Хуссар Иры Знауыры районы азы кӕронмӕ эксплуатацимӕ ратдзысты 18-фатерон хӕдзар

© Sputnik / Ада БагианЗнауыр
Знауыр - Sputnik Хуссар Ирыстон
Рафыссын
Бӕстыхай уыдзӕн ӕртӕуӕладзыгон, уым уыдзӕн 12 дыууӕуатон ӕмӕ ӕхсӕз та ӕртӕуатон фатеры

ЦХИНВАЛ, 18 дек — Sputnik, Хъуылымбегты Азӕмӕт. Знауыры районон центры азы кӕронмӕ эксплуатацимӕ ратдзысты 18-фатерон хӕдзар, фехъусын кодта Sputnik нардуатон организаци "Престиж"-ы разамонӕг Беппиты Инал.

Цхинвалы аразынц ног цӕрӕн корпус Хъайтарты уынгыл - Sputnik Хуссар Ирыстон
Цхинвалы аразынц ног цӕрӕн корпус Хъайтарты уынгыл

Корпусы арӕзтадмӕ бавнӕлдтой сӕрды. Абоны боны онг самадтой ӕртӕуӕладзыгон бӕстыхайы къултӕ, тагъд рӕстӕджы саразыдзысты агъуыст дӕр.

"20 декабры онг сӕвӕрдзысты пластикӕй рудзгуытӕ алкӕцы уӕладзыгыл дӕр. Ацы бонты райдайдзысты аразын электро ӕмӕ штукатурон куыстытӕ дӕр", - загъта Беппиты Инал.

Йӕ ныхӕстӕм гӕсгӕ, объектыл архайынц 20 аразӕджы.

Бӕстыхай уыдзӕн ӕртӕуӕладзыгон, уым уыдзӕн 12 дыууӕуатон ӕмӕ ӕхсӕз та ӕртӕуатон фатеры.

"Йӕ алыварс территорийы сараздзысты хъазӕн зонӕ сывӕллӕттӕн, афтӕ ма рахицӕн кӕндзыстӕм фӕзуат парковкӕйӕн", - радзырдта арӕзтадон организацийы разамонӕг.

Хӕдзар эксплуатацимӕ ратдзысты 2021 азы декабры. Йӕ арӕзтадӕн хицӕнгонд ӕрцыд 60 милуан соммӕ ӕввахс. Мадзал реализаци цӕуы 2020-2022 азтӕм Инвестпрограммӕйы фӕлгӕтты. Ацы нывӕзтмӕ гӕсгӕ фидӕн аз Знауыры поселочы райдайдзысты аразын ноджы иу 18-фатерон хӕдзар.

Ног хабӕртты лентӕ
0