Транскам

Транскамыл дыккаг суткӕ уары хуылыдз мит

21
(ранӕуӕггонд 10:32 12.01.2021)
Ӕвзӕр боныгъӕдмӕ ӕнӕкӕсгӕйӕ федералон трассӕйыл фӕндагон змӕлд цӕуы ӕнӕкъуыхцыйӕ, хъусын кӕны уӕлвӕткон министрад

ЦХИНВАЛ, 12 янв — Sputnik, Плиты Фатимӕ. Хуссар Ирыстон ӕмӕ Уӕрӕсейы иугӕнӕг фӕндаг Транскамыл ныр дыккаг суткӕ уары хуылыдз мит, фӕлӕ фӕндаджы уӕлцъар у сау,  фехъусын кодта Sputnik РХИ уӕлвӕткон уавӕрты министрады пресс-секретарь Тедеты Роза.

Уымӕй размӕ уагдоны фехъусын кодтой, митуард фӕндагыл кӕй райдыдта къуырисӕры райсомӕй.

"Транскамы автомагистралыл мах фарс дӕр ӕмӕ Цӕгаттаг порталыл дӕр ӕнӕрлӕугӕ уары мит, фӕлӕ хуылыдз кӕй у, уымӕ гӕсгӕ фӕндагыл нӕ хӕцы. Хуссар Ирыстон ӕмӕ Уӕрӕсейы хсӕн трассӕ кусы штатон режимы", - загъта Тедеты Роза.

Хуыцаубоны изӕрӕй Хуссар Ирыстоны фӕивта боныгъӕд, уары къӕвда, хӕхты та мит.

Транскамы автомагистраль у иунӕг фӕдаг, кӕцы иу кӕнын Хуссар Ирыстоны Уӕрӕсеимӕ.

21
Ковид

Хуссар Иры санитарон уагдон фехъусын кодта ног бæрæггæнæнтæ COVID-19-ы фæдыл

1
(ранӕуӕггонд 12:41 26.01.2021)
Пандемийы райдианæй æдæппæт республикæйы коронавирусæй фæрынчын сты 2 746 адæймаджы, банысан кодтой "Югосетпотребнадзор"-ы

ЦХИНВАЛ, 26 янв – Sputnik, Хъуылымбегты Азæмæт. Хуссар Ирыстоны ивгъуыд суткæйы рабæрæг кодтой коронавирусæй æхсæз ног фæрынчынуæвæджы, фехъусын кодта Sputnik "Югосетпотребнадзор"-ы сæргълæууæджы хæдивæг Гаглойты Анна.

"Ивгъуыд суткæйы сарæзтæуыд 67 тесты COVID-19 рафæлгъауыны тыххæй, уыдонæй æхсæз равдыстой низы уæвынад. Афтæ ма суткæйы дæргъы хыгъдæй систæуыд фараст адæймаджы", - радзырдта Гаглойты Анна.

Уый ма бафтыдта, медицинон хъусдарды бын нырма кæй ис 773 адæймаджы. Пандемийы райдианæй æдæппæт республикæйы сарæзтой 15 075 тестры коронавирус рабæрæг кæныны тыххæй, уыдонæй 2 746 равдыстой æвæрццаг фæстиуæг.

Хуссар Ирыстоны январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

1
Хуссар Иры теннисисткӕтӕ райстой фондз призоны бынат ЦКФЗ ерысты

Фыццаг ахӕм ӕнтыст: цхинвайлаг теннисисткӕ райста балцӕг Уӕрӕсейы чемпионатмӕ

11
(ранӕуӕггонд 12:37 26.01.2021)
Елбачиты Ирина хисӕрмагонд ерысты куыд ӕвзист призер, афтӕ райста балцӕг ӕмӕ апрелы тох кӕндзӕн Мӕскуыйы. Ахӕм ӕнтыст республикӕйы историйы у фыццаг

ЦХИНВАЛ, 26 янв — Sputnik, Плиты Фатимӕ. Хуссарирыстойнаг теннисисткӕтӕ бацахстой фондз призон бынаты Цӕгат Кавказы Федералон зылды ерысты. Елбачиты Ирина, Кокойты Аманда ӕмӕ Джиголаты Аланӕ ӕрхастой цыппар ӕвзист ӕмӕ иу бронзӕйон майданы, фехъусын кодта Sputnik уӕлыстол теннисы Федерацийы хистӕр, уӕлдӕр спортивон дӕсныйы скъолайы тренер Джиоты  Мириан.

"Цӕгат Ирыстоны командӕйы сконды архайдтой нӕ чызджытӕ ӕртӕйӕ - Елбачиты Ирина, Кокойты Аманда ӕмӕ Джиголаты Алана ӕмӕ райстой дыккаг бынат, уыдон фӕхӕрд сты ӕрмӕст фысым командӕйӕн. Фыццаг хатт систӕм дыккаг призертӕ",-  бафтыдта уый.

Йӕ ныхӕстӕм гӕсгӕ, фыццаг хатт нӕ республикӕйы историйы Хуссар Ирыстоны минӕвӕр Елбачиты Ирина райста балцӕг Уӕрӕсейы чемпионатмӕ индивидуалон ерысты архайгӕйӕ.

"Елбачиты Ирина хисӕрмагонд ерысты куыд ӕвзист призер, афтӕ райста балцӕг ӕмӕ апрелы тох кӕндзӕн Мӕскуыйы. Ахӕм ӕнтыст нӕ республикӕйы историйы у фыццаг. Уымӕй дарддӕр ЦКФЗ ерыстӕ Елбачиты чызгӕн уыдысты ӕнтыстджын - уый къайон ерысты та Цӕгат Ирыстоны минӕвар Лапина Светланаимӕ бацахста ӕртыккаг бынат", - загъта тренер.

Цӕгат Кавказы Федералон зылды ерыстӕ теннисӕй цыдысты Кӕсӕг-Балхъары Республикӕйы.

11