Бибылты Анатолий

Бибылты Анатолий бамбарын кодта, Дзабиты Иналы хъуыддаг цӕмӕннӕ бадӕттой тӕрхондонмӕ

2
(ранӕуӕггонд 15:57 15.12.2020)
Республикӕйы сӕргълӕууӕджы ныхӕстӕм гӕсгӕ, алыцыдӕр сарӕзтӕуыд, цӕмӕй Дзабиты Иналы хъуыддаг бадӕттой тӕрхондонмӕ, фӕлӕ нырма гом у экспертизӕйы фӕстиуджыты фӕдыл фарст

ЦХИНВАЛ, 15 дек - Sputnik, Козаты Диана. Дзабиты Иналы хъуыддаг тӕрхондонмӕ бадӕттынӕн иунӕг цӕлхдур у зианбаййафӕг фарсы нӕразыдзинад экспертизӕйы фӕстиуджытимӕ, загъта пресс-конференцийы рӕстӕджы дыццӕджы Хуссар Ирыстоны президент Бибылты Анатолий.

Амӕйразмӕ Генпрокуратурӕйы фехъусын кодтой Дзабиты Иналы буары экспертизӕйы фӕстиуджытӕ, кӕцытӕм гӕсгӕ лӕппу амард наркотиктӕй кӕй нал пайда кодта, уый тыххӕй.

"Ацы кризисы скъуыддзаг баст у фӕзуатыл цы адӕм лӕууы, уыдоны позициимӕ. Уыдон домынц бафхӕрын азымджынты. Мах дзурӕм, уыдоны кӕй бафхӕрдзысты. Афтӕ ма уыдон разы не сты экспертизӕимӕ. Мах загътам бинонтӕн, ног экспертизӕ сӕ бон кӕй у ауадзын сӕхи кӕм фӕнды, уым. Уыдон домынц сбадын кӕнын ахӕстоны МХМ раздӕры хистӕры, сисын йӕ бынатӕй генпрокуроры, фӕлӕ ацы фарстытӕ хъуамӕ скъуыддзаг ӕрцӕуой законмӕ гӕсгӕ", - загъта Бибылты Анатолий.

Йӕ ныхӕстӕм гӕсгӕ, алцыдӕр сарӕзтӕуыд, цӕмӕй Дзабиты Иналы хъуыддаг бадӕттой тӕрхондонмӕ.

"Иунӕг цӕлхдур у зианбаййафӕг фарсы куырдиат экспертизӕйы фӕстиуджытимӕ нӕразыдзинады фӕдыл. Фӕлӕ ӕз загътон, сӕ бон ногӕй кӕй у саразын экспертизӕ. Цӕттӕ дӕн кӕдфӕндыдӕр фембӕлын Дзабиты Иналы хиуӕттимӕ. Фӕлӕ уыцы фембӕлдты рӕстӕджы хъуамӕ мӕн кӕнӕ мӕ сывӕллӕтты ма лгъитой", - банысан кодта президент.

Уымӕй дарддӕр, президент загъта йӕ хъуыды парламенты депутатты хъӕппӕрисы тыххӕй Конституцимӕ ивындзинӕдтӕ бахӕссыны фӕдыл. Бибылты Анатолий банысан кодта, законтӕ кӕй ма хъуамӕ исой иу адӕймаг кӕнӕ чиновникы тыххӕй.

Бибылты Анатолий ӕрсидт ӕрзыдӕхын куыстмӕ ӕмӕ ма тох кӕнын президентимӕ.

Августы кæрон рабæрæг ис, МХМ хистæры амарын бафæлварыны хъуыддаджы зæрдæхсайгæ адæймаг Дзабиты Иналы рæстæгмæ дарæн изоляторæй кæй фæхæццæ кодтой рынчындонмæ уæззау буары цæфтимæ. Фæстæдæр фехъусын кодтой, лæппу кæй амард.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ.

