Ленингор

Фаронæй къаддӕр: Ленингоры сидзӕрдоны ацӕудзӕн хӕрзаудӕн акцитӕ

8
(ранӕуӕггонд 09:53 28.12.2020)
Ленингоры сидзӕрдоны директоры ныхӕстӕ гӕсгӕ, ацы аз зынгӕ каддӕр адӕм ӕмӕ организацитӕ равдыстой хъӕппӕрис сывӕллӕттӕн балӕггад кӕныны тыххӕй

ЦХИНВАЛ, 28 дек — Sputnik, Плиты Фатимӕ. Хуссар Ирыстоны Ленингоры районы уӕвӕг иунӕг сидзӕрдоны хъомылгӕнинӕгтӕ райсдзысты ногазон лӕвӕрттӕ уагдӕттӕ ӕмӕ хицӕн адӕмӕй. Фӕлӕ уымӕ ӕнӕкӕсгӕйӕ, хӕрзаудӕн акцитӕ бӕрӕгбонмӕ сидзӕрдоны ацы аз ис зынгӕ къаддӕр, фехъусын кодта Sputnik сывӕллӕтты хӕдзары директор Гӕбӕраты Дзерассӕ.

Йӕ ныхӕстӕм гӕсгӕ, нырмæ уал сывӕллӕттӕ ногазон лӕвӕрттӕ райстой ахуырады министрадӕй.

"Ӕхсӕнадӕмон хыгъдон банкы разамынад радта сывӕллӕты хӕдзӕры ӕппӕт хъомылгӕнинӕгтӕн адджинӕгты тыхтонтӕ ӕмӕ сӕрмагонд лӕвӕрттӕ тыхст уавӕрты сӕ чи ис, уыдонӕн. Лæвæрттæ сæм фæхæццæ уызысты дыццæджы", - загъта уый.

Йӕ ныхӕстӕм гӕсгӕ, хӕрзаудӕн акци саразыны хъӕппӕрис равдыстой уӕрӕсейаг арӕнхъахъхъӕнджытӕ дӕр.

"Арӕнхъахъхъӕнджытӕ та ацы аз дӕр фӕнд кӕнынц ӕрбацӕуын. Хицӕн адӕмы фӕнды балӕггад кӕнын сидзӕр сывӕллӕттӕн, фӕлӕ фароны хуызӕн бирӕ нӕу сӕ нымӕц", - бафтыдта уый.

Ленингоры сывӕллӕтты хӕдзар у иунӕг сидзӕрдон Хуссар Ирыстоны.

8
Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

2
(ранӕуӕггонд 16:50 26.01.2021)
Плиты Ароны уынгыл уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц фӕндаггӕрон, уымӕ гӕсгӕ дзы рӕстмӕ азмӕлӕн нал вӕййы, уый хынцгӕйӕ автоинспекци фӕнд кӕны сӕвӕрын фӕдзӕхсты нысӕнттӕ

ЦХИНВАЛ, 26 янв — Sputnik, Плиты Фатимӕ. Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ. Автобусы шофрты бахъӕуы фӕндагон змӕлды тӕмӕны фӕстӕмӕ цыдӕй бацӕуын лӕууӕндонмӕ.

Цхинвалы ӕфсӕддон городокмӕ фӕндаг Плиты Ароны уынгыл фарон цалцӕг куы цыд уӕддӕр ссис хъаугъайаг, уӕд цӕрджытӕ домтой цӕмӕй йӕ фӕуӕрӕхдӕр кӕной. Фӕндаг арӕзт ӕрцыд домӕнтӕм гӕсгӕ, уӕддӕр разынд проблемон. Ам уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц, уымӕ гӕсгӕ дзы рӕстмӕ азмӕлӕн нал вӕййы.

"Фӕндаг арӕзт куы фӕцис, уӕд фӕндаггӕрон сӕвӕрдтой бордюртӕ. Раздӕр ӕфсӕддонтӕ кӕд сӕ хӕдулгӕтӕ урӕдтой Афганистаны хӕстонты цырты цур, уӕд дзы ныр бахизӕн нал ис. Уымӕ гӕсгӕ фӕндаггӕрон байдзаг вӕййы хӕдтулгӕтӕй ӕмӕ рейсон автобустӕн нал вӕййы бацӕуӕн",- загъта районы цӕрӕг Эльбрус.

Ӕрӕджы рейсон автобус уынгӕг фӕндагыл раскъуыдта йӕ кӕсӕн, хӕдтулгӕйы бардарӕг домы дӕс мин.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ

Фарст алыг кӕныны нысанӕн паддзахадон автоинспекци сӕвӕрдта пост.

"Уавӕр хынцгӕйӕ мах сӕвӕрдам уӕлӕмхас пост ацы ран. Нӕ инспектортӕ сӕ хъус дарынц уавӕрмӕ райсом 7:30-ӕй 9 сахатмӕ Фӕстӕдӕр ам сывӕрдзыстӕм фӕндагон нысӕнттӕ, кӕцытӕ фӕдзӕхсдзысты, цӕмӕй ам хӕдулгӕтӕ ма уромой. Фӕткхалджытӕ ивар цӕуыдзысты", - загъта Sputnik паддзахадон автоинспекцийы агитаци ӕмӕ пропагандӕйы хистӕр инспектор Уалыты Альма.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ
2
Цхинвал

Цхинвалы ӕрцыд ФТЦ фондз хӕдтулгӕйы хайадистӕй

2
(ранӕуӕггонд 13:57 26.01.2021)
Фондз хӕдтулгӕйы ссисты фӕндагон-транспортон цауы хайадисджытӕ Хуссар Ирыстоны столицӕйы дыццӕджы

ЦХИНВАЛ, 25 янв – Sputnik, Хъуылымбегты Азӕмӕт. Цхинвалы 8-ӕм июны уынгыл дыццӕджы ӕрцыд фӕндагон-транспортон цау (ФТЦ) фондз хӕдтулгӕйы хайадистӕй.

Цӕстӕйфенджыты ныхӕстӕм гӕсгӕ, ВАЗ-2121 хӕдтулгӕ сӕмбӕлд фӕсарӕйнаг хӕдтулгӕйыл, кӕцы лӕууыд йӕ разӕй, ӕмӕ уый фӕстиуӕгӕн ӕндӕр хӕдтулгӕтӕ дӕр бахъыгдард сты. Развӕлгъау бӕрӕггӕнӕнтӕм гӕсгӕ, ФТЦ фӕстиуӕгӕн зианбаййафджытӕ нӕй. Аварийы цы хӕдтулгӕтӕ истой хайад, уыдоны шофырты арвыстой медицинон басгӕрстмӕ.

Хуссар Ирыстоны Паддзахадон автоинспекцийы бӕрӕггӕнӕнтӕм гӕсгӕ, 2020 азы республикӕйы фӕндӕгтыл ӕрцыд 137 фӕндагон-транспортон цауы. Азы райдайӕнӕй паддзахадон статистикӕмӕ бахаудтой дӕс ФТЦ-йӕ цъусдӕр.

2