Коронавирус

Хуссар Иры ногазон улӕфт бонты сбӕрӕг кодтой коронавирусӕй 105 ног рынчыны

5
(ранӕуӕггонд 15:56 12.01.2021)
Абоны бон амбулаторон ӕмӕ стационарон хоскӕнынад цӕуынц 805 фӕрынчынуӕвӕджы

ЦХИНВАЛ, 12 янв - Sputnik, Хъуылымбегты Зӕлинӕ. Хуссар Ирыстоны ногазон улӕфт бонты дӕргъы сбӕрӕг кодтой COVID-19-ӕй 105 ног рынчыны, фехъусын кодта Sputnik Югосетпотребнадзоры сӕргълӕууӕг Коцты Марина.

"Улӕфт бонты дӕргъы сарӕзтӕуыд 340 басгӕрсты, уыдонӕй 105 радтой ӕвӕрццаг фӕстиуӕг. Хуссар Ирыстоны ӕдӕппӕт сарӕзтой 13763 тесты, коронавирус сбӕрӕг кодтой 2424 адӕймагӕн", - загъта уый.

Пандемийы рӕстӕджы коронавирусӕй сӕнӕниз сты 1619 адӕймаджы, бафтыдта Коцты Марина.

Абоны бон амбулаторон ӕмӕ стационарон хоскӕнынад цӕуынц 805 фӕрынчынуӕвӕджы.

5
Транскам

Транскам сӕхгӕдтой ӕвзӕр боныгъӕд ӕмӕ зӕйтӕ 'рцӕуыны тасы тыххӕй

0
(ранӕуӕггонд 09:38 18.01.2021)
Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ

ЦХИНВАЛ, 18 янв - Sputnik. Транскавказаг автомагистралыл фӕндагон змӕлд сӕхгӕдтой хуыцаубоны 21.00 сахатыл ӕвзӕр боныгъӕд ӕмӕ зӕйтӕ 'рцӕуыны тасы тыххӕй, хъусын кӕны Хуссар Ирыстоны Уӕлвӕткон уавӕрты министрады (УУМ) пресс-службӕ.

"Хуыцаубоны 21.00 сахатӕй сӕрмагонд барамынды онг Транскамыл уыдзӕн ӕхгӕд фӕндагон змӕлд", - дзырдӕуы пресс-службӕйы хъусинаджы.

Хуыцаубоны райсомӕй автомагистралы цӕгаттаг порталыл ӕрцыд чысыл зӕй, фӕлӕ фӕндагон службӕтӕ ӕвӕстиатӕй асыгъдӕг кодтой трассӕ.

Транскавказаг автомагистраль — иунӕг фӕндаг, кӕйы иу кӕны Хуссар Ирыстоны Уӕрӕсеимӕ.

 

0
Хуссар Ир ӕмӕ Гуырдзыйы хсӕн арӕн

ПӔК радзырдтой, цал адӕймаджы фехӕлдтой Хуссар Иры арӕн декабры

9
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйы

ЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.

Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.

"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.

ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.

9