Гасситы Петр

Хуымӕтӕг гӕххӕтт нӕу: Хуссар Иры парламенты вице-спикер 2021 азмӕ бюджет райсыны тыххӕй

13
(ранӕуӕггонд 14:15 23.12.2020)
Хуссар Ирыстоны парламенты сесси ӕртыццӕджы нӕ ацыд, уымӕн ӕмӕ депутатты хай не рбацыд рабадтмӕ

ЦХИНВАЛ, 23 дек – Sputnik, Козаты Диана. Хуссар Ирыстоны паддзахадон бюджет рӕстӕгыл куы нӕ райсой, уӕд уый бандавдзӕн республикӕйы бирӕ ӕмбӕстӕгты цардыл, загъта парламенты фыццаг вице-спикер Гасситы Петр.

Парламенты ӕртыццӕджы хъуамӕ ӕркастаиккой фидӕн азы бюджетмӕ. Ацы рабадтыл ма хъуамӕ ӕркастаиккой ацы азы бюджетмӕ ивындзинӕдтӕм. Ивындзинӕдтӕ баст сты ӕхцайы фӕрӕзтимӕ, кӕцытӕ Уӕрӕсейы хицауад рахицӕн кодта Хуссар Ирыстонӕн коронавирусы ныхмӕ тохӕн. Фӕлӕ парламенты рабадт нӕ ацыд кворум кӕй нӕ ӕрӕмбырд, уый тыххӕй. Радон сесси гӕнӕн ис ацӕуа цыппӕрӕмы, 24 декабры.

"Махыл ис стыр бӕрндзинад. Уый хуымӕтӕг гӕххӕтт нӕу, ӕмӕ бандавдзӕн бирӕ ӕмбӕстӕгты цардыл. Уый фӕдыл уӕм сидын, цӕмӕй сом иууылдӕр ӕрӕмбырд уат сессимӕ. Сесси ауадзыны рӕстӕг фехъусын кӕндзыстӕм фӕстӕдӕр", - загъта Гасситы Петр.

Вице-спикер не мбары йӕ коллегӕты позици, уымӕн ӕмӕ сессийы боны фӕткмӕ бахастой фарст, кӕцы рахастой уыцы депутаттӕ.

"Ӕз нал ӕмбарын ацы уавӕр. Боны фӕткмӕ фыццаг фарстӕй бахастой ивындзинӕдтӕ Конституцимӕ, кӕцытӕ бахастой депутатты къорд. Ацы фарсты алыварс ис бирӕ ныхӕстӕ, боны фӕткы ис, фӕлӕ депутаттӕ сӕхӕдӕг ам не сты. Кӕм ис логикӕ?", - банысан кодта депутат.

Парламенты спикер Тадтаты Аланы ныхӕстӕм гӕсгӕ, уый республикӕйы проблемӕтӕй йӕхи нӕ иуварс кӕны. Уый фидарӕй загъта, Дзабиты Иналы мӕлӕты фӕдыл хъуыддаг кӕй ацӕудзӕн законы фӕлгӕтты ӕмӕ аххосджынты иууылдӕр бафхӕрдзысты законмӕ гӕсгӕ.

Финансты министры хӕстӕ ӕххӕстгӕнӕг Хӕбӕлаты Аза бахахх кодта, цӕттӕ кӕй у хайад райсын рабадтыты ӕмӕ бамбарын кӕнын депутаттӕн 2021 азы бюджет ӕмӕ ацы азы бюджетмӕ ивындзинӕдтӕ бахӕссыны лыстӕгдзинӕдтӕ.

"Кӕд ацы хъуыддаг адаргъ кӕнӕм, уӕд мах ацы ӕхцатӕ гӕнӕн ис ма райсӕм. Уыдон сты ӕхцатӕ коронавирусы ныхмӕ тохӕн", - бахахх кодта Хӕбӕлаты Аза.

Парламенты спикер ӕрсидт бюджет ӕмӕ хъалонты фӕдыл парламентон комитеты сӕрдар Джиоты Еленамӕ, цӕмӕй бамбарын кӕна йӕ коллегӕтӕн уавӕры ахсджиагдзинад.

Хуссар Ирыстоны парламенты депутатты хай сентябры фехъусын кодта закондӕттӕг органы куыст ӕруромыны тыххӕй, цалынмӕ генпрокурор Дзӕгъиаты Уырызмӕджы отсавкӕйы арвитой, уӕдмӕ. Уӕдӕй фӕстӕмӕ депутаттӕ сессимӕ ӕрӕмбырд сты ӕрмӕстдӕр иу хатт, цӕмӕй сфидар кӕной ивындзинӕдтӕ бюджетмӕ коронавирусы ныхмӕ тох кӕнынӕн фӕрӕзтӕ рахицӕн кӕныны фӕдыл.

 

13
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2
ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

3
(ранӕуӕггонд 14:22 13.04.2021)
Цӕгат Кавказы федералон университеты делегаци ӕрцыд Хуссар Ирыстонмӕ ӕртӕбонон балцы. Столицӕйы уӕрӕсейаг ахуыргӕнӕндоны минӕвӕртты райста президент Бибылты Анатолий, иннӕ бон та бафыстой бадзырд ХИПУ-имӕ ӕмӕ ацыд зонадон-практикон конференци

ЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.

Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".

ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.

Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.

Представители ЮОГУ и СКФУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ

ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.

Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".

Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.

Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.

Экскурсия по ЮОГУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ
3