Сырх зонӕ-йы хъайтарты хуызисттӕ фӕзындысты Цхинвалы

"Сырх зонӕ"-йы хъайтарты хуызисттӕ фӕзындысты Цхинвалы

265
(ранӕуӕггонд 09:51 23.12.2020)
Хуссар Ирыстоны ӕмӕ Уӕрӕсейы хсӕн арӕн фӕззӕджы райдайӕны куы бакодтой, уӕдӕй фӕстӕмӕ республикӕйы сбирӕ сты коронавирусӕй рынчынты нымӕц

ЦХИНВАЛ, 22 дек — Sputnik, Плиты Фатимӕ. Хуссар Ирыстоны ӕнӕниздзинад хъахъхъӕнынады министрад министрады хъӕппӕрисӕй столицӕйы центры бакодтой баннертӕ медикты хуызисттимӕ. Дохтыртӕ ӕмӕ медхоты рахицӕн кодтой сӕ удуӕлдай куысты тыххӕй "сырх зонӕ"- йы коронавирусы рынчынты нымӕц куы сбирӕ ис, уыцы уӕззау рӕстӕджы.

Ӕнӕниздзинад хъахъхъӕнынады министрады пресс-службӕйы Sputnik фехъусын кодтой ацы хъуыды фыццаг кӕй размӕ кодта президент Бибылты Анатолий.

"Хуссар Ирыстоны фӕззӕджы райдайӕны коронавирус тыхджын куы апарахат ис, уӕд къорд медикты "сырх зонӕ"- йы сӕ тых радтой адӕмы ирвӕзын кӕнынмӕ. Уӕд президент раразмӕ кодта хъуыды, цӕмӕй медицинон фадыджы хъайтарты адӕм зоной цӕсгоммӕ", - загътой уагдоны пресс-службӕйы.

Уым ма бафтыдтой, баннертыл ис канд дохтыртӕ нӕ, фӕлӕ ма астӕуккаг медицинон персоналы кусджытӕ дӕр.

Баннер с медиками красной зоны
© Sputnik / Фатима Плиева
"Сырх зонӕ"-йы хъайтартӕ хуызисттӕ фӕзындысты Цхинвайлы

"Дохтыры раразмӕ кодтой медуагдӕтты разамонджытӕ. Коронавирусы рӕстӕджы цы медиктӕ куыстой, уыдонӕй фиддонтӕм хауы тынг бирӕ адӕм - 800 онг, фӕлӕ сӕ разы сӕвӕрдтой хӕс, цӕмӕй уыдон нымӕцӕй равзарой хуыздӕр кусджыты", - бафтыдтой уым.

Хуссар Ирыстоны ӕмӕ Уӕрӕсейы хсӕн арӕн фӕззӕджы райдайӕны куы бакодтой, уӕдӕй фӕстӕмӕ республикӕйы сбирӕ сты коронавирусӕй рынчынты нымӕц. Октябры астӕумӕ Хуссар Ирыстоны медуагдӕттӕ байдзаг сты тӕссаг вирусӕй рынчынтӕй. "Сырх зонӕ"-йы нал фаг кодтой медперсонал. Ӕххуысмӕ цыдысты волонтертӕ. Социалон хызӕгты сарӕх сты медикты нывтӕ, кӕцытӕ цӕсты хаудтой сӕ удуӕлдай куыстӕй.

Баннер с медиками красной зоны
© Sputnik / Фатима Плиева
"Сырх зонӕ"-йы хъайтартӕ хуызисттӕ фӕзындысты Цхинвайлы
265
Пухаты Эрик

Хуссар Иры президент йæ уынаффæгæнæгæй снысан кодта хицауады раздæры сæрдары

2
(ранӕуӕггонд 17:01 20.01.2021)
Ивгъуыд аз августы онг Пухаты Эрик куыста Хуссар Ирыстоны хицауады сæрдарæй. Цхинвалы æвзонг цæрæг Дзабиты Иналы мæлæты фæстæ уый ацыд отставкæйы

ЦХИНВАЛ, 20 янв - Sputnik. Хуссар Ирыстоны президент Бибылты Анатолий снысан кодта хицауады раздæры сæрдар Пухаты Эрикы йæ паддзахадон уынаффæгæнæгæй экономикон фарстыты фæдыл, фехъусын кодтой президенты администрацийы.

Эрик Георгийы фырт, кæцы 2017 азы маййæ 2020 азы августы онг лæууыд республикæйы хицауады сæргъ, раивта ацы бынаты Джуссойты Сосланы - уый президент ссæрибар кодта йæ куыстæй ивгъуыд аз декабры кæрон.

 

Биографион справкæ

Пухаты Эрик Георгийы фырт райгуырд 1957 азы 5 майы РХИ-ы Знауыры районы Схлиты хъæуы.

1982 азы каст фæцис Хуссар Ирыстоны паддзахадон педогогон институты "Математикæ æмæ физикæ"-йы факультет.

Фæллойадон архайды рæстæджы куыста Цхинвалы консерваразæн заводы, каст лекцитæ ХИПУ-ы.

2005 азы слæууыд РХИ Паддзахадон статистикæйы управленийы сæргъ.

2014 азы апрелы нысан æрцыд РХИ хицауады сæргълæууæджы хæдивæгæй.

Хорзӕхджын у Хуссар Ирыстоны майданӕй "Фӕллойады сгуыхтдзинад", Днестргӕрон Молдаваг республикӕйы майданӕй "Ӕхсӕнадӕмон ӕмгуыстады фидар кыныны тыххӕй".

Ис ын бинонтӕ, ӕртӕ хъӕбулы.

2
COVID-19

Хуссар Иры сбӕрӕг кодтой 37 ног рынчыны коронавирусӕй

4
(ранӕуӕггонд 16:10 20.01.2021)
Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты

ЦХИНВАЛ, 20 янв - Sputnik, Хъуылымбегты Зӕлинӕ. Хуссар Ирыстоны рынчындоны интенсивон терапийы хайады ис цыппар пациенты коронавирусимӕ, радзырдта Sputnik "Югосетпотребнадзор"-ы хистӕр Коцты Марина.

Хуссар Ирыстоны коронавирусы пандемийы райдианӕй сарӕзтой 14577 иртӕсты, уыдонӕй 2652 равдыстой тӕссаг инфекцион низы уӕвынад.

"Ивгъуыд суткӕйы сарӕзтӕуыд 132 тесты, уыдонӕй 37 адӕймагӕн разынд COVID-19", - загъта Коцты Марина.

Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты.

Сӕйраг санитарон дохтыры ныхӕстӕм гӕсгӕ, Ленингоры рынчындоны коронавирусимӕ тох кӕнынц ӕхсӕз рынчыны, Къуаисайы та - авд.

4