Хуссар Иры иу мӕймӕ ӕрурӕдтой 28 арӕнхалӕджы

Хуссар Иры иу мӕймӕ ӕрурӕдтой 28 арӕнхалӕджы

14
ПӔК Арӕнгӕрон службӕ ауагъта алкӕцы цауы фӕдыл дӕр равзӕрсттӕ, кӕцыты фӕстиуӕгӕн бакодтой уголовон хъуыддӕгтӕ, рафыстой ивартӕ

ЦХИНВАЛ, 9 дек - Sputnik. Хуссар Ирыстоны арӕнхъахъхъӕнджытӕ ноябры ӕрурӕдтой 28 арӕнхалӕджы, хъусын кӕны Паддзахадон ӕдасдзинады комитеты (ПӔК) пресс-службӕ.

Уагдоны банысан кодтой, 22 адӕймаджы кӕй фехӕлдтой паддзахадон арӕны режим, ӕхсӕз та арӕнгӕрон режим.

Алкӕцы цауы фӕдыл дӕр ауагътой равзӕрсттӕ, кӕцыты фӕстиуӕгӕн 17 арӕнхалӕджы фӕивар кодтой, аст – арвыстой республикӕйы территорийӕ ӕнӕ иварон санкцитӕй, ӕртӕ адӕймаджы фӕдыл та бакодтой уголовон хъуыддӕгтӕ.

ПӔК зӕрдыл ӕрбалӕууын кодтой, Хуссар Ирыстон ӕмӕ Гуырдзыстоны арӕны сӕртыл уадзӕн пункттӕ ӕхгӕд кӕй сты сӕрмагонд барамынды онг.

14
Кафе Vincenzo

Прокуратурӕ басгӕрста хъусинаг Цхинвалы кафе "Vincenzo"-йы мыздты фӕурӕды фӕдыл

0
(ранӕуӕггонд 13:17 26.01.2021)
Генералон прокуратурӕ ауагъта басгӕрст социалон хызӕг Instagram-ы куы ныммыхуыр кодтой информаци уагдоны кусджытӕн мыздты нӕ бафидыны тыххӕй, уый фӕдыл

ЦХИНВАЛ, 26 янв - Sputnik. Хуссар Ирыстоны Генпрокуратурӕ ауагъта басгӕрст столицӕйы кафе "Vincenzo"-йы мыздтӕ нӕ фидыны фӕдыл.

Ӕмбӕлон барамынд радта республикӕйы генпрокурор Дзӕгъиаты Уырызмӕг социалон хызӕг Instagram-ы куы фӕзынд хъусинаг, ома 2020 азы мартӕй фӕстӕмӕ кафейы кусджытӕн мызд нӕ фидынц, уый фӕстӕ.

Уагдоны пресс-службӕ куыд хъусын кӕны, афтӕмӕй прокуророн басгӕрсты рӕстӕджы ӕркастысты мызды фӕдыл документтӕм фарон мартӕй фӕстӕмӕ ныры рӕстӕджы онг периоды.

"Афтӕ ма ӕрныхас кодтой кафейы кусджытимӕ, кӕцытӕ банысан кодтой, мызд сын кӕй фидынц рӕстӕгыл фӕллойады бадзырдты домӕнтӕм гӕсгӕ", - дзырдӕуы хъусинаджы.

Басгӕрсты фӕстиуджытӕм гӕсгӕ, информаци, кӕцы ныммыхуыр кодтой социалон хызӕджы, не сфидар кодтой.

0
Ковид

Хуссар Иры санитарон уагдон фехъусын кодта ног бæрæггæнæнтæ COVID-19-ы фæдыл

2
(ранӕуӕггонд 12:41 26.01.2021)
Пандемийы райдианæй æдæппæт республикæйы коронавирусæй фæрынчын сты 2 746 адæймаджы, банысан кодтой "Югосетпотребнадзор"-ы

ЦХИНВАЛ, 26 янв – Sputnik, Хъуылымбегты Азæмæт. Хуссар Ирыстоны ивгъуыд суткæйы рабæрæг кодтой коронавирусæй æхсæз ног фæрынчынуæвæджы, фехъусын кодта Sputnik "Югосетпотребнадзор"-ы сæргълæууæджы хæдивæг Гаглойты Анна.

"Ивгъуыд суткæйы сарæзтæуыд 67 тесты COVID-19 рафæлгъауыны тыххæй, уыдонæй æхсæз равдыстой низы уæвынад. Афтæ ма суткæйы дæргъы хыгъдæй систæуыд фараст адæймаджы", - радзырдта Гаглойты Анна.

Уый ма бафтыдта, медицинон хъусдарды бын нырма кæй ис 773 адæймаджы. Пандемийы райдианæй æдæппæт республикæйы сарæзтой 15 075 тестры коронавирус рабæрæг кæныны тыххæй, уыдонæй 2 746 равдыстой æвæрццаг фæстиуæг.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

2