Уӕрӕсейаг мобилон ковид-госпиталь

Уӕрӕсейаг мобилон ковид-госпиталь ацыд Хуссар Ирӕй сӕ дислокацийы бынатмӕ

4
(ранӕуӕггонд 10:36 25.12.2020)
Госпиталь уыд республикӕйы дыууӕ мӕймӕ ӕввахс, ацы рӕстӕгмӕ ӕфсӕддон медиктӕ схос кодтой 200-йӕ фылдӕр пациентӕн коронавирусы диагнозимӕ, сарӕзтой цалдӕр мин иртӕсты, ӕфсӕдты специалисттӕ та ауагътой социалон ӕмӕ инфраструктурӕйы объектты дезинфекци

ЦХИНВАЛ, 25 дек - Sputnik. Уӕрӕсейы хъахъхъӕнынады министрады мобилон госпиталь сӕххӕст кодта йӕ хӕслӕвӕрдтӕ ӕмӕ майрӕмбоны райсом раджы ацыд Цхинвалӕй сӕ дислокацийы бынатмӕ Алабиномӕ, хъусын кӕны УФ Хуссар ӕфсӕддон зылды пресс-службӕ.

Хуссар ӕфсӕддон зылды банысан кодтой, ӕфсӕддон медиктӕ кӕй схос кодтой 200-йӕ фылдӕр пациентӕн коронавирусы диагнозимӕ, сарӕзтой цалдӕр мин иртӕсты COVID-19-ы фӕдыл, амбулаторон-консультативон ӕххуыс бакодтой 1,5 мин адӕймагӕн.

"Республикӕйы ӕмбӕстӕгтӕн ӕххӕст ӕххуыс бакодтой коронавирусы ныхмӕ тохы. Афтӕ ма арӕзт ӕрцыдысты инструменталон иртӕстытӕ: рентгенограмма, кардиограмма ӕмӕ туджы анализтӕ. Пациентты хоскӕнынады проблемӕты рӕстӕджы бынӕттон хицауад нын ӕххуыс кодта", - фехъусын кодта мобилон госпиталы инфекцион хайады хистӕр, медицинон службӕйы капитан Игорь Гришин.

Мобилон госпиталы колоннӕ ӕрцыд Хуссар Ирыстонмӕ 2020 азы 27 октябры республикӕйы къухдариуӕгады ӕрхуындӕй, цӕмӕй баххуыс кӕной коронавирусы ныхмӕ тох кӕнынӕн.

Дыккаг бон уӕрӕсейаг ӕфсӕддонтӕ сӕвӕрдтой Цхинвалы республикон стадионы мобилон госпиталь 100 бынатӕн.

4
Пухаты Эрик

Хуссар Иры президент йæ уынаффæгæнæгæй снысан кодта хицауады раздæры сæрдары

2
(ранӕуӕггонд 17:01 20.01.2021)
Ивгъуыд аз августы онг Пухаты Эрик куыста Хуссар Ирыстоны хицауады сæрдарæй. Цхинвалы æвзонг цæрæг Дзабиты Иналы мæлæты фæстæ уый ацыд отставкæйы

ЦХИНВАЛ, 20 янв - Sputnik. Хуссар Ирыстоны президент Бибылты Анатолий снысан кодта хицауады раздæры сæрдар Пухаты Эрикы йæ паддзахадон уынаффæгæнæгæй экономикон фарстыты фæдыл, фехъусын кодтой президенты администрацийы.

Эрик Георгийы фырт, кæцы 2017 азы маййæ 2020 азы августы онг лæууыд республикæйы хицауады сæргъ, раивта ацы бынаты Джуссойты Сосланы - уый президент ссæрибар кодта йæ куыстæй ивгъуыд аз декабры кæрон.

 

Биографион справкæ

Пухаты Эрик Георгийы фырт райгуырд 1957 азы 5 майы РХИ-ы Знауыры районы Схлиты хъæуы.

1982 азы каст фæцис Хуссар Ирыстоны паддзахадон педогогон институты "Математикæ æмæ физикæ"-йы факультет.

Фæллойадон архайды рæстæджы куыста Цхинвалы консерваразæн заводы, каст лекцитæ ХИПУ-ы.

2005 азы слæууыд РХИ Паддзахадон статистикæйы управленийы сæргъ.

2014 азы апрелы нысан æрцыд РХИ хицауады сæргълæууæджы хæдивæгæй.

Хорзӕхджын у Хуссар Ирыстоны майданӕй "Фӕллойады сгуыхтдзинад", Днестргӕрон Молдаваг республикӕйы майданӕй "Ӕхсӕнадӕмон ӕмгуыстады фидар кыныны тыххӕй".

Ис ын бинонтӕ, ӕртӕ хъӕбулы.

2
COVID-19

Хуссар Иры сбӕрӕг кодтой 37 ног рынчыны коронавирусӕй

4
(ранӕуӕггонд 16:10 20.01.2021)
Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты

ЦХИНВАЛ, 20 янв - Sputnik, Хъуылымбегты Зӕлинӕ. Хуссар Ирыстоны рынчындоны интенсивон терапийы хайады ис цыппар пациенты коронавирусимӕ, радзырдта Sputnik "Югосетпотребнадзор"-ы хистӕр Коцты Марина.

Хуссар Ирыстоны коронавирусы пандемийы райдианӕй сарӕзтой 14577 иртӕсты, уыдонӕй 2652 равдыстой тӕссаг инфекцион низы уӕвынад.

"Ивгъуыд суткӕйы сарӕзтӕуыд 132 тесты, уыдонӕй 37 адӕймагӕн разынд COVID-19", - загъта Коцты Марина.

Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты.

Сӕйраг санитарон дохтыры ныхӕстӕм гӕсгӕ, Ленингоры рынчындоны коронавирусимӕ тох кӕнынц ӕхсӕз рынчыны, Къуаисайы та - авд.

4