Протесты акци Цхинвалы

Тыхон структурӕтӕ бакодтой Цхинвалы центр, цы ран уагъд цӕуы протесты акци

13
(ранӕуӕггонд 12:44 10.12.2020)
Дзабиты Иналы бинонтӕ, кӕцы амард МХМ Криминалон милицийы агъуысты ӕрфарсты рӕстӕджы, расидтысты ивгъуыд къуыри протесты акци

ЦХИНВАЛ, 10 дек – Sputnik, Козаты Диана. Цхинвалы центры систой арӕнӕвӕрдтӕ автотранспорты змӕлдыл, кӕцытӕ бакодтой къуырийы размӕ протесты акцийы тыххӕй, кӕцы уадзынц Дзабиты Иналы хиуӕттӕ.

Театралон фӕзуатыл ацы бонты дӕргъы тыхон структурӕтӕ сӕ хъус дарынц ӕхсӕнадон фӕткы ӕдасдзинадмӕ. Уыимӕ иумӕ, социалон хызӕгты фӕзындысты видеоӕрмӕджытӕ, цы ран барадхъахъхъӕнӕг органтӕ нӕ уагътой фӕзуаты адӕммӕ хӕрд ӕмӕ дон, афтӕ ма газы баллонтӕ дӕр – цӕмӕй схъарм уой. Амӕйразмӕ тыхон структурӕтӕ нӕ бауагътой сӕвӕрын палаткӕтӕ.

"Горӕты центр знон изӕр бакодтой автотранспорты змӕлдӕн. Нӕ кусджытӕ нырма дӕр лӕууынц уым ӕмӕ хъахъхъӕнынц ӕхсӕнадон фӕтк. Столицӕйы уавӕр у стабилон, райсомӕй фӕзуатыл уыд цалдӕр адӕймаджы", - загътой Хуссар Ирыстоны МХМ пресс-службӕйы.

Протестон акци Цхинвалы уагъд цӕуы ӕвдӕм бон. Акцийы хайадисджытӕй сӕ иуы ныхӕстӕм гӕсгӕ, изӕрмӕ фӕзуатыл ӕрӕмбырд вӕййы бирӕ адӕм – знон дзы уыд сӕдӕмӕ ӕввахс. Дзабиты Иналы хиуӕттӕ уым вӕййынц ӕрвыл суткӕ.

"Адӕм нырма нӕ фӕнд кӕнынц фӕуын акци. Уыдон ӕнхъӕлмӕ кӕсчнц, цӕмӕй сӕм хицауады минӕвӕрттӕй исчи рахиза", - загъта ныхасӕмбал.

Августы кæрон рабæрæг ис, МХМ хистæры амарын бафæлварыны хъуыддаджы зæрдæхсайгæ адæймаг Дзабиты Иналы рæстæгмæ дарæн изоляторæй кæй фæхæццæ кодтой рынчындонмæ уæззау буары цæфтимæ. Фæстæдæр фехъусын кодтой, лæппу кæй амард.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ.

13
Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

3
(ранӕуӕггонд 16:50 26.01.2021)
Плиты Ароны уынгыл уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц фӕндаггӕрон, уымӕ гӕсгӕ дзы рӕстмӕ азмӕлӕн нал вӕййы, уый хынцгӕйӕ автоинспекци фӕнд кӕны сӕвӕрын фӕдзӕхсты нысӕнттӕ

ЦХИНВАЛ, 26 янв — Sputnik, Плиты Фатимӕ. Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ. Автобусы шофрты бахъӕуы фӕндагон змӕлды тӕмӕны фӕстӕмӕ цыдӕй бацӕуын лӕууӕндонмӕ.

Цхинвалы ӕфсӕддон городокмӕ фӕндаг Плиты Ароны уынгыл фарон цалцӕг куы цыд уӕддӕр ссис хъаугъайаг, уӕд цӕрджытӕ домтой цӕмӕй йӕ фӕуӕрӕхдӕр кӕной. Фӕндаг арӕзт ӕрцыд домӕнтӕм гӕсгӕ, уӕддӕр разынд проблемон. Ам уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц, уымӕ гӕсгӕ дзы рӕстмӕ азмӕлӕн нал вӕййы.

"Фӕндаг арӕзт куы фӕцис, уӕд фӕндаггӕрон сӕвӕрдтой бордюртӕ. Раздӕр ӕфсӕддонтӕ кӕд сӕ хӕдулгӕтӕ урӕдтой Афганистаны хӕстонты цырты цур, уӕд дзы ныр бахизӕн нал ис. Уымӕ гӕсгӕ фӕндаггӕрон байдзаг вӕййы хӕдтулгӕтӕй ӕмӕ рейсон автобустӕн нал вӕййы бацӕуӕн",- загъта районы цӕрӕг Эльбрус.

Ӕрӕджы рейсон автобус уынгӕг фӕндагыл раскъуыдта йӕ кӕсӕн, хӕдтулгӕйы бардарӕг домы дӕс мин.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ

Фарст алыг кӕныны нысанӕн паддзахадон автоинспекци сӕвӕрдта пост.

"Уавӕр хынцгӕйӕ мах сӕвӕрдам уӕлӕмхас пост ацы ран. Нӕ инспектортӕ сӕ хъус дарынц уавӕрмӕ райсом 7:30-ӕй 9 сахатмӕ Фӕстӕдӕр ам сывӕрдзыстӕм фӕндагон нысӕнттӕ, кӕцытӕ фӕдзӕхсдзысты, цӕмӕй ам хӕдулгӕтӕ ма уромой. Фӕткхалджытӕ ивар цӕуыдзысты", - загъта Sputnik паддзахадон автоинспекцийы агитаци ӕмӕ пропагандӕйы хистӕр инспектор Уалыты Альма.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ
3
Цхинвал

Цхинвалы ӕрцыд ФТЦ фондз хӕдтулгӕйы хайадистӕй

3
(ранӕуӕггонд 13:57 26.01.2021)
Фондз хӕдтулгӕйы ссисты фӕндагон-транспортон цауы хайадисджытӕ Хуссар Ирыстоны столицӕйы дыццӕджы

ЦХИНВАЛ, 25 янв – Sputnik, Хъуылымбегты Азӕмӕт. Цхинвалы 8-ӕм июны уынгыл дыццӕджы ӕрцыд фӕндагон-транспортон цау (ФТЦ) фондз хӕдтулгӕйы хайадистӕй.

Цӕстӕйфенджыты ныхӕстӕм гӕсгӕ, ВАЗ-2121 хӕдтулгӕ сӕмбӕлд фӕсарӕйнаг хӕдтулгӕйыл, кӕцы лӕууыд йӕ разӕй, ӕмӕ уый фӕстиуӕгӕн ӕндӕр хӕдтулгӕтӕ дӕр бахъыгдард сты. Развӕлгъау бӕрӕггӕнӕнтӕм гӕсгӕ, ФТЦ фӕстиуӕгӕн зианбаййафджытӕ нӕй. Аварийы цы хӕдтулгӕтӕ истой хайад, уыдоны шофырты арвыстой медицинон басгӕрстмӕ.

Хуссар Ирыстоны Паддзахадон автоинспекцийы бӕрӕггӕнӕнтӕм гӕсгӕ, 2020 азы республикӕйы фӕндӕгтыл ӕрцыд 137 фӕндагон-транспортон цауы. Азы райдайӕнӕй паддзахадон статистикӕмӕ бахаудтой дӕс ФТЦ-йӕ цъусдӕр.

3