Уӕрӕсейаг ӕфсӕддонтӕ фесты Хуссар Иры объекты дезинфекци

Уӕрӕсейаг ӕфсӕддонтӕ фесты Хуссар Иры объекты дезинфекци

10
(ранӕуӕггонд 13:31 08.12.2020)
Ӕфсӕддонтӕ ауагътой дезинфекци спортивон объектты, ахуырадон уагдӕтты, республикон рынчындоны, афтӕ ма республикӕйы базарадон объектты дӕр

ЦХИНВАЛ, 8 дек - Sputnik. Хуссар ӕфсӕддон зылды радиацион, химикон ӕмӕ биологон хъахъхъӕнынады ӕфсӕддонтӕ фесты Хуссар Ирыстоны социалон ахсджиаг объектты дезинфекци. Уый тыххӕй хъусын кӕны Хуссар ӕфсӕддон зылды пресс-службӕ.

"Мӕйы дӕргъы специалисттӕ бакуыстой дезинфекцион фӕрӕзтӕй 60 бӕстыхайыл, 190 мин квадратон метры территори ӕмӕ фӕндӕгтыл", - радзырдта Хуссар ӕфсӕддон зылды командӕгӕнӕг, ӕфсады инӕлар Александр Дворников.

Ӕфсӕддонтӕ ауагътой дезинфекци спортивон объектты, ахуырадон уагдӕтты, республикон рынчындоны, афтӕ ма республикӕйы базарадон объектты дӕр. Специалистты лабораторийы сарӕзтой 2 минмӕ ӕввахс тесты коронавирусы фӕдыл республикӕйы цӕрджытӕн.

Ныртӕккӕ Хуссар ӕфсӕддон зылды радиацион, химикон ӕмӕ биологон хъахъхъӕнынады ӕфсӕддонтӕ ацыдысты Хуссар Ирыстоны территорийӕ сӕ дислокацийы бынатмӕ Волгограды областмӕ. Сӕрмагонд хӕслӕвӕрдтӕ ӕххӕст кӕнынӕн къорды сконды уыдысты 25 ӕфсӕддоны ӕмӕ сӕрмагонд техникӕйы 9 иуӕджы.

10
Этнолагерь

Хуссар Иры фыццаг хатт ацæудзæн æхсæнадæмон сфæлдыстадон форум

6
(ранӕуӕггонд 13:47 22.01.2021)
Сфæлдыстадон æвзонг адæмæн Хуссар Иры фæсивæдон политикæ æмæ спорты комитет сараздзæн форум, уырдæм фæхондзысты æндæр бæстæтæй уазджыты дæр

ЦХИНВАЛ, 22 янв – Sputnik, Гæбæраты Элина. Хуссар Ирыстоны ацы аз ацæудзæн фыццаг æхсæнадæмон сфæлдыстадон форум æвзонг адæмæн, фехъусын кодта фæсивæдон политикæ æмæ спорты комитеты сæрдары хæдивæг Гатыгкоты Валентина Sputnik Хуссар Ирыстоны пресс-конференцийы рæстæджы.

Валентина Гатикоева
© Sputnik / Natalia Airiyan
Гатыгкоты Валентина

Мадзалы ма дзырд цыд Хуссар Иры волонтерты куыстыл, фæсивæды хайадистыл республикæйы æхсæнадон царды, Уæрæсе æмæ æндæр бæстæты фæсивæдимæ æмгуыстадыл.

"Форум уыдзæн æхсæнадæмон. Нæ чызджытæ æмæ лæппутæ базонгæ уыдзысты Цæгат Кавказы республикæты æмæ чизоны æндæр бæтæты курдиатджын сфæлдыстадон фæсивæдимæ. Бирæ ирæттæ цæрынц Ирыстоны æддейæ æмæ мах фæнд кæнæм уыдон æрхонын дæр", - радзырдта Гатыгкоты Валентинæ.

Уый баххах кодта, ацы мадзал кæй уыдзæн пайдаджын, уымæн æмæ бынæттон фæсивæдæн нæй бирæ фадаттæ сæ курдиат æвдисынæн.

Форумы уазджыты нымæц нырма дырысæй бæрæг нæу, уымæн æмæ уый комкоммæ баст у финанскæнынадимæ, балхынцъ кодта комитеты сæрдары хæдивæг.

