РХИ парламент

Бибылты Анатолий раарфӕ кодта депутаттӕн Хуссар Иры парламентыл 30 азы сӕххӕсты цытӕн

8
(ранӕуӕггонд 15:02 09.12.2020)
30 азы размӕ 9 декабры ацыдысты фыццаг ӕвзӕрстытӕ республикӕйы Уӕлдӕр Советмӕ – ацы бонӕй фӕстӕмӕ райдыдта Хуссар Ирыстоны паддзахаддзинады арӕзтад

ЦХИНВАЛ, 9 дек - Sputnik. Парламенты депутаттӕн хъуамӕ сӕ куыст уа сӕхи интерестӕй бӕрзонддӕр бынатыл, ӕмӕ, фыццаджыдӕр, хъуамӕ архайой Конституцимӕ гӕсгӕ, фехъусын кодта президент Бибылты Анатолий йӕ арфӕйы телы закондӕттӕг органы сӕвзӕрды 30 азы цытӕн.

Президент ӕрсидт депутаттӕм, цӕмӕй цӕвиттон исой фыццаг ӕрсидты депутаттӕй, ӕмӕ банысан кодта, сӕ патриотизмы руаджы райстӕуыд бирӕ бындурӕвӕрӕг документтӕ.

"Уӕззау политикон уавӕртӕм ӕнӕкӕсгӕйӕ, алцыдӕр сарӕзтӕуыд, цӕмӕй мах райсӕм хӕдбардзинад Гуырдзыстонӕй, скъуыддзаг кӕнӕм нӕ социалон-экономикон хӕслӕвӕрдтӕ", - бахахх кодта президент.

Бибылты Анатолий бафтыдта, зӕгъгӕ, 1990 азы 9 декабры парламентмӕ ӕвзӕрстыты фӕстӕ райдыдтой аразын республикӕйы нормативон-барадон базӕ – ӕмӕ Хуссар Ирыстон слӕууыд паддзахаддзинад сфидар кӕныны фӕндагыл.

Президент бахахх кодта, ӕрмӕстдӕр закондӕттӕг ӕмӕ ӕххӕстгӕнӕг хицауады ӕмгуыстады руаджы Хуссар Ирыстоны адӕмӕн уыдзӕн ирд фидӕн.

8
Транскам

Транскам сӕхгӕдтой ӕвзӕр боныгъӕд ӕмӕ зӕйтӕ 'рцӕуыны тасы тыххӕй

2
(ранӕуӕггонд 09:38 18.01.2021)
Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ

ЦХИНВАЛ, 18 янв - Sputnik. Транскавказаг автомагистралыл фӕндагон змӕлд сӕхгӕдтой хуыцаубоны 21.00 сахатыл ӕвзӕр боныгъӕд ӕмӕ зӕйтӕ 'рцӕуыны тасы тыххӕй, хъусын кӕны Хуссар Ирыстоны Уӕлвӕткон уавӕрты министрады (УУМ) пресс-службӕ.

"Хуыцаубоны 21.00 сахатӕй сӕрмагонд барамынды онг Транскамыл уыдзӕн ӕхгӕд фӕндагон змӕлд", - дзырдӕуы пресс-службӕйы хъусинаджы.

Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ.

Транскавказаг автомагистраль — иунӕг фӕндаг, кӕйы иу кӕны Хуссар Ирыстоны Уӕрӕсеимӕ.

 

2
Хуссар Ир ӕмӕ Гуырдзыйы хсӕн арӕн

ПӔК радзырдтой, цал адӕймаджы фехӕлдтой Хуссар Иры арӕн декабры

9
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйы

ЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.

Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.

"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.

ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.

9