Кучиты Руслан

"Стыр Ныхас" сарæзта хъусинаг Цхинвалы протестон акцийы фæдыл

15
(ранӕуӕггонд 12:52 15.12.2020)
Цхинвалы центры театралон фæзуатыл ныр 11 бон цæуы Дзабиты Инал, кæцы амард барадхъахъхъæнæг органтæм, уый бинонты æнæразыдзинады акци, йæ хиуæтты домæны нымæцы ис рæстаг сгæрст æмæ генералон прокуроры отставкæ

ЦХИНВАЛ, 15 дек — Sputnik. Æз хъæддыхæй сидын Республика Хуссар Ирыстоны хицауадмæ æмæ барадхъахъхъæнæг органты разамонджытæм, цæмæй фæхоной сæхимæ Дзабиты Иналы мад, бинонты, мыггаджы хистæрты æмæ æргомæй баныхас кæной иумæ цы гæнгæ у дарддæр, ууыл, хъусын кæны  "Стыр ныхас"-ы сайт Кучиты Русланы хъусинаг.

"Цыфæнды быцæуæн дæр ис æрмæстдæр иу хорз мадзал алыг кæнынæн - æргом æмæ комкоммæ ныхас кæрæдзийы ныхмæ 'рбадгæйæ, кæрæдзийы цæстытæм кæсгæйæ. Кæмæн æмбæлы, уыдон хъуамæ дзыллон информацион фæрæзты фæрцы адæмæн иудадзыг æмбарын кæной хъуыддагмæ æркасты уавæр, цæмæй адæм дам-думтæй ма кæной сæ хатдзæгтæ; - кæд ныры рæстæг алы паддзахад дæр йæ закъонтæм гæсгæ цæры, уæддæр ирон адæмæй сæ фыдæлты Фарн æмæ Æгъдау абон дæр хъуамæ рох ма уой. Уыдоны фæрцы ис райхалæн бирæ здыхт къуыбылойтæ. Мыггæгты хистæртæ æмæ æхсæнады кадджын лæгтæ сæхимæ хъуыддагмæ Æгъдауы бындурыл æркæсыны æмæ бафидауыны хæс куы райсиккой, уæд уый æнæмæнг хорз фæахъаз уаид", - дзырдæуы сæ хъусинаджы.

Сæ хъусинагæй ма бæрæг у, кæд цау æрцыд Хуссар Ирыстоны, уæддæр тыхсын кæны Цæгат Иры адæмы дæр.

"Кæд уым ис хицæн хæдбар паддзахад, уæддæр махæн ирон адæм сты иу, æмæ Цхинвалы цаутæ Дзæуджыхъæуы дæр адæмы тынг тыхсын кæнынц. Уыимæ ма дзы уыцы фыдракæнды иуæй-иутæ архайынц политикон мидис бавæрыныл, æмæ уый хорзмæ никæй 'ркæндзæн. Адæмы дæр æмæ хицауады дæр бамбарын хъæуы, ахæм карз хъуыддæгтæ горæты фæзты æмæ митингты алыг кæнæн нæй, уыцы хуызы уавæр ноджы карздæр кæны", - дзырдæуы тексты.

Уым ма ис æрсидт, цæмæй уавæр знæгты фæндиаг ма фæуа.

15
Хуссар Иры фæсивæдон организаци уарынц газет Правда -йы номыртæ æмæ Георгийы лентæтæ

Хуссар Иры фæсивæдон организаци уары газет "Правда" -йы номыртæ æмæ "Георгийы лентæтæ"

5
(ранӕуӕггонд 14:36 06.05.2021)
"Газета Победы"-йы уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы

ЦХИНВАЛ, 7 мая — Sputnik, Дриаты Лейла. Республикон фæсивæдон æхсæнадон организаци "Иууон Алани" æмæ Ирыстоны Россотрудничествойы минæварад уадзынц æрвылазон акци. Активисттæ уардзысты газет "Правда" номыртæ æмæ "Георгийы лентæтæ".

"Фæсивæдон организацийы активисттæ уарынц историон газет "Правда" 1945 азы 9 майæ æмæ мингай "Георгийы лентæтæ". Акци райдыдта республикæйы районтæй æмæ бакæронмæ ис Хуссар Ирыстоны столицайы", - радзырдтой "Иууон Алани"-йы фæсивæдон организацийы.

Акци нæ республикæйы уагъд цæуы 2017 азæй.

Банысан кæнын хъæуы уый, æмæ газет "Правда"-йы юбилейон номыры 1945 азы 9 майы рауагъды официалонæй мыхуыр æрцыдис Советон Цæдисы уæлахиз фашистон Германыл.

"Газета Победы"-йы  уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы.

Акцийы аразджыты хъуыдымæ гæсгæ, йæ сæйраг нысан у рæзгæ фæлтæрæн сæ зæрдыл æрлæууын кæнын, цавæр аргъæй æлхæд æрцыд Уæлахиз.

5
Цхинвалы ацӕудзӕн ветренатӕн хисӕрмагонд парадтӕ

Цхинвалы ацӕудзӕн хисӕрмагонд парадтӕ ветренатӕн

11
(ранӕуӕггонд 18:04 06.05.2021)
Стыр Фыдыбӕстон хӕсты дыууӕ ветеранӕ - Тедеты Николай ӕмӕ Къудухты Ефросиняӕн цыт кӕндзысты сӕ ӕдзӕртты раз

ЦХИНВАЛ, 6 мая — Sputnik, Плиты Фатимӕ. Хуссар Ирыстоны столицӕйы Стыр Уӕлахизы 76 азы сӕххӕсты цытӕн дыууӕ ветеранӕн рацӕудзӕн хисӕрмагонд парадтӕ. Цытджын марштӕ ацӕудзысты Гаглойты Владимир ӕмӕ Димитровы уынгтыл, уый тыххӕй Sputnik фехъусын кодта культурӕйы министр Зассеты Жанна.

Хисӕрмагонд парадтӕ ацӕудзысты сӕйраг парады генералон репетициимӕ иу бон.

"Стыр Фыдыбӕстон хӕсты дыууӕ ветеранӕн, кӕцыты тын фӕнды фенын парад, фӕлӕ сӕ бон нӕу бацӕуын театралон фӕзуатмӕ, уыдонӕн ацӕудзӕн хисӕрмагонд парадтӕ. Тедеты Николай ӕмӕ Къудухты Ефросиняйӕн цыт кӕндзысты сӕ хӕдзӕртты раз",- загъта министр.

Хисӕрмагонд парадтӕ ацӕудзысты Цхинвалы дыууӕ уынгтыл.

"Парадтӕ ацӕудзысты 7 майы Гаглойты Владимир ӕмӕ Димитровы уынгтыл", - бафтыдта уый.

Хуссар Ирыстонӕй Стыр Фыдыбӕстон хӕстмӕ ацыд 21 000 адӕймаджы 11 711 дзы фӕмард хӕсты, авд минӕй фылдӕр нымад цӕуынц ӕбӕрӕгӕй сӕфтыл.

11
Харебаты Вадим

Харебаты Вадим: ныффыстон бирæ ног зарджытæ

2
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæй
Харебаты Вадим: уырыссаг æвзагыл сценæйыл рагæй нал зарыдтæн

Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.

"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.

Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.

"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.

Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.

2
Темӕтӕ:
Радио иронау