6
Хӕххон курорт Цъон

Къуайсайы ЦКХ сыгъдӕг кӕны фӕндӕгтӕ митуарды фӕстӕ

5
(ранӕуӕггонд 12:57 22.01.2021)
Къуайсайы ЦКХ кусджытӕ сыгъдӕг кӕнынц фӕндӕгтӕ, афтӕ ма техникӕ арвыстой хӕххон курорт Цъонмӕ дӕр

ЦХИНВАЛ, 22 янв – Sputnik, Хъуылымбегты Азӕмӕт. Хуссар Ирыстоны Дзауы районы митуарды аххосӕй горӕт Къуайса ӕмӕ ӕввахс хъӕуты фӕндӕгтӕ бамбӕрзта мит.

Къуайсайы цӕрӕнуатон-коммуналон хӕдзарады (ЦКХ) хистӕр Хуыгаты Алан куыд фехъусын кодта Sputnik, афтӕмӕй Къуайсайы ӕруарыд 30 сантиметры бӕрц мит, хъӕуты та ӕруарыд 60 сантиметры бӕрц. Ныртӕккӕ ЦКХ кусджытӕ сыгъдӕг кӕнынц фӕндӕгтӕ митӕй.

"Мах ӕрбаздахтам ӕппӕт техникӕ мит ссыгъдӕг кӕнынмӕ. Кусджытӕ ныридӕгӕн ссыгъдӕг кодтой фӕндӕгтӕ Киров, Надарваз, Замтарет, Ӕхсарджын, Хӕрдысӕр, Гулиантӕ ӕмӕ Кӕсагджыны хъӕуы", - загъта Хуыгаты Алан.

Уый бафтыдта, зӕгъгӕ, фӕндӕгтӕ горӕт Къуайсайы ныридӕгӕн ссыгъдӕг кодтой. Афтӕ ма фӕндӕгтӕ ссыгъдӕг кӕндзысты Кърозы хъӕуы.

Йӕ ныхӕстӕм гӕсгӕ, Къуайсайы ЦКХ арвыста техникӕ хӕххон курорт Цъонмӕ дӕр, кӕцы бакӕндзысты 23 январы.

5
Кокойты Тарзан

Кокойты Тарзан: Дзуццаты Хадзы-Мураты фæзынд ирон поэзийы уыд уникалон

0
(ранӕуӕггонд 16:14 22.01.2021)
Хуссар Ирыстоны раздæры депутат Кокойты Тарзан радио Sputnik Хуссар Ирыстоны эфиры радзырдта Дзуццаты Хадзы-Мураты сфæлдыстады тыххæй
Кокойты Тарзан: Дзуццаты Хадзы-Мураты фæзынд ирон поэзийы уыд уникалон

Ацы аз январы зындгонд ирон поэт, æхсæнадон архайæг, публицист Дзуццаты Хадзы-Муратыл сыххæст уыдаид 86 азы. Кокойты Тарзан куыд загъта, уымæ гæсгæ Хаджийы сфæлдыстад ирон поэзийы æмæ культурæйы уыд уникалон фæзынд.

"Скъола каст куы фæци, уæд йæхи тыхтæй æмæ хъæппæрисæй радта фæлварæнтæ Мæскуыйы Горькийы номыл литературон институтмæ æмæ уый дæр каст фæци сырх дипломыл", - загъта Тарзан.

Кокойты Тарзаны ныхæстæм гæсгæ, Хадзы-Мурат йæ сфæлдыстадæй æнустæм фыст æрцыд ирон поэзийы хæзнадоны, фæлæ иууыл диссагдæр уыд йе 'мбæстагон позици.

"Хаджи хаудта 60-æм азы поэттæм, ахуыр кодта Евгений Евтушенкоимæ æмæ йæхимæ райста уыцы дуджы арф нысаниуджытæ", - банысан кодта Кокойты Тарзан.

Тарзан ма куыд загъта, уымæ гæсгæ Дзуццаты Хадзы-Мурат удыхъæдæй уыд æфсæрмдзæстыг æмæ хуымæтæг адæймаг, фæлæ дзы мидæгæй сыгъд арт.

Лæмбынæгдæр хъусут аудиоæрмæджы.

0
Темӕтӕ:
Радио иронау