РХИ парламент

Хуссар Иры парламент ӕртыццӕджы ӕркӕсдзӕн паддзахадон бюджетмӕ

8
(ранӕуӕггонд 13:58 22.12.2020)
Бӕстӕйы хицауад ныридӕгӕн ӕркаст паддзахадон бюджеты проектмӕ фидӕн азмӕ ӕмӕ йӕ барвыста парламенты ӕркастмӕ

ЦХИНВАЛ, 22 дек – Sputnik, Козаты Диана. Хуссар Ирыстоны парламент ӕртыццӕджы фӕнд кӕны ӕрӕмбырд кӕнын президиум ӕмӕ сессийы рабадтытӕм. Боны фӕткы сӕйраг фарст у 2021 азмӕ паддзахадон бюджеты закон, фехъусын кодта бюджет ӕмӕ хъалонты фӕдыл парламентон комитеты сӕрдар Джиоты Елена.

Амӕйразмӕ хицауад барвыста закондӕттӕг органмӕ бюджеты проект. Финансты министрады бӕрӕггӕнӕнтӕм гӕсгӕ, республикӕйы бюджет 2021 азмӕ у 7,7 миллиард сомӕй фылдӕр. Уыдонӕй социалон-экономикон райрӕзтӕн рахицӕн кӕндзысты 6,4 миллиард сомы, инвестицион программӕйы реализацийӕн та – 1,35 миллиард сомы.

"Ӕртыццӕджы фӕнд кӕнӕм ауадзын президиум ӕмӕ сесси дӕр, фарст ныридӕгӕн бахастам боны фӕткмӕ", - загъта Джиоты Елена.

Бюджетмӕ ӕркастыты профилон комитеты рабадтыл ивгъуыд цыппӕрӕмы. Комитеты сӕрдары ныхӕстӕм гӕсгӕ, баныхас ацыд конструктивон форматы, финансты министры х.ӕ. Хӕбӕлаты Аза лӕмбынӕгӕй радзырдта фидӕн азы бюджеты тыххӕй.

Джиоты Елена банысан кодта, бюджеты фӕдыл законы кӕройнаг ӕмгъуыд у 31 декабрь. Кӕд ӕмӕ уӕдмӕ бюджет ма райсой, уӕд фидӕн азӕй финанстӕ хицӕн кӕндзысты этаптӕм гӕсгӕ, бюджет адих кӕндзысты 12 хайыл алкӕцы мӕймӕ дӕр.

"Уый арӕнӕвӕрдтӕ сӕвӕрдзӕн хицауады фадӕттыл ӕмӕ фӕзындӕр кӕндзӕн хӕслӕвӕрдтӕ сӕххӕст кӕнын. Цӕмӕй мах среализаци кӕнӕм программӕ мыздтӕ фӕфылдӕр кӕныны фӕдыл, уый тыххӕй мах хъуамӕ райсӕм баххӕстгӕнинӕгтӕ 2021 азмӕ бюджетмӕ. Кӕд бюджет нӕ райсӕм, уӕд баххӕстгӕнинӕгтӕ дӕр нӕ уыдзӕн ӕмӕ мыздтӕ нӕ бон нӕ уыдзӕн фӕфылдӕр кӕнын", - радзырдта комитеты сӕрдар.

Амӕйразмӕ финансты министры х.ӕ. Хӕбӕлаты Аза фехъусын кодта, Уӕрӕсейы финансон ӕххуыс Хуссар Ирыстонӕн 2021 азы адарддӕр уыдзӕн фидаргонд бюджетон бадзырдтӕм гӕсгӕ.

Хуссар Ирыстоны парламенты депутатты хай сентябры фехъусын кодта закондӕттӕг органы куыст ӕруромыны тыххӕй, цалынмӕ генпрокурор Дзӕгъиаты Уырызмӕджы отсавкӕйы арвитой, уӕдмӕ. Уӕдӕй фӕстӕмӕ депутаттӕ сессимӕ ӕрӕмбырд сты ӕрмӕстдӕр иу хатт, цӕмӕй сфидар кӕной ивындзинӕдтӕ бюджетмӕ коронавирусы ныхмӕ тох кӕнынӕн фӕрӕзтӕ рахицӕн кӕныны фӕдыл.