2
Хуссар Иры фæсивæдон организаци уарынц газет Правда -йы номыртæ æмæ Георгийы лентæтæ

Хуссар Иры фæсивæдон организаци уары газет "Правда" -йы номыртæ æмæ "Георгийы лентæтæ"

5
(ранӕуӕггонд 14:36 06.05.2021)
"Газета Победы"-йы уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы

ЦХИНВАЛ, 7 мая — Sputnik, Дриаты Лейла. Республикон фæсивæдон æхсæнадон организаци "Иууон Алани" æмæ Ирыстоны Россотрудничествойы минæварад уадзынц æрвылазон акци. Активисттæ уардзысты газет "Правда" номыртæ æмæ "Георгийы лентæтæ".

"Фæсивæдон организацийы активисттæ уарынц историон газет "Правда" 1945 азы 9 майæ æмæ мингай "Георгийы лентæтæ". Акци райдыдта республикæйы районтæй æмæ бакæронмæ ис Хуссар Ирыстоны столицайы", - радзырдтой "Иууон Алани"-йы фæсивæдон организацийы.

Акци нæ республикæйы уагъд цæуы 2017 азæй.

Банысан кæнын хъæуы уый, æмæ газет "Правда"-йы юбилейон номыры 1945 азы 9 майы рауагъды официалонæй мыхуыр æрцыдис Советон Цæдисы уæлахиз фашистон Германыл.

"Газета Победы"-йы  уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы.

Акцийы аразджыты хъуыдымæ гæсгæ, йæ сæйраг нысан у рæзгæ фæлтæрæн сæ зæрдыл æрлæууын кæнын, цавæр аргъæй æлхæд æрцыд Уæлахиз.

5
Цхинвалы ацӕудзӕн ветренатӕн хисӕрмагонд парадтӕ

Цхинвалы ацӕудзӕн хисӕрмагонд парадтӕ ветренатӕн

11
(ранӕуӕггонд 18:04 06.05.2021)
Стыр Фыдыбӕстон хӕсты дыууӕ ветеранӕ - Тедеты Николай ӕмӕ Къудухты Ефросиняӕн цыт кӕндзысты сӕ ӕдзӕртты раз

ЦХИНВАЛ, 6 мая — Sputnik, Плиты Фатимӕ. Хуссар Ирыстоны столицӕйы Стыр Уӕлахизы 76 азы сӕххӕсты цытӕн дыууӕ ветеранӕн рацӕудзӕн хисӕрмагонд парадтӕ. Цытджын марштӕ ацӕудзысты Гаглойты Владимир ӕмӕ Димитровы уынгтыл, уый тыххӕй Sputnik фехъусын кодта культурӕйы министр Зассеты Жанна.

Хисӕрмагонд парадтӕ ацӕудзысты сӕйраг парады генералон репетициимӕ иу бон.

"Стыр Фыдыбӕстон хӕсты дыууӕ ветеранӕн, кӕцыты тын фӕнды фенын парад, фӕлӕ сӕ бон нӕу бацӕуын театралон фӕзуатмӕ, уыдонӕн ацӕудзӕн хисӕрмагонд парадтӕ. Тедеты Николай ӕмӕ Къудухты Ефросиняйӕн цыт кӕндзысты сӕ хӕдзӕртты раз",- загъта министр.

Хисӕрмагонд парадтӕ ацӕудзысты Цхинвалы дыууӕ уынгтыл.

"Парадтӕ ацӕудзысты 7 майы Гаглойты Владимир ӕмӕ Димитровы уынгтыл", - бафтыдта уый.

Хуссар Ирыстонӕй Стыр Фыдыбӕстон хӕстмӕ ацыд 21 000 адӕймаджы 11 711 дзы фӕмард хӕсты, авд минӕй фылдӕр нымад цӕуынц ӕбӕрӕгӕй сӕфтыл.

11
Харебаты Вадим

Харебаты Вадим: ныффыстон бирæ ног зарджытæ

2
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæй
Харебаты Вадим: уырыссаг æвзагыл сценæйыл рагæй нал зарыдтæн

Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.

"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.

Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.

"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.

Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.

2
Темӕтӕ:
Радио иронау