Сабидон Фӕрдыг

Хъазгӕйӕ кусын: куыд цайдагъ кӕнынц сабидон "Фӕрдыгы" сывӕллӕтты куыстыл

7
(ранӕуӕггонд 12:12 30.12.2020)
Объект арæзт æрцыд цыбыр æмгъуыдмæ Инвестицион программæйы фæлгæтты. Йæ фæзуат у 2 300 квадратон метры бæрц. Аразгæ та йæ скодта арæзтадон организаци "Бадо"

ЦХИНВАЛ, 30 дек – Sputnik, Дриаты Лейла. Фӕстаг ӕзты Хуссар Ирыстоны цы ног сабидӕттӕ ӕрцыд арӕзт, уыдонӕй иу у "Фæрдыг" - афтæ хуыйны №17-æм сабиты рæвдауæндон Цхинвалы Вокзалгӕрон уынгыл.

Йæ директор Зангаладзе Тамара ныл фембæлд райзæрдæйæ. Сабидоны хатæнты азилыны фæстæ Тамарæ лæмбынæг радзырдта сæ куысты тыххæй.

"Ныртæккæ махмæ ис 100 сабийы. Дих сты 5 къордыл: 2 кæстæр кары къорд, астæуккаг æмæ хистæр кары сывæллæттæ. Ис нæм музыкалон æмæ спортивон зал, компьтерон кълæстæ дæр. Сабиты уым цайдагъ кæнынц сæ кармæ гæсгæ хъæзтыты методикæйыл. Раздæр сабиты рæвдауæндæтты нæ уыд психолог æмæ логопеды штаттæ. Фæлæ фæстаг азты ахæм лæггæдтæ бирæ сабиты кæй фæхъæуы у, уый нысанæн ныр сабидæтты ис ахæм ахуыргæнджытæ дæр", - зæгъы директор.

Сабитæ кæм хъазынц æмæ фынæй кæнынц, уыцы хатæнты та лæууы уæлдæф умæлгæнæнтæ. Уый баиу кæнынц сæрды æнтæф бонтæ æмæ зымæджы хъæрмады системæ æгæр куы фендавы, уæд.

Сабидон Фӕрдыг
© Sputnik / Дриаты Лейла
Сабидон "Фӕрдыг"

Æвæрд дзы æрцыд генератор дæр, цæмæй рухс куы ахуысса, уæд дæр рæвдауæндон ифтонг уа электроэнергийæ. Ам цы фондз къорд ис, уыдонæй алкæй мидæг дæр ис телевизортæ æмæ аудио системæ. Алы къорды дæр сывæллæттæн ис бирæ хъазæнтæ, велотренажертæ, дидактикон æмæ цæстуынгæ æрмæджытæ.

Кæрт дæр у хæрзарæзт. Алы къордæн дæр - йæхи беседкæ. Иудзырдæй, ам сабитæ æнкъард нæ кæнынц, арæзт сын æрцыд комфортон уавæртæ. Банысан хъæуы уый æмæ зынгсирвæзты системæ дæр арæзт кæй æрцыд æмбæлонæй. Зынгсивæрзты рæстæджы скусдзæн сæрмагонд системæ æмæ фыдбылыз не ‘рцæудзæн. Уый нысанæн кæрты арæзт æрцыд гидракт æмæ зынгхуысджытæ куы æрбацæуой, уæд сæ бон уыдзæн дон сисын уырдыгæй.

Ахуыр-хъомыладон куыст

Рæвдауæндон директор куыд зæгъы, афтæмæй дзы хъомыладон куыст цæуы иумæйагахуырадон планмæ гæсгæ.

"Фылдæр тырнæм, цæмæй сабиты фæцайдагъ кæнæм куыстыл. Цæстуынгæ æрмæджытæ сабитæ саразынц сæхи къухтæй, уый фæстæ сæ ахуыргæнæгимæ иумæ бафснайынц, ныккæнды нæм сæрмагондæй уыдон æрывæрынæн цы стъолтæ ис, уыдоныл. Кæрты алы къордæн дæр ис йæхи зæххы гæппæл. Ам сывæллæтты цайдагъ кæнынц физикон куыстыл", - радзырдта Зангаладзе Тамара.

Рæвдауæндоны холлы ис тути. Сабитæ йæ схуыдтой Фæрдыг, сæ рæвдауæндон куыд хуыйны, афтæ. Зæгъынц, зæгъгæ, дам, уый ардæм æрбатахт йæхæдæг. Сабитыл сахуыр, бацин сыл кæны æмæ та уый фæстæ йæ бынаты сбады.

Сабиты рæвдауæндондонæй здæхтыстæм æхцондзинады æнкъарæнтимæ. Ног бæстыхай канд йæ арæзтадæй нæ рухс кодта, зæрдæ, фæлæ ма дзы мидæгæй цы ахаст ис кӕрӕдзимӕ, уымæй дæр.

7
Этнолагерь

Хуссар Иры фыццаг хатт ацæудзæн æхсæнадæмон сфæлдыстадон форум

6
(ранӕуӕггонд 13:47 22.01.2021)
Сфæлдыстадон æвзонг адæмæн Хуссар Иры фæсивæдон политикæ æмæ спорты комитет сараздзæн форум, уырдæм фæхондзысты æндæр бæстæтæй уазджыты дæр

ЦХИНВАЛ, 22 янв – Sputnik, Гæбæраты Элина. Хуссар Ирыстоны ацы аз ацæудзæн фыццаг æхсæнадæмон сфæлдыстадон форум æвзонг адæмæн, фехъусын кодта фæсивæдон политикæ æмæ спорты комитеты сæрдары хæдивæг Гатыгкоты Валентина Sputnik Хуссар Ирыстоны пресс-конференцийы рæстæджы.

