Хуссар Иры скусдзӕн йӕхи туаггуыры станц
(ранӕуӕггонд 11:10 31.12.2020)
Ныридӕгӕн туаггуыр республикӕмӕ ласт цӕуы баллонты ӕмӕ цистернӕйы Цӕгат Кавказӕй. Ӕнӕмӕнгхъӕуӕг у медицинӕйы фадыджы, уӕлдай тынг йӕ цухдзинад Хуссар Ирыстоны рахатыдысты коронавирусы инфекцийы апарахаты рӕстӕджыЦХИНВАЛ, 31 дек - Sputnik. Хуссар Ирыстоны ног азы райдайӕны самал кӕндзысты туаггуыры станц. Республикон бирӕпрофилон медицинон центры ӕнӕмӕнгхъӕугӕ хай фӕзындзӕн январы кӕрон науӕд та февралы райдайӕны, уый тыххӕй президент фехъусын кодта йӕ пресс-конференцийы рӕстӕджы журналистты фарстытӕн дзуапп дӕтгӕйӕ.
"Нӕ хӕлӕрттӕ нын балӕвар кодтой туаггуыры станц. Январы кӕрон науӕд та февралы райдайӕны хъуамӕ ӕрхӕццӕ уа Хуссар Ирыстонмӕ. Уый уадздзӕн сӕрмагондӕй медицинон туаггуыр. Хуыцауы фӕрцы уӕдмӕ ма хъуамӕ фӕцух уӕм туаггуырӕй", - загъта президент йӕ раныхасы.
Уый ма банысан кодта, уӕдмӕ уал республикон бирӕпрофилон медицинон центрӕн самал кодтой егъау цистерна, кӕцы ифтонг кӕны туаггуырӕй медуагдон.
Ӕртыццӕджы изӕр ацыд Хуссар Ирыстоны президенты пресс-конференци. Дзырд цыд сӕвзӕргӕ вазыгджын политикон уавӕрыл, коронавирусы инфекци ӕмӕ йӕ фӕстиуджытыл, республикӕйы размынады ивындзинӕдтӕ ӕмӕ экономикон фарстытыл.
Хуссар Иры фæсивæдон организаци уары газет "Правда" -йы номыртæ æмæ "Георгийы лентæтæ"
(ранӕуӕггонд 14:36 06.05.2021)
"Газета Победы"-йы уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йыЦХИНВАЛ, 7 мая — Sputnik, Дриаты Лейла. Республикон фæсивæдон æхсæнадон организаци "Иууон Алани" æмæ Ирыстоны Россотрудничествойы минæварад уадзынц æрвылазон акци. Активисттæ уардзысты газет "Правда" номыртæ æмæ "Георгийы лентæтæ".
"Фæсивæдон организацийы активисттæ уарынц историон газет "Правда" 1945 азы 9 майæ æмæ мингай "Георгийы лентæтæ". Акци райдыдта республикæйы районтæй æмæ бакæронмæ ис Хуссар Ирыстоны столицайы", - радзырдтой "Иууон Алани"-йы фæсивæдон организацийы.
Акци нæ республикæйы уагъд цæуы 2017 азæй.
Банысан кæнын хъæуы уый, æмæ газет "Правда"-йы юбилейон номыры 1945 азы 9 майы рауагъды официалонæй мыхуыр æрцыдис Советон Цæдисы уæлахиз фашистон Германыл.
"Газета Победы"-йы уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы.
Акцийы аразджыты хъуыдымæ гæсгæ, йæ сæйраг нысан у рæзгæ фæлтæрæн сæ зæрдыл æрлæууын кæнын, цавæр аргъæй æлхæд æрцыд Уæлахиз.
Цхинвалы ацӕудзӕн хисӕрмагонд парадтӕ ветренатӕн
(ранӕуӕггонд 18:04 06.05.2021)
Стыр Фыдыбӕстон хӕсты дыууӕ ветеранӕ - Тедеты Николай ӕмӕ Къудухты Ефросиняӕн цыт кӕндзысты сӕ ӕдзӕртты разЦХИНВАЛ, 6 мая — Sputnik, Плиты Фатимӕ. Хуссар Ирыстоны столицӕйы Стыр Уӕлахизы 76 азы сӕххӕсты цытӕн дыууӕ ветеранӕн рацӕудзӕн хисӕрмагонд парадтӕ. Цытджын марштӕ ацӕудзысты Гаглойты Владимир ӕмӕ Димитровы уынгтыл, уый тыххӕй Sputnik фехъусын кодта культурӕйы министр Зассеты Жанна.
Хисӕрмагонд парадтӕ ацӕудзысты сӕйраг парады генералон репетициимӕ иу бон.
"Стыр Фыдыбӕстон хӕсты дыууӕ ветеранӕн, кӕцыты тын фӕнды фенын парад, фӕлӕ сӕ бон нӕу бацӕуын театралон фӕзуатмӕ, уыдонӕн ацӕудзӕн хисӕрмагонд парадтӕ. Тедеты Николай ӕмӕ Къудухты Ефросиняйӕн цыт кӕндзысты сӕ хӕдзӕртты раз",- загъта министр.
Хисӕрмагонд парадтӕ ацӕудзысты Цхинвалы дыууӕ уынгтыл.
"Парадтӕ ацӕудзысты 7 майы Гаглойты Владимир ӕмӕ Димитровы уынгтыл", - бафтыдта уый.
Хуссар Ирыстонӕй Стыр Фыдыбӕстон хӕстмӕ ацыд 21 000 адӕймаджы 11 711 дзы фӕмард хӕсты, авд минӕй фылдӕр нымад цӕуынц ӕбӕрӕгӕй сӕфтыл.
Харебаты Вадим: ныффыстон бирæ ног зарджытæ
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæйХаребаты Вадим: уырыссаг æвзагыл сценæйыл рагæй нал зарыдтæн
Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.
"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.
Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.
"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.
Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.
Темӕтӕ: