Хуссар Иры президент сдзаупп кодта Ленингоры районы цӕрджыты фарстытыл

Хуссар Иры президент сдзаупп кодта Ленингоры районы цӕрджыты фарстытыл

5
(ранӕуӕггонд 11:14 28.12.2020)
Амӕйразмӕ Хуссар Ирыстоны президент фембӕлд Знауыр, Дзау ӕмӕ Цхинвалы районты цӕрджытимӕ

ЦХИНВАЛ, 28 дек - Sputnik. Хуссар Ирыстоны президент Бибылты Анатолий ауагъта фембӕлд Ленингоры районы цӕрджытимӕ хуыцаубоны Цъинагары хъӕуы, хъусын кӕны паддзахады сӕргълӕууӕджы пресс-службӕ.

Сӕйраджыдӕр, уый радзырдта Хуссар Ирыстоны уавӕры тыххӕй Дзабиты Иналы мӕлӕты фӕстӕ. Президент банысан кодта, депутатты корды архӕйдтыты тыххӕй нӕ райстой 2021 азы бюджет, афтӕ ма ивындзинӕдтӕ ацы азы бюджетмӕ, кӕцытӕм гӕсгӕ хъуамӕ бафыстаиккой фиддонтӕ "сырх зонӕйы" медиктӕн ӕмӕ рахицӕн кодтаиккой фӕрӕзтӕ чысыл ӕмӕ астӕуккаг бизнесӕн кредиттӕ раттыны нысанӕн.

Уый фӕстӕ президент банысан кодта, Ленингоры районы проблемӕты фылдӕр хай кӕй аскъуыддзаг кодтой, фӕлӕ ма дзы цалдӕр уӕддӕр баззад. Сӕ нымӕцы, донифтонгад, фӕндӕгты арӕзтад, электрохызӕгты хӕххытӕ раивын.

Фембӕлды рӕстӕджы Ленингоры районы цӕрджытӕ радтой сӕ фарстытӕ республикӕйы сӕргълӕууӕгмӕ.

Цӕрджытӕй иу радзырдта, 2006 азы кӕй бафыста паддзахадимӕ бадзырд, цӕмӕй рӕстӕгмӕ радта йӕ хӕдзар скъолайӕн, фӕлӕ райста компенсацийӕн ӕрмӕстдӕр йӕ иу хай. Бибылты Анатолий бахӕс кодта бафидын компенсаци ног къуыри.

Афтӕ ма президент сдзуапп кодта Цъинагары хъӕумӕ кабелон интернет ауадзыны фарстыл. Республикӕйы сӕргълӕууӕджы ныхӕстӕм гӕсгӕ, интернет нырма ауадздзысты Къайсамӕ, уый фӕстӕ та Цъинагар ӕмӕ Ленингормӕ.

Бибылты Анатолийы ма бафарстой Ленингоры районы Монастъеры хъӕуы уылты доны хӕтӕл ауадзыны тыххӕй.

"Тынг хорз проект у. Куыст уагъд цӕуы, фӕлӕ йӕ реализацийӕн хъӕуы 800 милуан сомы. Ацы ӕхцатӕ хъӕуы агурын. Кӕй зӕгъын ӕй хъӕуы, дон хъӕуы ауадзын. Уӕд доны цухдзинад нал уыдзӕн Орчъосан, Цъинагар, монастъер ӕмӕ Гдулеты", - загъта уый.

  • Хуссар Иры президент сдзаупп кодта Ленингоры районы цӕрджыты фарстытыл
    Хуссар Иры президент сдзаупп кодта Ленингоры районы цӕрджыты фарстытыл
    © Пресс-служба президента РЮО
  • Хуссар Иры президент сдзаупп кодта Ленингоры районы цӕрджыты фарстытыл
    Хуссар Иры президент сдзаупп кодта Ленингоры районы цӕрджыты фарстытыл
    © Пресс-служба президента РЮО
  • Хуссар Иры президент сдзаупп кодта Ленингоры районы цӕрджыты фарстытыл
    Хуссар Иры президент сдзаупп кодта Ленингоры районы цӕрджыты фарстытыл
    © Пресс-служба президента РЮО
1 / 3
© Пресс-служба президента РЮО
Хуссар Иры президент сдзаупп кодта Ленингоры районы цӕрджыты фарстытыл

Уымӕй дарддӕр, президент бахӕс кодта хъӕуы администрацийӕн аскъуыддзаг кӕнын Цъинагары хъӕуы администрацимӕ дон бауадзыны проблемӕ.

Культурӕйы кусджытӕн сӕ мыздтӕ фӕфылдӕр кӕныны тыххӕй Бибылты Анатолий фидарӕй загъта, кӕй райдадзысты фылдӕр кӕнын 2021 азы 1 январӕй фӕстӕмӕ.

Ноджы ма иу цӕрӕг бадзырдта президентмӕ, цӕмӕй социалон ӕххуыс бакӕной районы ӕххуысхъуаг бинонтӕн. Бибылты Анатолий бахӕс кодта Цъинагары хъӕуы администрацийӕн бацӕттӕ кӕнын ӕххуысхъуаг бинонты номхыгъд.

Район газӕй сифтонг кӕныны фарсты фӕдыл президент банысан кодта, документаци кӕй у цӕттӕ, куыстытӕ та райдайдзысты 2021 азы.

