Хуссар Иры равзардзысты иууыл рӕсугъддӕр кӕртон наз бӕлас

Хуссар Иры равзардзысты иууыл рӕсугъддӕр кӕртон наз бӕлас

5
(ранӕуӕггонд 11:13 28.12.2020)
Конкурс цӕудзӕн ӕрмӕст Дзауы районы администрацийы бӕрны цы хъӕутӕ ис, уыдон ӕхсӕн районы культурӕйы хайады хъӕппӕрисӕй

ЦХИНВАЛ, 28 дек — Sputnik, Плиты Фатимӕ. Хуссар Ирыстоны Дзауы районы равзардзысты рӕсугъддӕр наз бӕлас. Кӕртон наз бӕлӕсты конкурс районы цӕуы фыццаг хатт, фехъусын кодта Sputnik районы администрацийы пресс-службӕйы кусӕг Тедеты Лиана.

"Дзауы районы фыццаг хатт расидтысты ацы конкурс. Хайад райсыны бар дзы ис районы алкӕцы хъӕу ӕмӕ сыхӕн дӕр. Куырдиаттӕ ист цӕуынц", - загъта уый.

Конкурсы уӕлахиздзауы ном раргом кӕндзысты Зӕронд ног аз.

"30 декабры администрацийы кусджытӕ азилдзысты ӕмӕ бабӕрӕг кӕндзысты конкурсы архайджыты наз бӕлӕстӕ, цӕмӕй се хсӕн равзарой иууыл рӕсугъддӕры. Уӕлахиздзаутӕ райсдзысты ӕхцайы премитӕ",- бафтыдта уый

Ивгъуыд ӕзты ӕнгӕс конкурстӕ уагъта горӕт Цхинвалы администраци.

© Photo : Пресс-служба Дзауского района
Хуссар Иры равзардзысты иууыл рӕсугъддӕр кӕртон наз бӕлас
5
Хуссар Ир ӕмӕ Гуырдзыйы хсӕн арӕн

ПӔК радзырдтой, цал адӕймаджы фехӕлдтой Хуссар Иры арӕн декабры

9
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйы

ЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.

Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.

"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.

ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.

9
кран

Сгарӕм ӕй алы бон дӕр: Цхинвалы мэрия нуазыны доны гъӕды тыххӕй

4
(ранӕуӕггонд 13:24 15.01.2021)
Дӕргъвӕтин къӕвдаты тыххӕй столицӕйы дон рацыд змӕстӕй, фӕлӕ горӕттаг администрацийы куыд фехъусын кодтой, афтӕмӕй йын йӕ гъӕд сгарынц ӕрвылбон дӕр

ЦХИНВАЛ, 15 янв – Sputnik, Козаты Диана. Нуазыны доны гъӕд горӕты резервуарты у ӕмбӕлон, къӕвда бонтӕм ӕнӕкӕсгӕйӕ, загътой Sputnik Цхинвалы мэрияйы  пресс-службӕйы.

Хуссар Ирыстоны цалдӕр бон цары къӕвда. Синопртикты бӕрӕггӕнӕнтӕм гӕсгӕ, улӕфт бонты ӕмӕ иннӕ къуырийы фыццаг ӕмбисы та уардзӕн мит. Столицӕйы администрацийы, "Водоканал"-ы информацийыл ӕнцойгӕнгӕйӕ, банысан кодтой, ӕвзӕр боныгъӕд бирӕ кӕй ницы бандӕвта доны гъӕдыл.

"Цалдӕр боны размӕ дон цыд змӕстӕй. Специалисттӕ дзы систой пробӕтӕ, доны гъӕд у стабилон. Нормӕйы фӕлгӕтты. Уымӕ ӕнӕкӕсгӕйӕ йӕ "Водоканал" баскары ӕрвылбон дӕр", - радзырдтой мэрияйы.

Уым ма банысан кодтой, зӕгъгӕ, кӕд доны гъӕ афтӕ февзр уа, ӕмӕ мауал бӕзза пайда кӕнынӕн, уӕд уайтагъд бафӕдзӕхсдзысты цӕрджыты.

4