8
Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

3
(ранӕуӕггонд 16:50 26.01.2021)
Плиты Ароны уынгыл уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц фӕндаггӕрон, уымӕ гӕсгӕ дзы рӕстмӕ азмӕлӕн нал вӕййы, уый хынцгӕйӕ автоинспекци фӕнд кӕны сӕвӕрын фӕдзӕхсты нысӕнттӕ

ЦХИНВАЛ, 26 янв — Sputnik, Плиты Фатимӕ. Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ. Автобусы шофрты бахъӕуы фӕндагон змӕлды тӕмӕны фӕстӕмӕ цыдӕй бацӕуын лӕууӕндонмӕ.

Цхинвалы ӕфсӕддон городокмӕ фӕндаг Плиты Ароны уынгыл фарон цалцӕг куы цыд уӕддӕр ссис хъаугъайаг, уӕд цӕрджытӕ домтой цӕмӕй йӕ фӕуӕрӕхдӕр кӕной. Фӕндаг арӕзт ӕрцыд домӕнтӕм гӕсгӕ, уӕддӕр разынд проблемон. Ам уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц, уымӕ гӕсгӕ дзы рӕстмӕ азмӕлӕн нал вӕййы.

"Фӕндаг арӕзт куы фӕцис, уӕд фӕндаггӕрон сӕвӕрдтой бордюртӕ. Раздӕр ӕфсӕддонтӕ кӕд сӕ хӕдулгӕтӕ урӕдтой Афганистаны хӕстонты цырты цур, уӕд дзы ныр бахизӕн нал ис. Уымӕ гӕсгӕ фӕндаггӕрон байдзаг вӕййы хӕдтулгӕтӕй ӕмӕ рейсон автобустӕн нал вӕййы бацӕуӕн",- загъта районы цӕрӕг Эльбрус.

Ӕрӕджы рейсон автобус уынгӕг фӕндагыл раскъуыдта йӕ кӕсӕн, хӕдтулгӕйы бардарӕг домы дӕс мин.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ

Фарст алыг кӕныны нысанӕн паддзахадон автоинспекци сӕвӕрдта пост.

"Уавӕр хынцгӕйӕ мах сӕвӕрдам уӕлӕмхас пост ацы ран. Нӕ инспектортӕ сӕ хъус дарынц уавӕрмӕ райсом 7:30-ӕй 9 сахатмӕ Фӕстӕдӕр ам сывӕрдзыстӕм фӕндагон нысӕнттӕ, кӕцытӕ фӕдзӕхсдзысты, цӕмӕй ам хӕдулгӕтӕ ма уромой. Фӕткхалджытӕ ивар цӕуыдзысты", - загъта Sputnik паддзахадон автоинспекцийы агитаци ӕмӕ пропагандӕйы хистӕр инспектор Уалыты Альма.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ
3
Цхинвал

Цхинвалы ӕрцыд ФТЦ фондз хӕдтулгӕйы хайадистӕй

3
(ранӕуӕггонд 13:57 26.01.2021)
Фондз хӕдтулгӕйы ссисты фӕндагон-транспортон цауы хайадисджытӕ Хуссар Ирыстоны столицӕйы дыццӕджы

ЦХИНВАЛ, 25 янв – Sputnik, Хъуылымбегты Азӕмӕт. Цхинвалы 8-ӕм июны уынгыл дыццӕджы ӕрцыд фӕндагон-транспортон цау (ФТЦ) фондз хӕдтулгӕйы хайадистӕй.

Цӕстӕйфенджыты ныхӕстӕм гӕсгӕ, ВАЗ-2121 хӕдтулгӕ сӕмбӕлд фӕсарӕйнаг хӕдтулгӕйыл, кӕцы лӕууыд йӕ разӕй, ӕмӕ уый фӕстиуӕгӕн ӕндӕр хӕдтулгӕтӕ дӕр бахъыгдард сты. Развӕлгъау бӕрӕггӕнӕнтӕм гӕсгӕ, ФТЦ фӕстиуӕгӕн зианбаййафджытӕ нӕй. Аварийы цы хӕдтулгӕтӕ истой хайад, уыдоны шофырты арвыстой медицинон басгӕрстмӕ.

Хуссар Ирыстоны Паддзахадон автоинспекцийы бӕрӕггӕнӕнтӕм гӕсгӕ, 2020 азы республикӕйы фӕндӕгтыл ӕрцыд 137 фӕндагон-транспортон цауы. Азы райдайӕнӕй паддзахадон статистикӕмӕ бахаудтой дӕс ФТЦ-йӕ цъусдӕр.

3