Ног аз пандемийы рӕстӕджы: Цхинвал банысан кӕндзӕн бӕрӕгбонон мадзӕлттӕй горӕты районты
(ранӕуӕггонд 10:11 14.12.2020)
Горӕты культурӕйы хайады кусджытӕ ног азы сӕйраг хъайтартӕ - Митын Дада ӕмӕ Митын чызгимӕ цӕудзысты сӕ нывӕзтимӕ горӕты районтӕмЦХИНВАЛ, 14 дек — Sputnik, Плиты Фатимӕ. Хуссар Ирыстоны столицӕйы ногазон мадзӕлттӕй цӕудзысты хицӕнтӕй алы районы коронавирусы апарахаты фӕдыл сӕвзӕргӕ уавӕры тыххӕй, цӕмӕй адӕм стыр къордӕй ма ӕмбырд кӕной иу ран, фӕхъусын кодта Sputnik горӕты администрацийы культурӕйы хайады хистӕр Тасойты Игорь.
Йӕ ныхӕстӕм гӕсгӕ, уыдон бацӕттӕ кодтой 14 мадзалӕй конд нывӕзт.
"Пандеми хынцгӕйӕ нӕй гӕнӕн стыр мадзӕлттӕ бирӕ адӕмы хайадистӕй аразын. Уымӕ гӕсгӕ мах адих кодтам горӕт 14 фӕзуатыл. Бӕрӕгбонон мадзӕлттӕ уадздзыстӕм дыууӕ боны дӕргъы - 26 ӕмӕ 27 декабры",- загъта Тасойты Игорь.
Йӕ ныхӕстӕм гӕсгӕ, уыдон бацӕудзысты Митын Дада ӕмӕ Митын чызгимӕ горӕты ӕппӕт районтӕм дӕр, сӕ нымӕцы дӕрддзӕфтӕ - Хурзӕрин, Шанхай ӕмӕ Фаллагфарс.
Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн
(ранӕуӕггонд 16:50 26.01.2021)
Плиты Ароны уынгыл уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц фӕндаггӕрон, уымӕ гӕсгӕ дзы рӕстмӕ азмӕлӕн нал вӕййы, уый хынцгӕйӕ автоинспекци фӕнд кӕны сӕвӕрын фӕдзӕхсты нысӕнттӕЦХИНВАЛ, 26 янв — Sputnik, Плиты Фатимӕ. Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ. Автобусы шофрты бахъӕуы фӕндагон змӕлды тӕмӕны фӕстӕмӕ цыдӕй бацӕуын лӕууӕндонмӕ.
Цхинвалы ӕфсӕддон городокмӕ фӕндаг Плиты Ароны уынгыл фарон цалцӕг куы цыд уӕддӕр ссис хъаугъайаг, уӕд цӕрджытӕ домтой цӕмӕй йӕ фӕуӕрӕхдӕр кӕной. Фӕндаг арӕзт ӕрцыд домӕнтӕм гӕсгӕ, уӕддӕр разынд проблемон. Ам уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц, уымӕ гӕсгӕ дзы рӕстмӕ азмӕлӕн нал вӕййы.
"Фӕндаг арӕзт куы фӕцис, уӕд фӕндаггӕрон сӕвӕрдтой бордюртӕ. Раздӕр ӕфсӕддонтӕ кӕд сӕ хӕдулгӕтӕ урӕдтой Афганистаны хӕстонты цырты цур, уӕд дзы ныр бахизӕн нал ис. Уымӕ гӕсгӕ фӕндаггӕрон байдзаг вӕййы хӕдтулгӕтӕй ӕмӕ рейсон автобустӕн нал вӕййы бацӕуӕн",- загъта районы цӕрӕг Эльбрус.
Ӕрӕджы рейсон автобус уынгӕг фӕндагыл раскъуыдта йӕ кӕсӕн, хӕдтулгӕйы бардарӕг домы дӕс мин.
©
Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ
Фарст алыг кӕныны нысанӕн паддзахадон автоинспекци сӕвӕрдта пост.
"Уавӕр хынцгӕйӕ мах сӕвӕрдам уӕлӕмхас пост ацы ран. Нӕ инспектортӕ сӕ хъус дарынц уавӕрмӕ райсом 7:30-ӕй 9 сахатмӕ Фӕстӕдӕр ам сывӕрдзыстӕм фӕндагон нысӕнттӕ, кӕцытӕ фӕдзӕхсдзысты, цӕмӕй ам хӕдулгӕтӕ ма уромой. Фӕткхалджытӕ ивар цӕуыдзысты", - загъта Sputnik паддзахадон автоинспекцийы агитаци ӕмӕ пропагандӕйы хистӕр инспектор Уалыты Альма.
©
Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ
Цхинвалы ӕрцыд ФТЦ фондз хӕдтулгӕйы хайадистӕй
(ранӕуӕггонд 13:57 26.01.2021)
Фондз хӕдтулгӕйы ссисты фӕндагон-транспортон цауы хайадисджытӕ Хуссар Ирыстоны столицӕйы дыццӕджы ЦХИНВАЛ, 25 янв – Sputnik, Хъуылымбегты Азӕмӕт. Цхинвалы 8-ӕм июны уынгыл дыццӕджы ӕрцыд фӕндагон-транспортон цау (ФТЦ) фондз хӕдтулгӕйы хайадистӕй.
Цӕстӕйфенджыты ныхӕстӕм гӕсгӕ, ВАЗ-2121 хӕдтулгӕ сӕмбӕлд фӕсарӕйнаг хӕдтулгӕйыл, кӕцы лӕууыд йӕ разӕй, ӕмӕ уый фӕстиуӕгӕн ӕндӕр хӕдтулгӕтӕ дӕр бахъыгдард сты. Развӕлгъау бӕрӕггӕнӕнтӕм гӕсгӕ, ФТЦ фӕстиуӕгӕн зианбаййафджытӕ нӕй. Аварийы цы хӕдтулгӕтӕ истой хайад, уыдоны шофырты арвыстой медицинон басгӕрстмӕ.
Хуссар Ирыстоны Паддзахадон автоинспекцийы бӕрӕггӕнӕнтӕм гӕсгӕ, 2020 азы республикӕйы фӕндӕгтыл ӕрцыд 137 фӕндагон-транспортон цауы. Азы райдайӕнӕй паддзахадон статистикӕмӕ бахаудтой дӕс ФТЦ-йӕ цъусдӕр.