Цхинвалы бакӕндзысты ногазон армукъа
(ранӕуӕггонд 09:46 14.12.2020)
Ногазон хъазӕнтӕ ӕмӕ наз бӕлӕстӕ балхӕнӕн уыдзӕн столицӕйы дыккӕгӕм базары раз Харебаты Исахъы уынгыл ЦХИНВАЛ, 13 дек — Sputnik, Плиты Фатимӕ. Хуссар Ирыстоны пандемимӕ ӕнӕкӕсгӕйӕ бакӕндзысты ногазон армукъа. Рӕстӕгмӕ базар ӕрбынат кӕндзӕн столицӕйы Харебаты Исахъы уынгыл, фехъусын кодта Sputnik горӕты администрацийы кусӕг Къобесты Маирбег.
"Пандемимӕ ӕнӕкӕсгӕйӕ уӕддӕр аскъуыддзаг кодтам бакӕнын ногазон армукъа, уымӕн ӕмӕ уӕддӕр адӕмы хъӕуы самал кӕнын наз бӕлӕстӕ ӕмӕ сӕ хъазӕнтӕ. Рӕстӕгмӕ базар кусдзӕн 15-31 декабрьмӕ", - загъта уый.
Йӕ ныхӕстӕм гӕсгӕ, сӕм куырдиаттӕ ӕрбацыд 25 амалиуӕгдарӕй, кӕцыты фӕнды уыцы базар кӕнын.
"Ӕмткӕй базары раз бацӕудзӕн 28 адӕймаджы базарадон цатыры, фӕлӕ сӕ нымӕц бирӕ куы вӕййы, уӕд сын рахицӕн кӕнӕм бынат республикон библиотекӕйы раз", - бафтыдта Къобесты Маирбег.
Ногазон армукъа ӕрвылаз бакӕнынц Цхинвалы базары раз, уым балхӕнӕн вӕййы ногазон хъазӕнтӕ ӕмӕ аразгӕ наз бӕлӕстӕ.
Хуссар Иры ацыд автозгъорд Уӕрӕсейы боны цытӕн
(ранӕуӕггонд 18:59 12.06.2021)
Бӕрӕгбоны цытӕн автозъорды архайджытӕн раарфӕ кодтой Хуссар Ирыстоны президент Бибылты Анатолийы, Россотрудничествойы хайады сӕргълӕууӕг Сергей Скворцов ӕмӕ фӕсивӕдон организацийы хистӕр Коцты МихаилЦХИНВАЛ, 12 июн — Sputnik, Хъуылымбегты Азӕмӕт. Хуссар Ирыстоны ацыд автозгъорд Уӕрӕсейы боны цытӕн. Дӕс хӕдтулгӕйӕ фылдӕр Хуссар Ирыстон ӕмӕ Уӕрӕсейӕ тырысатимӕ сабаты ӕрзылдымты Цхинвалыл.
Мадзалмӕ йӕ хъус дардта президент Бибылты Анатолийы. Уый раарфӕ кодта архайджытӕн бӕрӕгбоны фӕдыл.
"Уӕрӕсейы бон Хуссар Ирыстоны у паддзахадон бӕрӕгбон, ӕхсызгон мын у фӕсивӕд йӕ афтӕ кӕй нысан кӕны. Бузныг дзурын автозгъорды архайджытӕн. Хуыцау зӕгъӕт, цӕмӕй автозъорд суа ӕрвылазон", - загъта президент.
Автозъорд сорганизаци кодта фӕсивӕдон организаци "Иугонд Алани" Хуссар Ирыстоны Уӕрӕсейы минӕварадимӕ иумӕ.
Хуссар Иры ацыд автозгъорд Уӕрӕсейы боны цытӕн© Sputnik
Хуссар Иры ацыд автозгъорд Уӕрӕсейы боны цытӕн© Sputnik
Хуссар Иры ацыд автозгъорд Уӕрӕсейы боны цытӕн© Sputnik
Хуссар Иры ацыд автозгъорд Уӕрӕсейы боны цытӕн© Sputnik
©
Sputnik
Автозъорд райдыдта Кады Аллейы Ӕнусон арты цурӕй, уыйфӕстӕ ссыдысты Тулдзы къохмӕ. Мадзалы рӕстӕджы йӕ архайджытӕ уыдысты Цхинвалы алкӕцы къуымы дӕр.
Уӕрӕсейы бон ӕрвылаз нысан цӕуы Хуссар Ирыстоны 2005 азӕй фӕстӕмӕ.
ХИПУ ректор студенттӕ-актерты тыххӕй: тагъд рӕстӕджы хъаздзысты сӕйраг рольты
(ранӕуӕггонд 17:16 11.06.2021)
Sputnik пресс-конференцийы рӕстӕджы Тедеты Вадим загъта йӕ хъуыды ХИПУ-йы актерон дӕсниады факультетмӕ студентты райсыны тыххӕйЦХИНВАЛ, 11 июн - Sputnik, Гӕбӕраты Элина. Студенттӕ, кӕцытӕ ахуыр кӕнынц актерон дӕсниад ХИПУ-йы, сӕхи ӕвдисынц иттӕг хорз, фехъусын кодта Хуссар Ирыстоны паддзахадон университеты ректор Тедеты Вадим Sputnik Хуссар Ирыстоны пресс-конференцийы рӕстӕджы.
Дӕсниад "Актерон аивад" бакодтой ХИПУ-йы 2020 азы. Дӕсниады фӕдыл дисциплинӕтӕ студенттӕн уадзынц Хуссар Ирыстоны Паддзахадон драмон театры актертӕ.
Тедеты Вадим банысан кодта, ахуыргӕнджытӕ кӕй уадзынц фидӕны актертимӕ уӕлӕмхасӕн ахуыртӕ.
Ректоры ныхӕстӕм гӕсгӕ, актерон дӕсниад сахуыр кӕныны ӕмгъуыд у цыппар азы. Уый фидарӕй загъта, иу-дыууӕ азы фӕстӕ фидӕны актертӕн уыдзӕн фадат ӕххӕст кӕнын сӕйраг рольтӕ ӕмӕ банысан кодта, спектакль "Дон Жуан"-ы фӕсивӕд сӕхи иттӕг хорз равдыстой дыккаг планы рольты.
Тедеты Вадим зӕрдыл ӕрбалӕууын кодта, "Актерон аивад" дӕсниадмӕ абитуриентты райстой ӕрмӕст иу хатт, курс бакӕныны фӕдыл хъӕппӕрис та бахаста Хетӕгкаты Къостайы номыл Паддзахадон драмон театр.
"Махӕн ныр иууыл ахсджиаг у, цӕмӕй рауагъдонтӕ бахизой театралон труппӕйы скондмӕ. Уый фӕстӕ кӕд бахъӕуа, уӕд бакӕндзыстӕм ноджы иу курс", - банысан кодта ректор.
Пресс-конференцимӕ фӕхуыдтой студентон советы сӕрдар Кокойты Аннайы дӕр, кӕцы банысан кодта, ахуыргӕнӕндоны кӕй ис алы уавӕртӕ дӕр студентты сфӕлдыстадон нывӕзтыты реализацийӕн.
Кокойты Анна ма бахахх кодта, кӕй йӕ фӕнды уынын университеты фылдӕр активон ӕмӕ уӕздан студентты.
©
Sputnik
Кокойты Анна