ЦХИНВАЛ, 29 дек - Sputnik, Гӕбӕраты Элина. Хуссар Ирыстоны иу суткӕмӕ цы 76 тесты сарӕзтой коронавирусы фӕдыл, уыдонӕй ӕвӕрццаг фӕстиуӕг радтой 18, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.
"Ивгъуыд суткӕйы сбӕрӕг кодтам коронавирусӕй 18 ног рынчыны", - загъта Гаглойты Анна.
Йӕ ныхӕстӕм гӕсгӕ, фӕстаг суткӕйы дӕргъы медицинон хыгъдӕй систой 25 адӕймаджы, медикты хъусдарды бын сты 765 адӕймаджы.
Республикӕйы пандемийы рӕстӕджы коронавирусӕй фӕрынчын сты 2280, сӕнӕниз сты – 1515. Республикон бирӕпрофилон медицинон центры бӕрӕггӕнӕнтӕм гӕсгӕ, пандемийы амӕттӕгтӕ баисты 56 адӕймаджы.
Хуссар Ирыстоны фæрогдæр кодтой коронавирусы фæдыл тæбæтæ. Оперштаб радта бар культурон-массон мадзæлттæ уадзынæн. Хъæууон чысыл скъолаты куыст сног кодтой, уыимæ иумæ карантин ис 15 январьмæ ахуырадон уагдæтты.
