Цхинвалы 3-ӕм скъола

Уалыты Владислав: Цхинвалы 3-ӕм скъолайы ахуыр кæндзысты нырыккон домæнтæм гæсгæ

32
(ранӕуӕггонд 13:27 18.12.2020)
Объект арæзт цæуы 200 сывæллонæн. Ис дзы актон æмæ спортивон залтæ. Скъола арæзт хъуамæ фæуа графикæй бирæ раздæр, цæмæй 2021 азы 1-æм сентябры уый йæ дуæрттæ æрбакæна йæ ахуыргæнджытæ æмæ ахуыргæнинæгтæн

ЦХИНВАЛ, 18 дек – Sputnik, Дриаты Лейла. Хуссар Ирыстоны столицӕйы 3-æм астæуккаг скъолайы бæстыхайӕн ӕрӕвнӕлдтой йӕ агъуыст ӕмбӕрзынмӕ. Куыстытæ цæуынц æнæкъуылымпыйæ, рæзы тагъд темптæй, фехъусын кодта Sputnik подрядон организаци "Бадо"-йы сæргълæууæг Уалыты Владислав.

Скъола арæзт цæуы Хуссар Ирыстоны социалон-экономикон рæзтæн ахъазгæнæг Инвестицион программæ реализаци кæныны фæлгæтты. Подрядон организацийы кусджытæ сæхи равдыстой цæсгомджынæй. Бантыст сын тынг бирæ бакусын. Ныридæгæн сæрст æрцыдысты кълæсты къултæ, æркодтой сæ ахорæнæй байсæрдыны онг. Астъӕрдтӕ дæр лæгъз æрцыдысты, бауагътой йæм рухс. Иудзырдæй, проектмæ гæсгæ куыст графикæй цæуы бирæ раздæр.

"Алчи дæр нæ хорз æмбары, ацы скъолайы ахуыргæнджытæ, ахуыргæнинæгтæ æмæ ныййарджытæ дæр æнæрхъæцæй кæй æнхъæлмæ кæсынц се скъолайы арæзтадмæ. Æмæ кæд йæ арæзтадæн лæвæрд æрцыд дыууæ азы æмгъуыд, уæддæр тындзæм, кусæм улæфтбонты дæр. Президенты бахæсмæ гæсгæ скъола арæзт хъуамæ фæуа графикæй бирæ раздæр, цæмæй 2021 азы 1-æм сентябры уый йæ дуæрттæ æрбакæна йæ ахуыргæнджытæ æмæ ахуыргæнинæгтæн", - радзырдта Уалыты Владислав.

Уый куыд банысан кодта, афтæмæй скъола арæзт цæуы 200 сывæллонæн. Ис дзы актон æмæ спортивон залтæ. Ноджы сын фылдæр бантыстаид бакусын, фæлæ сыл æнæбандавгæ нæ бацис, æгас дунейыл чи апарахат, уыцы коронавирус дæр. Кусджытæй бирæтæ фæрынчын сты, стæй сæ бон нал ссис зæрдиагæй сæ чи хъуыдысты, ахæм специалисттæ æддейæ æрбахонын дæр.

"Пандемийы аххосæй бирæ алæууыд нæ куыст фæстæмæ. Афоныл нын бантыстаид хъæрмадон системæ саразын дæр. Ныр куыст цæуы йæ саразыныл, цæмæй мидæггагон куыстытæ кусджытæ æххæст кæной хъармы. Объектмæ уагъд æрцыдис дон, цæттæ у канализацион системæ дæр. Скъолайæн уыдзæнис йæхи модулон хъармгæнæн. Балхæдтам æмæ йæ æрластам. Ныртæккæ йын архайынц, кæм æвæрд уыдзæн, уыцы бынат нывыл æркæнынмæ. Зæгъгæ, рухс ахуыссыд, уæд дизелон генератор йæхæдæг скусдзæнис æмæ рухсы аххосæй скъолайы ахуыртæ нæ бакъуылымпы уыдзысты», - загъта Уалыйы фырт.

Нардуатисӕг ма куыд банысан кодта, афтæмæй скъола фæндагæй арæзт æрцыдис 7-8 метры мидæгдæр сывæллæтты æдасдзинад бахъахъхъæныны тыххæй. Йæ фæрсты та æвæрд æрцæудзысты стыр æфсæн дуæрттæ, цæмæй куы хъæуа, уæд сын байгомгæнæн уа. Скъолайæн фæстæрдыгæй та арæзт æрцæудзæн, скъоладзаутæ кæм æрбадой, ахъазой, ахæм чысыл фæзуат.кӕд

Арæзтады сæйраджыдæр кусынц бынӕттонтæ., фӕлӕ сæм ис æддейæ æрхонгæ специалисттæ дæр. Уалыты Владиславы ныхæстæм гæсгæ скъола арæзт куы фæуа, уæд кълæстæ ифтонг æрцæудзысты компьютертæй, æнæмæнгхъæуæг инвентарæй, уыдзæнис дзы видеокамерæтæ, æмæ ахуыргæнджытæн æппæт фадæттæ дæр уыдзæн сæ уроктæ нырыккон домæнтæм гæсгæ ауадзынæн.