5
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

6
(ранӕуӕггонд 15:26 18.09.2021)
Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызы

ЦХИНВАЛ, 18 сен — Sputnik, Плиты Фатимæ. Цхинвалы сæйраг фӕзуаты ацыд парады фæстаг æлхынцъгæнæн генералон репетици, кӕцы нывонд у Республикикӕйы бонӕн.

Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызы.

"Иу мæй нæхи цæттæ кæнæм, репетици та уы ныр æртыккаг хатт. Нæ тыхтæ радтам, цæмæй бæрæгбон ацæуа нывыл,уый у сæйрагдæртæй иу, хъуамæ йæ арвитæм рæсугъд æмæ нывыл", - загъта цытджын хъараулы тырысахæссæг Сæрмæт.

Цытджын мадзал ацӕудзӕн къуырисӕры, 20 сентябры. Театралон фӕзуатыл рацӕудзысты Хъахъхъӕнынады, Мидхъуыддӕгты, Уӕлвӕткон уавӕрты ӕмӕ Юстицийы министрӕдты парадон къордтӕ, стӕй ма Паддзахадон ӕдасдзинады комитеты арӕнхъахъхъӕнджытӕ ӕмӕ Уӕрӕсейы 4-ӕм ӕфсӕддон базӕйы службӕгӕнджытӕ ӕмӕ Уӕрӕсейы федералон ӕдасдзинады службӕйы арӕнгӕрон хайады кусджытӕ. Уымӕй дарддӕр ма парады рацӕудзысты Хъахъхъӕнынады министрады танкисттӕ, кӕцытӕ архайдтой "Танковый биатлон"-ы.

Генеральная репетиция Парада ко Дню республики
© Sputnik / Natalia Airiyan
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

20 сентябыры 1990 азы Адӕмон депутаты совет рахаста уынаффӕмӕ Хуссар Ирыстоны автономон областы статус скӕнын Хуссар Ирыстоны Демократон Республикикӕмӕ Советон цӕдисы сконды. Ацы къахдзӕф уыд фыццаг хӕдбардзинадмӕ фӕндагыл. 20 сентябырь та ссис сӕйраг паддзахадон бӕрӕгбонтӕй сӕ иу.

6
Карантин

Хъыгдары ахуырадон процесс: столицӕйы администрацийы радзырдтой скъолаты карантины тыххӕй

9
(ранӕуӕггонд 16:50 17.09.2021)
Карантиныл сӕхгӕдтой 11 къласы ӕмӕ фондз къорды горӕты цалдӕр скъола ӕмӕ сабидоны. Куыст уым сног кӕндзысты хуымӕтӕг режимы 24 сентябры, банысан кодтой столицӕйы администрацийы

ЦХИНВАЛ, 17 сен – Sputnik, Козаты Диана. Хуссар Ирыстоны карантиныл сӕхгӕдтой 11 къласы столицӕйы скъолаты ӕмӕ цалдӕр къорды горӕты сабидӕтты. Уагдӕттӕ нывӕндынц ракӕнын штатон куыстмӕ фидӕн къуыри, бӕрӕгбоны фӕдыл улӕфт бонты фӕстӕ, фехъусын кодта Цхинвалы администрацийы ахуырады хайады хистӕр Сиукъаты Ольга.

Хуссар Ирыстоны сӕрдӕй фӕстӕмӕ фылдӕр кӕнынц коронавирусӕй рынчынтӕ. Югосетпотребнадзоры бӕрӕггӕнӕнтӕм гӕсгӕ, ивгъуыд суткӕйы вирус сбӕрӕг кодтой 48 адӕймагӕн.

"Карантины фӕдыл фыццаг приказтӕ ӕрбацыдысты 9 сентябры. Уӕдӕй фӕстӕмӕ ӕрвыл бон фылдӕр кӕны ӕхгӕд кълӕсты нымӕц. Абоны бон махмӕ ӕхгӕд сты 11 къласы ӕмӕ фондз къорды сабидӕтты. Кълӕстӕ ӕхгӕд сты 1, 2, 5 ӕмӕ 6-ӕм скъолаты. Карантин фӕуд кӕны 24 сентябры", - загъта Сиукъаты Ольга.

Уый банысан кодта, зӕгъгӕ, ахуырдзауты хсӕн рынчынтӕ кӕцы кълӕсты ис, уым ахуыргӕнджытӕ раттынц хӕслӕвӕрдтӕ ӕмӕ уадзынц консультацитӕ.

"Афтӕ нын дзуапп кӕнынц скъолаты директортӕ. Фӕлӕ махмӕ ахуыргӕнджытӕй дӕр бирӕ ис рынчын. Дистанцион ахуыр зын, ӕмӕ къласӕн сӕхи ахуыргӕнӕг куы нӕ вӕййы, уӕд та ноджы зындӕр у", - банысан кодта Сиукъаты Ольга.

Йӕ ныхӕстӕм гӕсгӕ, ахӕм уавӕрты хъыгдард ӕййафы ахуырадон процесс.

Майрӕмбоны бӕрӕггӕнӕнтӕм гӕсгӕ, Хуссар Ирыстоны пандемийы райдайӕнӕй коронавирусӕй фӕрынчын сты 5473 адӕймаджы.

9
Сергей Меняйло

Сергей Меняйлойы равзæрстой Цæгат Иры сæргълæууæгæй

10
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

10