Сӕндуцӕн компани Иронсӕн

Хуссар Иры хицауад баххуыс кодта сӕндуцӕн компанийӕн 17,5 милуан сомы бӕрц

14
(ранӕуӕггонд 13:28 24.12.2020)
Фӕрӕзтӕ рахицӕн кодтой инвестицион программӕйы фӕлгӕтты. Компанийӕн ӕхцатӕ рахицӕн кӕныны фӕдыл скъуыддзаг райстой хицауады рабадтыл

ЦХИНВАЛ, 24 дек - Sputnik. Хуссар Ирыстоны хицауад сфидар кодта сӕндуцӕн компани "Иронсӕн"-ӕн финансон фӕрӕзтӕ рахицӕн кӕныны фӕдыл барамынды проект, цӕмӕй компани сцалцӕг кӕна электрон дӕлстанц ӕмӕ заводмӕ бацӕуӕн автомобилон фӕндаг, хъусын кӕны хицауады пресс-службӕ.

"Паддзахадон ӕххуысы лимит инвестицион программӕйы фӕлгӕтты у 17 512 410,00 сомы", - дзырдӕуы хъусинаджы.

Премьер-министры хӕстӕ ӕххӕстгӕнӕг Бекъойты Геннадийы ныхӕстӕм гӕсгӕ, сӕндуцӕн компани "Иронсӕн" йӕхи равдыста куыд ӕнтыстджын инвестицион проект.

"Компанийы продукци зындгонд у куыд республикӕйы территорийыл, афтӕ фӕсарӕнты дӕр. Мӕ хъуыдымӕ гӕсгӕ, ахӕм ӕнтыстджын проекттӕн хъӕуы ӕххуыс кӕнын", - загъта Бекъойты Геннадий хицауады рабадтыл.

Сӕндуцӕн компани "Иронсӕн" байгом ис дыууӕ азы размӕ, ӕмӕ у республикӕйы иууыл эфективондӕр инвестпроекттӕй сӕ иу, банысан кодтой хицауады. 2019 азы компани арвыста Уӕрӕсемӕ 755 мин авджы 75 милуан сомы суммӕйыл, 2020 азы та – 1,2 милуан авгӕй фылдӕр 121 милуан сомы бӕрц.

14
Транскам

Транскам сӕхгӕдтой ӕвзӕр боныгъӕд ӕмӕ зӕйтӕ 'рцӕуыны тасы тыххӕй

1
(ранӕуӕггонд 09:38 18.01.2021)
Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ

ЦХИНВАЛ, 18 янв - Sputnik. Транскавказаг автомагистралыл фӕндагон змӕлд сӕхгӕдтой хуыцаубоны 21.00 сахатыл ӕвзӕр боныгъӕд ӕмӕ зӕйтӕ 'рцӕуыны тасы тыххӕй, хъусын кӕны Хуссар Ирыстоны Уӕлвӕткон уавӕрты министрады (УУМ) пресс-службӕ.

"Хуыцаубоны 21.00 сахатӕй сӕрмагонд барамынды онг Транскамыл уыдзӕн ӕхгӕд фӕндагон змӕлд", - дзырдӕуы пресс-службӕйы хъусинаджы.

Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ.

Транскавказаг автомагистраль — иунӕг фӕндаг, кӕйы иу кӕны Хуссар Ирыстоны Уӕрӕсеимӕ.

 

1
Хуссар Ир ӕмӕ Гуырдзыйы хсӕн арӕн

ПӔК радзырдтой, цал адӕймаджы фехӕлдтой Хуссар Иры арӕн декабры

9
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйы

ЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.

Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.

"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.

ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.

9