Дзабиты Иналы зиан

Дзабиты Иналы ӕфсымӕры ауагътой прокуратурӕйӕ ӕвдисӕндзырдты фӕстӕ

9
(ранӕуӕггонд 17:22 09.12.2020)
Генпрокуратурӕ хуыцаубоны радта агуырдмӕ Дзабиты Ацӕмӕзы "хицауады уӕнгтӕн ӕнӕцензурон ныхӕстӕ дзурыны тыххӕй"

ЦХИНВАЛ, 9 дек – Sputnik, Козаты Диана. Хуссар Ирыстоны Генералон  прокуратурӕ ауагъта Дзабиты Ацӕмӕзы ӕвдисӕндзырдтӕ раттыны фӕстӕ, фехъусын кодта ртыццӕджы генпрокурор ДзӕгъиатыУырызмӕг.

Дзабиты Ацӕмӕзы (Дзабиты Иналы фаззон ӕфсымӕр, кӕцы амард МХм Криминалон милицийы агуысты ӕрфарсты рӕстӕджы) цалдӕр боны размӕ радтой агуырды. Уӕд Генпрокуратурӕйы фехъусын кодтой, уый театралон фӕзуаты кӕй дзырдта хицауады уӕнгтӕн ӕнӕцензурон ныхӕстӕ.

"Дзабиты Ацӕмӕз радта ӕвдисӕндзырдтӕ, уый фӕстӕ йӕ ауагътой пркуратурӕйы бӕстыхаййӕ", – загъта Дзӕгъиаты Уырызмӕг.

Цхинвал ӕхсӕзӕм бон цӕуынц протестон акцитӕ, хайад сӕ исынц Дзабиты Иналы хиуӕттӕ ӕмӕ ӕндӕр адӕм. Уыдон домынц, цӕмӕй Иналы амарды хъуыддаг сгӕрст ӕрцӕуа растӕй ӕмӕ ӕцӕгӕй аххосджынтӕ ӕрцӕуой ӕфхӕрд, афтӕ ма цӕмӕй генералон прокурор ацӕуа отставкӕйы.

Августы кæрон рабæрæг ис, МХМ хистæры амарын бафæлварыны хъуыддаджы зæрдæхсайгæ адæймаг Дзабиты Иналы рæстæгмæ дарæн изоляторæй кæй фæхæццæ кодтой рынчындонмæ уæззау буары цæфтимæ. Фæстæдæр фехъусын кодтой, лæппу кæй амард.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ.

9
Пухаты Эрик

Хуссар Иры президент йæ уынаффæгæнæгæй снысан кодта хицауады раздæры сæрдары

2
(ранӕуӕггонд 17:01 20.01.2021)
Ивгъуыд аз августы онг Пухаты Эрик куыста Хуссар Ирыстоны хицауады сæрдарæй. Цхинвалы æвзонг цæрæг Дзабиты Иналы мæлæты фæстæ уый ацыд отставкæйы

ЦХИНВАЛ, 20 янв - Sputnik. Хуссар Ирыстоны президент Бибылты Анатолий снысан кодта хицауады раздæры сæрдар Пухаты Эрикы йæ паддзахадон уынаффæгæнæгæй экономикон фарстыты фæдыл, фехъусын кодтой президенты администрацийы.

Эрик Георгийы фырт, кæцы 2017 азы маййæ 2020 азы августы онг лæууыд республикæйы хицауады сæргъ, раивта ацы бынаты Джуссойты Сосланы - уый президент ссæрибар кодта йæ куыстæй ивгъуыд аз декабры кæрон.

 

Биографион справкæ

Пухаты Эрик Георгийы фырт райгуырд 1957 азы 5 майы РХИ-ы Знауыры районы Схлиты хъæуы.

1982 азы каст фæцис Хуссар Ирыстоны паддзахадон педогогон институты "Математикæ æмæ физикæ"-йы факультет.

Фæллойадон архайды рæстæджы куыста Цхинвалы консерваразæн заводы, каст лекцитæ ХИПУ-ы.

2005 азы слæууыд РХИ Паддзахадон статистикæйы управленийы сæргъ.

2014 азы апрелы нысан æрцыд РХИ хицауады сæргълæууæджы хæдивæгæй.

Хорзӕхджын у Хуссар Ирыстоны майданӕй "Фӕллойады сгуыхтдзинад", Днестргӕрон Молдаваг республикӕйы майданӕй "Ӕхсӕнадӕмон ӕмгуыстады фидар кыныны тыххӕй".

Ис ын бинонтӕ, ӕртӕ хъӕбулы.

2
COVID-19

Хуссар Иры сбӕрӕг кодтой 37 ног рынчыны коронавирусӕй

4
(ранӕуӕггонд 16:10 20.01.2021)
Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты

ЦХИНВАЛ, 20 янв - Sputnik, Хъуылымбегты Зӕлинӕ. Хуссар Ирыстоны рынчындоны интенсивон терапийы хайады ис цыппар пациенты коронавирусимӕ, радзырдта Sputnik "Югосетпотребнадзор"-ы хистӕр Коцты Марина.

Хуссар Ирыстоны коронавирусы пандемийы райдианӕй сарӕзтой 14577 иртӕсты, уыдонӕй 2652 равдыстой тӕссаг инфекцион низы уӕвынад.

"Ивгъуыд суткӕйы сарӕзтӕуыд 132 тесты, уыдонӕй 37 адӕймагӕн разынд COVID-19", - загъта Коцты Марина.

Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты.

Сӕйраг санитарон дохтыры ныхӕстӕм гӕсгӕ, Ленингоры рынчындоны коронавирусимӕ тох кӕнынц ӕхсӕз рынчыны, Къуаисайы та - авд.

4