Уалыты Владиславы компанийæн стыр æнтыст ис арæзтады хъуыддаджы. Уымæн саразын бантыст хъалонтæ æмæ фиддоны фæдыл комитеты бæстыхай, Орчъосаны скъола-цæхæрадон, Дменисы сывæллæтты цæхæрадон, 17 хæдзары та йын бантыст хисæрмагонд хæдзæрттæй саразын æмæ кæмдæриддæр куыста, уыдон арæзт æрцыдысты гъæдджынæй, æнæаиппытæй.

32
Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

3
(ранӕуӕггонд 16:50 26.01.2021)
Плиты Ароны уынгыл уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц фӕндаггӕрон, уымӕ гӕсгӕ дзы рӕстмӕ азмӕлӕн нал вӕййы, уый хынцгӕйӕ автоинспекци фӕнд кӕны сӕвӕрын фӕдзӕхсты нысӕнттӕ

ЦХИНВАЛ, 26 янв — Sputnik, Плиты Фатимӕ. Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ. Автобусы шофрты бахъӕуы фӕндагон змӕлды тӕмӕны фӕстӕмӕ цыдӕй бацӕуын лӕууӕндонмӕ.

Цхинвалы ӕфсӕддон городокмӕ фӕндаг Плиты Ароны уынгыл фарон цалцӕг куы цыд уӕддӕр ссис хъаугъайаг, уӕд цӕрджытӕ домтой цӕмӕй йӕ фӕуӕрӕхдӕр кӕной. Фӕндаг арӕзт ӕрцыд домӕнтӕм гӕсгӕ, уӕддӕр разынд проблемон. Ам уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц, уымӕ гӕсгӕ дзы рӕстмӕ азмӕлӕн нал вӕййы.

"Фӕндаг арӕзт куы фӕцис, уӕд фӕндаггӕрон сӕвӕрдтой бордюртӕ. Раздӕр ӕфсӕддонтӕ кӕд сӕ хӕдулгӕтӕ урӕдтой Афганистаны хӕстонты цырты цур, уӕд дзы ныр бахизӕн нал ис. Уымӕ гӕсгӕ фӕндаггӕрон байдзаг вӕййы хӕдтулгӕтӕй ӕмӕ рейсон автобустӕн нал вӕййы бацӕуӕн",- загъта районы цӕрӕг Эльбрус.

Ӕрӕджы рейсон автобус уынгӕг фӕндагыл раскъуыдта йӕ кӕсӕн, хӕдтулгӕйы бардарӕг домы дӕс мин.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ

Фарст алыг кӕныны нысанӕн паддзахадон автоинспекци сӕвӕрдта пост.

"Уавӕр хынцгӕйӕ мах сӕвӕрдам уӕлӕмхас пост ацы ран. Нӕ инспектортӕ сӕ хъус дарынц уавӕрмӕ райсом 7:30-ӕй 9 сахатмӕ Фӕстӕдӕр ам сывӕрдзыстӕм фӕндагон нысӕнттӕ, кӕцытӕ фӕдзӕхсдзысты, цӕмӕй ам хӕдулгӕтӕ ма уромой. Фӕткхалджытӕ ивар цӕуыдзысты", - загъта Sputnik паддзахадон автоинспекцийы агитаци ӕмӕ пропагандӕйы хистӕр инспектор Уалыты Альма.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ
3
Цхинвал

Цхинвалы ӕрцыд ФТЦ фондз хӕдтулгӕйы хайадистӕй

3
(ранӕуӕггонд 13:57 26.01.2021)
Фондз хӕдтулгӕйы ссисты фӕндагон-транспортон цауы хайадисджытӕ Хуссар Ирыстоны столицӕйы дыццӕджы

ЦХИНВАЛ, 25 янв – Sputnik, Хъуылымбегты Азӕмӕт. Цхинвалы 8-ӕм июны уынгыл дыццӕджы ӕрцыд фӕндагон-транспортон цау (ФТЦ) фондз хӕдтулгӕйы хайадистӕй.

Цӕстӕйфенджыты ныхӕстӕм гӕсгӕ, ВАЗ-2121 хӕдтулгӕ сӕмбӕлд фӕсарӕйнаг хӕдтулгӕйыл, кӕцы лӕууыд йӕ разӕй, ӕмӕ уый фӕстиуӕгӕн ӕндӕр хӕдтулгӕтӕ дӕр бахъыгдард сты. Развӕлгъау бӕрӕггӕнӕнтӕм гӕсгӕ, ФТЦ фӕстиуӕгӕн зианбаййафджытӕ нӕй. Аварийы цы хӕдтулгӕтӕ истой хайад, уыдоны шофырты арвыстой медицинон басгӕрстмӕ.

Хуссар Ирыстоны Паддзахадон автоинспекцийы бӕрӕггӕнӕнтӕм гӕсгӕ, 2020 азы республикӕйы фӕндӕгтыл ӕрцыд 137 фӕндагон-транспортон цауы. Азы райдайӕнӕй паддзахадон статистикӕмӕ бахаудтой дӕс ФТЦ-йӕ цъусдӕр.

3