Хуссар Иры компани Остелеком- ӕн снысан кодтой ног гендиректоры

Хуссар Иры компани "Остелеком"- ӕн снысан кодтой ног гендиректоры

12
(ранӕуӕггонд 16:11 23.12.2020)
Ацы бынаты уый раивта Роман Ковригайы, кӕцы компанийӕн разамынад дӕтта 2016 азӕй фӕстӕмӕ

ЦХИНВАЛ, 23 дек — Sputnik, Плиты Фатимӕ. Хуссар Ирыстоны бастдзинады компани "Остелеком"-ӕн снысан кодтой ног къухдариуӕггӕнӕджы. Уагдонӕн разамынад дӕтты Николай Фирсов, кӕцы нырмӕ куыста ӕдасдзинады фӕдыл директорӕй, фехъусын кодта Sputnik ӕхсӕнадимӕ бастдзинады фӕдыл специалист Бежанты Зӕринӕ.

Ацы бынаты уый раивта Роман Ковригайы, кӕцы компанийӕн разамынад дӕтта 2016 азӕй фӕстӕмӕ.

"Остелеком"-ы ног генералон директоры бынатмӕ директорты советы скъуыддзагмӕ гӕсгӕ нысан ӕрцыд Николай Фирсов, кӕцы нырмӕ куыста уагдоны ӕдасдзинады директоры бынаты", - загъта уый.

Биографи

Николай Фирсов райгуырд Пермы 1967 азы.

Ахуырад

- 1991 азы - Дзержинскийы номыл Советон цӕдисы Паддзахадон ӕдасдзинады комитеты арӕнгӕрон уӕлдӕр ахуыргӕнӕндон.

- 2013 азы - Уӕрӕсейы Федерацийы президенты цур адӕмон хӕдзарады паддзахадон службӕйы академи.

Карьерӕ

1991-2002 ӕзты - паддзахадон ӕдасдзинады органты службӕ.

- 2002-2010 ӕзты куыста къухдариуӕггӕнӕг бынӕтты бизнесы хицӕн фадгуыты.

-2010 азы майӕ куыста Мегафоны Уралы хайады. 2011 азы нымад ӕрцыд ӕдасдзинады фӕдыл хуыздӕр разамонӕгыл.

2020 азы сентябрӕй куыста "Остелеком" ӕдасдзинады директорӕй.

12
Пухаты Эрик

Хуссар Иры президент йæ уынаффæгæнæгæй снысан кодта хицауады раздæры сæрдары

2
(ранӕуӕггонд 17:01 20.01.2021)
Ивгъуыд аз августы онг Пухаты Эрик куыста Хуссар Ирыстоны хицауады сæрдарæй. Цхинвалы æвзонг цæрæг Дзабиты Иналы мæлæты фæстæ уый ацыд отставкæйы

ЦХИНВАЛ, 20 янв - Sputnik. Хуссар Ирыстоны президент Бибылты Анатолий снысан кодта хицауады раздæры сæрдар Пухаты Эрикы йæ паддзахадон уынаффæгæнæгæй экономикон фарстыты фæдыл, фехъусын кодтой президенты администрацийы.

Эрик Георгийы фырт, кæцы 2017 азы маййæ 2020 азы августы онг лæууыд республикæйы хицауады сæргъ, раивта ацы бынаты Джуссойты Сосланы - уый президент ссæрибар кодта йæ куыстæй ивгъуыд аз декабры кæрон.

 

Биографион справкæ

Пухаты Эрик Георгийы фырт райгуырд 1957 азы 5 майы РХИ-ы Знауыры районы Схлиты хъæуы.

1982 азы каст фæцис Хуссар Ирыстоны паддзахадон педогогон институты "Математикæ æмæ физикæ"-йы факультет.

Фæллойадон архайды рæстæджы куыста Цхинвалы консерваразæн заводы, каст лекцитæ ХИПУ-ы.

2005 азы слæууыд РХИ Паддзахадон статистикæйы управленийы сæргъ.

2014 азы апрелы нысан æрцыд РХИ хицауады сæргълæууæджы хæдивæгæй.

Хорзӕхджын у Хуссар Ирыстоны майданӕй "Фӕллойады сгуыхтдзинад", Днестргӕрон Молдаваг республикӕйы майданӕй "Ӕхсӕнадӕмон ӕмгуыстады фидар кыныны тыххӕй".

Ис ын бинонтӕ, ӕртӕ хъӕбулы.

2
COVID-19

Хуссар Иры сбӕрӕг кодтой 37 ног рынчыны коронавирусӕй

4
(ранӕуӕггонд 16:10 20.01.2021)
Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты

ЦХИНВАЛ, 20 янв - Sputnik, Хъуылымбегты Зӕлинӕ. Хуссар Ирыстоны рынчындоны интенсивон терапийы хайады ис цыппар пациенты коронавирусимӕ, радзырдта Sputnik "Югосетпотребнадзор"-ы хистӕр Коцты Марина.

Хуссар Ирыстоны коронавирусы пандемийы райдианӕй сарӕзтой 14577 иртӕсты, уыдонӕй 2652 равдыстой тӕссаг инфекцион низы уӕвынад.

"Ивгъуыд суткӕйы сарӕзтӕуыд 132 тесты, уыдонӕй 37 адӕймагӕн разынд COVID-19", - загъта Коцты Марина.

Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты.

Сӕйраг санитарон дохтыры ныхӕстӕм гӕсгӕ, Ленингоры рынчындоны коронавирусимӕ тох кӕнынц ӕхсӕз рынчыны, Къуаисайы та - авд.

4