Валентина Гатикоева
© Sputnik / Natalia Airiyan
Гатыгкоты Валентина

Мадзалы ма дзырд цыд Хуссар Иры волонтерты куыстыл, фæсивæды хайадистыл республикæйы æхсæнадон царды, Уæрæсе æмæ æндæр бæстæты фæсивæдимæ æмгуыстадыл.

"Форум уыдзæн æхсæнадæмон. Нæ чызджытæ æмæ лæппутæ базонгæ уыдзысты Цæгат Кавказы республикæты æмæ чизоны æндæр бæтæты курдиатджын сфæлдыстадон фæсивæдимæ. Бирæ ирæттæ цæрынц Ирыстоны æддейæ æмæ мах фæнд кæнæм уыдон æрхонын дæр", - радзырдта Гатыгкоты Валентинæ.

Уый баххах кодта, ацы мадзал кæй уыдзæн пайдаджын, уымæн æмæ бынæттон фæсивæдæн нæй бирæ фадаттæ сæ курдиат æвдисынæн.

Форумы уазджыты нымæц нырма дырысæй бæрæг нæу, уымæн æмæ уый комкоммæ баст у финанскæнынадимæ, балхынцъ кодта комитеты сæрдары хæдивæг.

6
Хӕххон курорт Цъон

Къуайсайы ЦКХ сыгъдӕг кӕны фӕндӕгтӕ митуарды фӕстӕ

5
(ранӕуӕггонд 12:57 22.01.2021)
Къуайсайы ЦКХ кусджытӕ сыгъдӕг кӕнынц фӕндӕгтӕ, афтӕ ма техникӕ арвыстой хӕххон курорт Цъонмӕ дӕр

ЦХИНВАЛ, 22 янв – Sputnik, Хъуылымбегты Азӕмӕт. Хуссар Ирыстоны Дзауы районы митуарды аххосӕй горӕт Къуайса ӕмӕ ӕввахс хъӕуты фӕндӕгтӕ бамбӕрзта мит.

Къуайсайы цӕрӕнуатон-коммуналон хӕдзарады (ЦКХ) хистӕр Хуыгаты Алан куыд фехъусын кодта Sputnik, афтӕмӕй Къуайсайы ӕруарыд 30 сантиметры бӕрц мит, хъӕуты та ӕруарыд 60 сантиметры бӕрц. Ныртӕккӕ ЦКХ кусджытӕ сыгъдӕг кӕнынц фӕндӕгтӕ митӕй.

"Мах ӕрбаздахтам ӕппӕт техникӕ мит ссыгъдӕг кӕнынмӕ. Кусджытӕ ныридӕгӕн ссыгъдӕг кодтой фӕндӕгтӕ Киров, Надарваз, Замтарет, Ӕхсарджын, Хӕрдысӕр, Гулиантӕ ӕмӕ Кӕсагджыны хъӕуы", - загъта Хуыгаты Алан.

Уый бафтыдта, зӕгъгӕ, фӕндӕгтӕ горӕт Къуайсайы ныридӕгӕн ссыгъдӕг кодтой. Афтӕ ма фӕндӕгтӕ ссыгъдӕг кӕндзысты Кърозы хъӕуы.

Йӕ ныхӕстӕм гӕсгӕ, Къуайсайы ЦКХ арвыста техникӕ хӕххон курорт Цъонмӕ дӕр, кӕцы бакӕндзысты 23 январы.

5
Кокойты Тарзан

Кокойты Тарзан: Дзуццаты Хадзы-Мураты фæзынд ирон поэзийы уыд уникалон

0
(ранӕуӕггонд 16:14 22.01.2021)
Хуссар Ирыстоны раздæры депутат Кокойты Тарзан радио Sputnik Хуссар Ирыстоны эфиры радзырдта Дзуццаты Хадзы-Мураты сфæлдыстады тыххæй
Кокойты Тарзан: Дзуццаты Хадзы-Мураты фæзынд ирон поэзийы уыд уникалон

Ацы аз январы зындгонд ирон поэт, æхсæнадон архайæг, публицист Дзуццаты Хадзы-Муратыл сыххæст уыдаид 86 азы. Кокойты Тарзан куыд загъта, уымæ гæсгæ Хаджийы сфæлдыстад ирон поэзийы æмæ культурæйы уыд уникалон фæзынд.

"Скъола каст куы фæци, уæд йæхи тыхтæй æмæ хъæппæрисæй радта фæлварæнтæ Мæскуыйы Горькийы номыл литературон институтмæ æмæ уый дæр каст фæци сырх дипломыл", - загъта Тарзан.

Кокойты Тарзаны ныхæстæм гæсгæ, Хадзы-Мурат йæ сфæлдыстадæй æнустæм фыст æрцыд ирон поэзийы хæзнадоны, фæлæ иууыл диссагдæр уыд йе 'мбæстагон позици.

"Хаджи хаудта 60-æм азы поэттæм, ахуыр кодта Евгений Евтушенкоимæ æмæ йæхимæ райста уыцы дуджы арф нысаниуджытæ", - банысан кодта Кокойты Тарзан.

Тарзан ма куыд загъта, уымæ гæсгæ Дзуццаты Хадзы-Мурат удыхъæдæй уыд æфсæрмдзæстыг æмæ хуымæтæг адæймаг, фæлæ дзы мидæгæй сыгъд арт.

Лæмбынæгдæр хъусут аудиоæрмæджы.

0
Темӕтӕ:
Радио иронау