦХИНВАЛ, 4 мар - Sputnik, Хъуылымбегты Зӕлинӕ. Хуссар Ирыстоны ивгъуыд къуыри сарӕзтой 95 иртӕсты коронавирус рафӕлгъауыны фӕдыл, уыдонӕй 21 равдыстой ӕвӕрццаг фӕстиуӕг, фехъусын кодта Sputnik санитарон уагдоны сӕргълӕууӕджы хӕдивӕг Гаглойты Анна.

"Коронавирусон инфекцийӕ ног рынчынты нымӕц Хуссар Иры абон у 21 адӕймаджы, ӕдӕппӕт пандемийы рӕстӕджы та - 3081", - загъта уый.

Гаглойты Анна ма бафтыдта, цыппӕрӕмы райсоммӕ медицинон уагдӕтты "сырх зонӕтӕй" кӕй рафыстой 14 пациенты, сӕнӕнизуӕвджыты иумӕйаг нымӕц та схызт 2591 онг. Медикты хъусдарды бын ма сты 490 рынчыны.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 661 тесты коронавирусы фӕдыл.

Республикӕйы январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

3