Дзауы районы разамынд баххуыс кодта тыхст бинонтӕн

Зымӕгон хӕрдзтӕ: Дзауы районы разамынад баххуыс кодта тыхст бинонтӕн

14
(ранӕуӕггонд 12:35 14.12.2020)
Уымӕй размӕ Хслебы хъӕууон администрацийы разамынад бахатыдысты Дзауы районы хистӕр Джиоты Андреймӕ, цӕмӕй сифтонг кӕна тыхст адӕмы зымӕгмӕ сугӕй

ЦХИНВАЛ, 14 дек — Sputnik, Плиты Фатимӕ. Хуссар Ирыстоны Дзауы районы цалдӕр хъӕуы иунӕг ӕххуысхъуаг цӕрджытӕ райстой гуманитарон ӕххуыс районы разамынадӕй. Зымӕгмӕ сугы хӕрдзтӕ ӕмӕ картоф райстой Хслеб ӕмӕ Хуымысӕрты хъӕуты цӕрджытӕ, фехъусын кодта Sputnik районы администрацийы пресс-службӕйы кусӕг Тедеты Лиана.

Уымӕй размӕ Хслебы хъӕууон администрацийы разамынад бахатыдысты Дзауы районы хистӕр Джиоты Андреймӕ, цӕмӕй сифтонг кӕна тыхст адӕмы зымӕгмӕ сугӕй.

"Дзауы районы Хслеб ӕмӕ Хуымысӕрты хъӕуты ис цалдӕр тыхст бинонтӕ. Районы хистӕр сын баххуыс кодта - сифтонг сӕ кодта сугӕй ӕмӕ ма сын уӕлӕмхасӕй байуӕрста картофы голджытӕ", - загъта Тедеты Лиана.

Йӕ ныхӕстӕм гӕсгӕ, хъӕуты цӕрджытӕ дзурынц ӕмӕ бузныг зӕгъынц районы разамынадӕн.

"Ӕххуыс чи райста, уыдон дзурынц ӕмӕ бузныг зӕгъынц районы хистӕрӕн, уыдонмӕ фӕстаг рӕстӕджы ахӕм хъусдард никуыма уыд", - бафтыдта уый.

Администрация Дзауского района Южной Осетии оказала помощь малоимущим одиноким жителям сел
Пресс-служба Дзауского района
Дзауы районы разамынд баххуыс кодта тыхст бинонтӕн
14
Кафе Vincenzo

Прокуратурӕ басгӕрста хъусинаг Цхинвалы кафе "Vincenzo"-йы мыздты нӕ фидыны фӕдыл

1
(ранӕуӕггонд 16:03 26.01.2021)
Генералон прокуратурӕ ауагъта басгӕрст социалон хызӕг Instagram-ы куы ныммыхуыр кодтой информаци уагдоны кусджытӕн мыздты нӕ бафидыны тыххӕй, уый фӕдыл

ЦХИНВАЛ, 26 янв - Sputnik. Хуссар Ирыстоны Генпрокуратурӕ ауагъта басгӕрст столицӕйы кафе "Vincenzo"-йы мыздтӕ нӕ фидыны фӕдыл.

Ӕмбӕлон барамынд радта республикӕйы генпрокурор Дзӕгъиаты Уырызмӕг социалон хызӕг Instagram-ы куы фӕзынд хъусинаг, ома 2020 азы мартӕй фӕстӕмӕ кафейы кусджытӕн мызд нӕ фидынц, уый фӕстӕ.

Уагдоны пресс-службӕ куыд хъусын кӕны, афтӕмӕй прокуророн басгӕрсты рӕстӕджы ӕркастысты мызды фӕдыл документтӕм фарон мартӕй фӕстӕмӕ ныры рӕстӕджы онг периоды.

"Афтӕ ма ӕрныхас кодтой кафейы кусджытимӕ, кӕцытӕ банысан кодтой, мызд сын кӕй фидынц рӕстӕгыл фӕллойады бадзырдты домӕнтӕм гӕсгӕ", - дзырдӕуы хъусинаджы.

Басгӕрсты фӕстиуджытӕм гӕсгӕ, информаци, кӕцы ныммыхуыр кодтой социалон хызӕджы, не сфидар кодтой.

1
Ковид

Хуссар Иры санитарон уагдон фехъусын кодта ног бæрæггæнæнтæ COVID-19-ы фæдыл

2
(ранӕуӕггонд 12:41 26.01.2021)
Пандемийы райдианæй æдæппæт республикæйы коронавирусæй фæрынчын сты 2 746 адæймаджы, банысан кодтой "Югосетпотребнадзор"-ы

ЦХИНВАЛ, 26 янв – Sputnik, Хъуылымбегты Азæмæт. Хуссар Ирыстоны ивгъуыд суткæйы рабæрæг кодтой коронавирусæй æхсæз ног фæрынчынуæвæджы, фехъусын кодта Sputnik "Югосетпотребнадзор"-ы сæргълæууæджы хæдивæг Гаглойты Анна.

"Ивгъуыд суткæйы сарæзтæуыд 67 тесты COVID-19 рафæлгъауыны тыххæй, уыдонæй æхсæз равдыстой низы уæвынад. Афтæ ма суткæйы дæргъы хыгъдæй систæуыд фараст адæймаджы", - радзырдта Гаглойты Анна.

Уый ма бафтыдта, медицинон хъусдарды бын нырма кæй ис 773 адæймаджы. Пандемийы райдианæй æдæппæт республикæйы сарæзтой 15 075 тестры коронавирус рабæрæг кæныны тыххæй, уыдонæй 2 746 равдыстой æвæрццаг фæстиуæг.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

2