Хуссар Иры арӕн

Гуырдзыстоны ӕмбӕстаджы, кӕцы агуырдта Хуссар Иры политикон ӕмбӕхсӕн, радтой Гуырдзыстонӕн

13
(ранӕуӕггонд 11:40 09.12.2020)
Тбилисы цӕрӕг ахызт арӕны сӕрты ӕвзӕр медицинон лӕггӕдтӕ, цардуагон уавӕрты цухдзинад ӕмӕ йын куысты бынат кӕй нӕ уыд, уый тыххӕй, банысан кодтой ПӔК

ЦХИНВАЛ, 9 дек - Sputnik. Хуссар Ирыстоны къухдариуӕгад радта Гуырдзыстонӕн йӕ ӕмбӕстаг Реваз Беридзейы, кӕцы ноябры фехӕлдта республикӕйы паддзахадон арӕн, ӕмӕ ракуырдта политикон ӕмбӕхсӕн, хъусын кӕны РХИ Паддзахадон ӕдасдзинады (ПӔК) пресс-службӕ.

Уагдоны радзырдтой, 24 ноябры Беридзе кӕй ахызт арӕны уылты Цхинвалы хуссайраг кӕроны ӕмӕ йӕхи радта хуссарирыстойнаг тыхон структурӕты къухтӕм Паддзахадон автоинспекцийы стационарон постыл.

"Равзӕрстты рӕстӕджы Беридзе фехъусын кодта аххосӕгтӕ, кӕцыты тыххӕй уый ахызт арӕны сӕртыл: - ӕвзӕр медицинон лӕггӕдтӕ, цардуагон уавӕрты цухдзинад ӕмӕ йын куысты бынат кӕй нӕ уыд, уый. Гуырдзыстоны ӕмбӕстаг радзырдта, бирӕ хатт кӕй бадзырдта хицауадмӕ, цӕмӕй йын баххуыс кӕной, фӕлӕ дзуапп нӕ райста. Беридзейы ныхӕстӕм гӕсгӕ, Гуырдзыстоны ахӕм адӕм тынг бирӕ ис", - радзырдтой ПӔК.

Гуырдзыстоны эпидемиологон уавӕры тыххӕй Беридзе радзырдта, ӕнӕниздзинад хъахъхъӕнынады системӕ кӕй нӕ тых кӕны бирӕнымӕц пациенттӕн хос кӕныныл, нӕй дзы хостӕ, фӕзынаргъдӕр сты медицинон лӕггӕдтӕ.

"Ацы факторты тыххӕй Беридзе фехӕлдта паддзахадон арӕн ӕмӕ ракуырдта ӕххуыс РХИ къухдариуӕгадӕй. Ацы цауы фӕдыл нӕй гӕнӕн бамбарын Европейаг цӕдисы цӕстдарджыты позици, кӕцытӕ сӕ цӕстытӕ сӕхгӕдтой Гуырдзыстоны цӕрджыты уӕззау социалон-экономикон уавӕрыл, кӕцытӕ ныууадзынц сӕ хӕдзӕрттӕ ӕмӕ агурынц ӕххуыс Хуссар Ирыстоны", - банысан кодтой комитеты.

Реваз Беридзе Хуссар Ирыстоны арӕн кӕй фехӕлдта политикон ӕмбӕхсӕн агургӕйӕ, уый фӕдыл 1 декабры Сырх Дзуары ӕхсӕнадӕмон комитеты ӕмархайдӕй йӕ радтой гуырдзиаг фарсӕн ӕнӕ иварон санкцитӕй, бафтыдтой ПӔК.

13
Пухаты Эрик

Хуссар Иры президент йæ уынаффæгæнæгæй снысан кодта хицауады раздæры сæрдары

2
(ранӕуӕггонд 17:01 20.01.2021)
Ивгъуыд аз августы онг Пухаты Эрик куыста Хуссар Ирыстоны хицауады сæрдарæй. Цхинвалы æвзонг цæрæг Дзабиты Иналы мæлæты фæстæ уый ацыд отставкæйы

ЦХИНВАЛ, 20 янв - Sputnik. Хуссар Ирыстоны президент Бибылты Анатолий снысан кодта хицауады раздæры сæрдар Пухаты Эрикы йæ паддзахадон уынаффæгæнæгæй экономикон фарстыты фæдыл, фехъусын кодтой президенты администрацийы.

Эрик Георгийы фырт, кæцы 2017 азы маййæ 2020 азы августы онг лæууыд республикæйы хицауады сæргъ, раивта ацы бынаты Джуссойты Сосланы - уый президент ссæрибар кодта йæ куыстæй ивгъуыд аз декабры кæрон.

 

Биографион справкæ

Пухаты Эрик Георгийы фырт райгуырд 1957 азы 5 майы РХИ-ы Знауыры районы Схлиты хъæуы.

1982 азы каст фæцис Хуссар Ирыстоны паддзахадон педогогон институты "Математикæ æмæ физикæ"-йы факультет.

Фæллойадон архайды рæстæджы куыста Цхинвалы консерваразæн заводы, каст лекцитæ ХИПУ-ы.

2005 азы слæууыд РХИ Паддзахадон статистикæйы управленийы сæргъ.

2014 азы апрелы нысан æрцыд РХИ хицауады сæргълæууæджы хæдивæгæй.

Хорзӕхджын у Хуссар Ирыстоны майданӕй "Фӕллойады сгуыхтдзинад", Днестргӕрон Молдаваг республикӕйы майданӕй "Ӕхсӕнадӕмон ӕмгуыстады фидар кыныны тыххӕй".

Ис ын бинонтӕ, ӕртӕ хъӕбулы.

2
COVID-19

Хуссар Иры сбӕрӕг кодтой 37 ног рынчыны коронавирусӕй

4
(ранӕуӕггонд 16:10 20.01.2021)
Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты

ЦХИНВАЛ, 20 янв - Sputnik, Хъуылымбегты Зӕлинӕ. Хуссар Ирыстоны рынчындоны интенсивон терапийы хайады ис цыппар пациенты коронавирусимӕ, радзырдта Sputnik "Югосетпотребнадзор"-ы хистӕр Коцты Марина.

Хуссар Ирыстоны коронавирусы пандемийы райдианӕй сарӕзтой 14577 иртӕсты, уыдонӕй 2652 равдыстой тӕссаг инфекцион низы уӕвынад.

"Ивгъуыд суткӕйы сарӕзтӕуыд 132 тесты, уыдонӕй 37 адӕймагӕн разынд COVID-19", - загъта Коцты Марина.

Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты.

Сӕйраг санитарон дохтыры ныхӕстӕм гӕсгӕ, Ленингоры рынчындоны коронавирусимӕ тох кӕнынц ӕхсӕз рынчыны, Къуаисайы та - авд.

4