Хуссар Иры коронавирусӕй фӕмардуӕвджыты нымӕц схызт 54-мӕ
(ранӕуӕггонд 12:54 18.12.2020)
Республикӕйы сентябры ӕмбисӕй сбӕрӕг кодтой COVID-19-ӕй 2064 рынчыны, уыдонӕй 1212 сӕнӕниз сты, медикты хъусдарды бын сты 852 адӕймаджыЦХИНВАЛ, 18 дек - Sputnik, Гӕбӕраты Элина. Хуссар Ирыстоны пандемийы рӕстӕджы коронавирусон инфекцийӕ амардысты 54 адӕймаджы, фехъусын кодта Sputnik республикон бирӕпрофилон медицинон центры (РБМЦ) сӕйраг дохтыры хӕдивӕг Бекъойты Светлана.
Уый банысан кодта, дзырд кӕй цӕуы РБМЦ стационары статистикӕйыл
Югосетпотребнадзоры фехъусын кодтой Sputnik, ивгъуыд суткӕйы уагдоны лабораторийы кӕй сарӕзтой 95 тесты – уыдонӕй 26 радтой ӕвӕрццаг фӕстиуӕг.
"Ивгъуыд суткӕйы медицинон хыгъдӕй систой 20 адӕймаджы. Ӕдӕппӕт сӕнӕниз сты 1212 ӕмбӕстаджы", - фехъусын кодта Югосетпотребнадзоры хистӕры хӕдивӕг Гаглойты Анна.
Абоны бон медикты хъусдарды бын сты 852 адӕймаджы.
Республикӕйы пандемийы райдайӕнӕй сарӕзтӕуыд 12402 иртӕсты коронавирусы фӕдыл, уыдонӕй 2064 радтой ӕвӕрццаг фӕстиуӕг.
Хуссар Ирыстоны къуырисæрæй фæрогдæр кодтой коронавирусы фæдыл тæбæтæ.
Оперштаб радта бар культурон-массон мадзæлттæ уадзынæн. Хъæууон чысыл скъолаты куыст сног кодтой, уыимæ иумæ карантин ис 15 январьмæ ахуырадон уагдæтты.
ПӔК радзырдтой, цал адӕймаджы фехӕлдтой Хуссар Иры арӕн декабры
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйыЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.
Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.
"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.
ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.
Сгарӕм ӕй алы бон дӕр: Цхинвалы мэрия нуазыны доны гъӕды тыххӕй
(ранӕуӕггонд 13:24 15.01.2021)
Дӕргъвӕтин къӕвдаты тыххӕй столицӕйы дон рацыд змӕстӕй, фӕлӕ горӕттаг администрацийы куыд фехъусын кодтой, афтӕмӕй йын йӕ гъӕд сгарынц ӕрвылбон дӕрЦХИНВАЛ, 15 янв – Sputnik, Козаты Диана. Нуазыны доны гъӕд горӕты резервуарты у ӕмбӕлон, къӕвда бонтӕм ӕнӕкӕсгӕйӕ, загътой Sputnik Цхинвалы мэрияйы пресс-службӕйы.
Хуссар Ирыстоны цалдӕр бон цары къӕвда. Синопртикты бӕрӕггӕнӕнтӕм гӕсгӕ, улӕфт бонты ӕмӕ иннӕ къуырийы фыццаг ӕмбисы та уардзӕн мит. Столицӕйы администрацийы, "Водоканал"-ы информацийыл ӕнцойгӕнгӕйӕ, банысан кодтой, ӕвзӕр боныгъӕд бирӕ кӕй ницы бандӕвта доны гъӕдыл.
"Цалдӕр боны размӕ дон цыд змӕстӕй. Специалисттӕ дзы систой пробӕтӕ, доны гъӕд у стабилон. Нормӕйы фӕлгӕтты. Уымӕ ӕнӕкӕсгӕйӕ йӕ "Водоканал" баскары ӕрвылбон дӕр", - радзырдтой мэрияйы.
Уым ма банысан кодтой, зӕгъгӕ, кӕд доны гъӕ афтӕ февзр уа, ӕмӕ мауал бӕзза пайда кӕнынӕн, уӕд уайтагъд бафӕдзӕхсдзысты цӕрджыты.