Цхинвалы районты Ног азмӕ фӕлындынц удӕгас наз бӕлӕстӕ

Цхинвалы районты Ног азмӕ фӕлындынц удӕгас наз бӕлӕстӕ

60
(ранӕуӕггонд 13:55 24.12.2020)
Ивгъуыд ӕзты-иу Цхинвалы районты хсӕн цыд конкурстӕ дӕр, фӕлӕ фӕстаг дыууӕ азы уыдон дӕр ивд ӕрцыдысты

ЦХИНВАЛ, 24 дек — Sputnik, Плиты Фатимӕ. Хуссар Ирыстоны столицӕйы районты ӕрӕвнӕлдтой наз бӕлӕстӕ фӕлындынмӕ. Ацы аз удӕгас наз бӕлӕстӕ калын у тобӕгонд, уӕлвӕтк сарӕзтой ӕрмӕст ахуырады министрадӕн ӕмӕ горӕты районтӕн, фехъусын кодтай Sputnik РХИ хъӕдын хӕдзарады управленийы разамонӕг Чилӕхсаты Таймураз.

"Хихджын хъӕд бахъахъхъӕныны тыххӕй ныр дыккаг аз тобӕ ӕвӕрд ӕрцыд наз бӕлӕстӕ калыныл. Ӕрмӕст ма бар радтам Ахуырады министрадӕн ӕмӕ горӕты районтӕн иумӕйаг наз бӕлӕстӕ ракалынӕн. Ацы аз уыдон нымӕц уыдзӕн 20 бӕрц", - загъта уагдоны хистӕр.

Ӕрвылаз столицӕйы районты ӕвӕрд ӕрцӕуынц удӕгас нӕзытӕ, районы фӕсивӕд сфӕлындынц куыд бӕлӕстӕ, афтӕ сӕ алыварс фӕзуат дӕр.

Цхинвалы районты Ног азмӕ фӕлындынц удӕгас наз бӕлӕстӕ
© Sputnik / Плиты Фатима
Цхинвалы районты Ног азмӕ фӕлындынц удӕгас наз бӕлӕстӕ

Ивгъуыд ӕзты-иу районты хсӕн цыд конкурстӕ дӕр, фӕлӕ фӕстаг дыууӕ азы уыдон дӕр ивд ӕрцыдысты, загътой горӕты администрацийы пресс-службӕйы.

60
Кафе Vincenzo

Прокуратурӕ басгӕрста хъусинаг Цхинвалы кафе "Vincenzo"-йы мыздты фӕурӕды фӕдыл

0
(ранӕуӕггонд 13:17 26.01.2021)
Генералон прокуратурӕ ауагъта басгӕрст социалон хызӕг Instagram-ы куы ныммыхуыр кодтой информаци уагдоны кусджытӕн мыздты нӕ бафидыны тыххӕй, уый фӕдыл

ЦХИНВАЛ, 26 янв - Sputnik. Хуссар Ирыстоны Генпрокуратурӕ ауагъта басгӕрст столицӕйы кафе "Vincenzo"-йы мыздтӕ нӕ фидыны фӕдыл.

Ӕмбӕлон барамынд радта республикӕйы генпрокурор Дзӕгъиаты Уырызмӕг социалон хызӕг Instagram-ы куы фӕзынд хъусинаг, ома 2020 азы мартӕй фӕстӕмӕ кафейы кусджытӕн мызд нӕ фидынц, уый фӕстӕ.

Уагдоны пресс-службӕ куыд хъусын кӕны, афтӕмӕй прокуророн басгӕрсты рӕстӕджы ӕркастысты мызды фӕдыл документтӕм фарон мартӕй фӕстӕмӕ ныры рӕстӕджы онг периоды.

"Афтӕ ма ӕрныхас кодтой кафейы кусджытимӕ, кӕцытӕ банысан кодтой, мызд сын кӕй фидынц рӕстӕгыл фӕллойады бадзырдты домӕнтӕм гӕсгӕ", - дзырдӕуы хъусинаджы.

Басгӕрсты фӕстиуджытӕм гӕсгӕ, информаци, кӕцы ныммыхуыр кодтой социалон хызӕджы, не сфидар кодтой.

0
Ковид

Хуссар Иры санитарон уагдон фехъусын кодта ног бæрæггæнæнтæ COVID-19-ы фæдыл

2
(ранӕуӕггонд 12:41 26.01.2021)
Пандемийы райдианæй æдæппæт республикæйы коронавирусæй фæрынчын сты 2 746 адæймаджы, банысан кодтой "Югосетпотребнадзор"-ы

ЦХИНВАЛ, 26 янв – Sputnik, Хъуылымбегты Азæмæт. Хуссар Ирыстоны ивгъуыд суткæйы рабæрæг кодтой коронавирусæй æхсæз ног фæрынчынуæвæджы, фехъусын кодта Sputnik "Югосетпотребнадзор"-ы сæргълæууæджы хæдивæг Гаглойты Анна.

"Ивгъуыд суткæйы сарæзтæуыд 67 тесты COVID-19 рафæлгъауыны тыххæй, уыдонæй æхсæз равдыстой низы уæвынад. Афтæ ма суткæйы дæргъы хыгъдæй систæуыд фараст адæймаджы", - радзырдта Гаглойты Анна.

Уый ма бафтыдта, медицинон хъусдарды бын нырма кæй ис 773 адæймаджы. Пандемийы райдианæй æдæппæт республикæйы сарæзтой 15 075 тестры коронавирус рабæрæг кæныны тыххæй, уыдонæй 2 746 равдыстой æвæрццаг фæстиуæг.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

2