Акци Нӕй - ӕххормагӕн

Цхинвалы фӕсивӕд уадзынц акци "Нӕй - ӕххормагӕн"

64
(ранӕуӕггонд 09:15 12.01.2021)
Хӕрзгӕнджытӕм нырма уадиссан бирӕ адӕм нӕ цӕуы - акцийы тыххӕй бирӕтӕ нӕ зонынц, фӕлӕ сӕм, активистты ныхӕстӕм гӕсгӕ, арӕх фӕуазӕг вӕййынц ӕртӕ карджын лӕджы

ЦХИНВАЛ, 12 янв – Sputnik, Плиты Фатимӕ. Фӕсивӕдон организаци "Ныхас"-ы активисттӕ Карсанты Семён ӕмӕ Матвеев Александр уадзынц хӕрзаудӕн акци "Нет голоду", кӕцыйы фӕлгӕтты ӕнӕарӕгъ аходӕнтӕ кӕнынц ӕххуысхъуаг иунӕг адӕмӕн. 

Акци цӕуы ныр мӕйы дӕргъы Цхинвалы кафетӕй иуы фӕзуатыл.

"Уавӕр хуымӕтӕг нӕу, кӕмӕн куыст нӕй, чи та ис тыхст уавӕрты  ӕмӕ мах ахъуыды кодтам ӕнӕарӕгъ аходӕнтӕ аразын ӕмӕ сӕ тыхст адӕмӕн семӕ дӕттын. Нырма нӕм бирӕ адӕм нӕй, стӕй йӕ цӕрджытӕ дӕр уадиссаг нырма нӕ зонынц. Арӕх нӕм фӕуазӕг вӕййынц ӕртӕ карджын лӕджы", - загъта Sputnik Матвеев Александр.

Уый ма баныфсӕвӕрдта, сӕ акци фидӕны дӕр ӕхгӕнынмӕ кӕй нӕ хъавынц.

Уымӕй размӕ, Хуссар Ирыстоны коронавирусы аххосӕй карз тобӕтӕ куы архайдта, уӕд Цхинвалы кафетӕй ӕндӕр фехъусын кодта ӕнӕарӕгъ аходӕнты тыххӕй.  Столицӕйы кӕцыдӕр дуканиты архайдтой ӕнӕаргъ хӕлцады уӕлтӕрхджытӕ - "Лавки доброты", цы ран тыхст адӕмӕн сӕ бон уыд райсын продукттӕ. 

Афт ма цалдӕр азы размӕ Хуссар Ирыстоны Алайнаг епархи дӕр сцӕттӕ кодта аходӕнтӕ ӕрвыл сабат уӕззау уавӕрты цӕрӕг адӕмӕн.

64
Транскам

Транскам сӕхгӕдтой ӕвзӕр боныгъӕд ӕмӕ зӕйтӕ 'рцӕуыны тасы тыххӕй

2
(ранӕуӕггонд 09:38 18.01.2021)
Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ

ЦХИНВАЛ, 18 янв - Sputnik. Транскавказаг автомагистралыл фӕндагон змӕлд сӕхгӕдтой хуыцаубоны 21.00 сахатыл ӕвзӕр боныгъӕд ӕмӕ зӕйтӕ 'рцӕуыны тасы тыххӕй, хъусын кӕны Хуссар Ирыстоны Уӕлвӕткон уавӕрты министрады (УУМ) пресс-службӕ.

"Хуыцаубоны 21.00 сахатӕй сӕрмагонд барамынды онг Транскамыл уыдзӕн ӕхгӕд фӕндагон змӕлд", - дзырдӕуы пресс-службӕйы хъусинаджы.

Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ.

Транскавказаг автомагистраль — иунӕг фӕндаг, кӕйы иу кӕны Хуссар Ирыстоны Уӕрӕсеимӕ.

 

2
Хуссар Ир ӕмӕ Гуырдзыйы хсӕн арӕн

ПӔК радзырдтой, цал адӕймаджы фехӕлдтой Хуссар Иры арӕн декабры

9
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйы

ЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.

Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.

"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.

ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.

9