Гам-Ковид-Вак

Югосетпотребнадзор фехъусын кодта коронавирусӕй ног рынчынты тыххӕй

6
(ранӕуӕггонд 10:40 29.12.2020)
Республикӕйы пандемийы райдианӕй сбӕрӕг кодтой коронавирусӕй 2269 фӕрынчынуӕвӕджы, уыдонӕй 1490 сӕнӕниз сты. Югосетпотребнадзоры лабораторийы сарӕзтой 13 мин тестӕй фылдӕр

ЦХИНВАЛ, 28 дек - Sputnik, Гӕбӕраты Элина. Хуссар Ирыстоны рабӕрӕг ис аст ног фӕрынчынуӕвӕджы COVID-19-ӕй, фехъусын кодта Sputnik сабаты саразгӕ тесты фӕстиуджытӕ Югосетпотребнадзоры сӕргълӕууӕджы хӕдивӕг Гаглойты Анна.

Уый бафтыдта, хуыцаубоны коронавирус рабӕрӕг кӕныны тыххӕй тесттӕ кӕй нӕ сарӕзтой.

"Сабаты цы раиртӕстытӕ сарӕзтам, уыдонӕй астӕн разынд ӕвӕрццаг фӕстиуджытӕ", - загъта Гаглойты Анна.

Йӕ ныхӕстӕм гӕсгӕ, фӕстаг суткӕйы медицинон хъусдардӕй систой 39 адӕймаджы, амбулаторон хоскӕнынады ма сты 772 пациенты.

Республикӕйы пандемийы райдианӕй сбӕрӕг кодтой коронавирусӕй 2269 фӕрынчынуӕвӕджы, уыдонӕй 1490 сӕнӕниз сты. Югосетпотребнадзоры лабораторийы сарӕзтой 13 мин тестӕй фылдӕр

Республикон бирӕпрофилон центры бӕрӕггӕнӕнтӕм гӕсгӕ, пандемийы амӕттаг баисты 56 адӕймаджы.

6
Этнолагерь

Хуссар Иры фыццаг хатт ацæудзæн æхсæнадæмон сфæлдыстадон форум

6
(ранӕуӕггонд 13:47 22.01.2021)
Сфæлдыстадон æвзонг адæмæн Хуссар Иры фæсивæдон политикæ æмæ спорты комитет сараздзæн форум, уырдæм фæхондзысты æндæр бæстæтæй уазджыты дæр

ЦХИНВАЛ, 22 янв – Sputnik, Гæбæраты Элина. Хуссар Ирыстоны ацы аз ацæудзæн фыццаг æхсæнадæмон сфæлдыстадон форум æвзонг адæмæн, фехъусын кодта фæсивæдон политикæ æмæ спорты комитеты сæрдары хæдивæг Гатыгкоты Валентина Sputnik Хуссар Ирыстоны пресс-конференцийы рæстæджы.

Валентина Гатикоева
© Sputnik / Natalia Airiyan
Гатыгкоты Валентина

Мадзалы ма дзырд цыд Хуссар Иры волонтерты куыстыл, фæсивæды хайадистыл республикæйы æхсæнадон царды, Уæрæсе æмæ æндæр бæстæты фæсивæдимæ æмгуыстадыл.

"Форум уыдзæн æхсæнадæмон. Нæ чызджытæ æмæ лæппутæ базонгæ уыдзысты Цæгат Кавказы республикæты æмæ чизоны æндæр бæтæты курдиатджын сфæлдыстадон фæсивæдимæ. Бирæ ирæттæ цæрынц Ирыстоны æддейæ æмæ мах фæнд кæнæм уыдон æрхонын дæр", - радзырдта Гатыгкоты Валентинæ.

Уый баххах кодта, ацы мадзал кæй уыдзæн пайдаджын, уымæн æмæ бынæттон фæсивæдæн нæй бирæ фадаттæ сæ курдиат æвдисынæн.

Форумы уазджыты нымæц нырма дырысæй бæрæг нæу, уымæн æмæ уый комкоммæ баст у финанскæнынадимæ, балхынцъ кодта комитеты сæрдары хæдивæг.

6
Хӕххон курорт Цъон

Къуайсайы ЦКХ сыгъдӕг кӕны фӕндӕгтӕ митуарды фӕстӕ

5
(ранӕуӕггонд 12:57 22.01.2021)
Къуайсайы ЦКХ кусджытӕ сыгъдӕг кӕнынц фӕндӕгтӕ, афтӕ ма техникӕ арвыстой хӕххон курорт Цъонмӕ дӕр

ЦХИНВАЛ, 22 янв – Sputnik, Хъуылымбегты Азӕмӕт. Хуссар Ирыстоны Дзауы районы митуарды аххосӕй горӕт Къуайса ӕмӕ ӕввахс хъӕуты фӕндӕгтӕ бамбӕрзта мит.

Къуайсайы цӕрӕнуатон-коммуналон хӕдзарады (ЦКХ) хистӕр Хуыгаты Алан куыд фехъусын кодта Sputnik, афтӕмӕй Къуайсайы ӕруарыд 30 сантиметры бӕрц мит, хъӕуты та ӕруарыд 60 сантиметры бӕрц. Ныртӕккӕ ЦКХ кусджытӕ сыгъдӕг кӕнынц фӕндӕгтӕ митӕй.

"Мах ӕрбаздахтам ӕппӕт техникӕ мит ссыгъдӕг кӕнынмӕ. Кусджытӕ ныридӕгӕн ссыгъдӕг кодтой фӕндӕгтӕ Киров, Надарваз, Замтарет, Ӕхсарджын, Хӕрдысӕр, Гулиантӕ ӕмӕ Кӕсагджыны хъӕуы", - загъта Хуыгаты Алан.

Уый бафтыдта, зӕгъгӕ, фӕндӕгтӕ горӕт Къуайсайы ныридӕгӕн ссыгъдӕг кодтой. Афтӕ ма фӕндӕгтӕ ссыгъдӕг кӕндзысты Кърозы хъӕуы.

Йӕ ныхӕстӕм гӕсгӕ, Къуайсайы ЦКХ арвыста техникӕ хӕххон курорт Цъонмӕ дӕр, кӕцы бакӕндзысты 23 январы.

5
Кокойты Тарзан

Кокойты Тарзан: Дзуццаты Хадзы-Мураты фæзынд ирон поэзийы уыд уникалон

0
(ранӕуӕггонд 16:14 22.01.2021)
Хуссар Ирыстоны раздæры депутат Кокойты Тарзан радио Sputnik Хуссар Ирыстоны эфиры радзырдта Дзуццаты Хадзы-Мураты сфæлдыстады тыххæй
Кокойты Тарзан: Дзуццаты Хадзы-Мураты фæзынд ирон поэзийы уыд уникалон

Ацы аз январы зындгонд ирон поэт, æхсæнадон архайæг, публицист Дзуццаты Хадзы-Муратыл сыххæст уыдаид 86 азы. Кокойты Тарзан куыд загъта, уымæ гæсгæ Хаджийы сфæлдыстад ирон поэзийы æмæ культурæйы уыд уникалон фæзынд.

"Скъола каст куы фæци, уæд йæхи тыхтæй æмæ хъæппæрисæй радта фæлварæнтæ Мæскуыйы Горькийы номыл литературон институтмæ æмæ уый дæр каст фæци сырх дипломыл", - загъта Тарзан.

Кокойты Тарзаны ныхæстæм гæсгæ, Хадзы-Мурат йæ сфæлдыстадæй æнустæм фыст æрцыд ирон поэзийы хæзнадоны, фæлæ иууыл диссагдæр уыд йе 'мбæстагон позици.

"Хаджи хаудта 60-æм азы поэттæм, ахуыр кодта Евгений Евтушенкоимæ æмæ йæхимæ райста уыцы дуджы арф нысаниуджытæ", - банысан кодта Кокойты Тарзан.

Тарзан ма куыд загъта, уымæ гæсгæ Дзуццаты Хадзы-Мурат удыхъæдæй уыд æфсæрмдзæстыг æмæ хуымæтæг адæймаг, фæлæ дзы мидæгæй сыгъд арт.

Лæмбынæгдæр хъусут аудиоæрмæджы.

0
Темӕтӕ:
Радио иронау