Электрохынцӕг

Хуссар Иры газ æмæ рухсы хъалонтӕн нырма бафидæн ис зæронд тарифтæм гæсгæ

40
(ранӕуӕггонд 11:42 13.01.2021)
Февралӕй фӕстӕмӕ фиддонтӕ фыст цӕуыдзысты ног тарифтӕм гӕсгӕ, хъӕуы ӕмӕ горӕты цӕрджытӕн, стӕй ма юридикон цӕсгӕмттӕн ивындзинӕдтӕ хицӕн кӕнынц кӕрӕдзийӕ

ЦХИНВАЛ, 13 янв – Sputnik, Плиты Фатимӕ. Хуссар Ирыстоны электроэнерги ӕмӕ ӕрдзон газы фиддонтӕ Паддзахадон унитарон куыстуат "Энергоресурс"-ӕн радтӕн ис нырма 2020 азы тарифтӕм гӕсгӕ, уый тыххӕй Sputnik фехъусын кодта уагдоны коммерцион хайады хистӕр Козаты Родион.

Ивгъуыд азы кӕрон Цхинвалы Ӕфснайӕн банчы фиддонты хайады сӕвзӕрд ӕнӕкӕрон радтӕ, цӕрджытӕ архайдтой азы кӕронмӕ рус ӕмӕ газы хӕстимӕ сраст уӕвын, цалынмӕ сӕ тыхы нӕ бацыдысты ног тарифтӕ.

"Ивгъуыд азӕй ма "Энергоресурс"-ы раз хӕс кӕмӕн баззад, уыдонӕн сӕ бон у ӕмӕ сӕ хъалонтӕ бафидой 1 февральмӕ. Уымӕй фӕстӕ сӕ тыхы бацӕудзысты ног тарифтӕ", - загъта Козаты Родион.

Уый ма бафтыдта, тарифтӕ хицӕн фӕлхасгӕнджытӕн кӕй фӕфылдӕр сты хицӕн бӕрӕггӕнтӕм гӕсгӕ.

"Электроэнергийы аргъ ӕрдзон газӕйы ифтонг цӕрджытӕн схызт 3,0 соммæ (ивгъуыд аз уыд 2,64 сомы). Электроэнергийы аргъ ӕрдзон газ цы регионты нӕй, уыдонӕн аивтой 2,0 сомæй 2, 37 соммæ, электроэнергийы аргъ ӕндӕр фӕлхасгӕнджытӕн ссис 4,33 сомы. Ӕрдзон газы ӕргъ цӕрджытӕн сыхзт 4,51 соммæ, аннӕ фӕлхасгӕнджытӕн та ссис 6,9 сомы", - ранымадта уагдоны минӕвар.

Ӕрӕджы республикӕйы хицауады фехъусын кодтой, газ ӕмӕ рухсы ӕргътыл схӕцын кӕй у ӕнӕмӕнгхъӕуӕг, уымӕн ӕмӕ уӕрӕсейы базарады дӕр фӕфылдӕр сты электроэнергийы хӕрдзтӕ.

40
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2
ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

3
(ранӕуӕггонд 14:22 13.04.2021)
Цӕгат Кавказы федералон университеты делегаци ӕрцыд Хуссар Ирыстонмӕ ӕртӕбонон балцы. Столицӕйы уӕрӕсейаг ахуыргӕнӕндоны минӕвӕртты райста президент Бибылты Анатолий, иннӕ бон та бафыстой бадзырд ХИПУ-имӕ ӕмӕ ацыд зонадон-практикон конференци

ЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.

Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".

ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.

Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.

Представители ЮОГУ и СКФУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ

ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.

Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".

Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.

Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.

Экскурсия по ЮОГУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ
3