Гуфта-Къуайсайы фæндаг

Гуыззыдтаты Эдуард: Къуаисайы фӕндаджы арӕзтадыл фылдӕр куыстой бынӕттон цӕрджытӕ

27
(ранӕуӕггонд 13:18 13.01.2021)
Гуфта-Къуайсайы фæндагæн йе стырдæр хай хæхты фæрсты цæуы, уымæ гæсгæ дзы бирæ ис проблемон бынæттæ. Цъыфзæйтæ иу арæх фехæлдтой фæндаджы уæлцъар æмæ уый хъыгдардта автотранспортон змæлд

ЦХИНВАЛ, 13 янв – Sputnik, Дриаты Лейла. Хуссар Ирыстоны Гуфта-Къуайсайы автомобилон фæндаджы арæзтад бахӕццӕ кӕронмӕ. Арæзт фесты æппæт инженерон коммуникацитæ кæрæйкæронмæ. Баззад ма æрмæстдæр, 2020 азы цы хай сарæзтой, уым трассӕйы былтыл фæндагон нысæнттæ сæвæрыны куыстытæ, кæцыты аразынмæ бавналдзысты æввахс рæстæджы.

Фæндагон арæзтад æмæ автомобилон фæндæгты эксплуатацийы фæдыл комитет "Дорэкспострой" фæндаджы арæзтады процессмæ равдыста иттæг серьезон ахаст. Æппæт куыстытæ дæр æххæст æрцыдысты афоныл æмæ гъæдджынæй. Йӕ сӕргълӕууӕг Гуыззыдтаты Эдуарды ныхӕстӕм гӕсгӕ, Гуфтайæ Уæллаг Хъемултайы онг сарæзтой фондз хиды. Уыцы хидтæ арæзт æрцыдысты Цæгат Ирыстон-Аланийы хидарæзтады проектон институты проектмæ гæсгæ. Цæмæй хидтæн сæ эксплуатацийы рæстæг дæргъвæтин уа, уый тыххæй пайда кодтой бæрзондгъæдджын æрмæджытæй. Æртыккаг этапы хидты арæзтадмæ ноджыдæр бафтыд иу.

"2017 азы фæндагæн цы проект арæзт æрцыд, уым Джоджорайы доны сæрты хиды арæзтад нысан не 'рцыд. Уымæн æмæ уым цы зæронд хид ис уый хъуамæ цалцæг æрцыдаид капиталонæй. Фæлæ арæзтады рæстæджы сбæрæг, зæронд хиды цалцæджы бæсты хуыздæр кæй уыдзæнис ног саразын", - загъта Гуыззыдтаты Эдуард.

Æмæ ныр Джоджорайы доны сæрты дæр сырæзт ног хид.

Гуфта-Къуайсайы фæндагæн йе стырдæр хай хæхты фæрсты цæуы, уымæ гæсгæ дзы бирæ ис проблемон бынæттæ. Цъыфзæйтæ иу арæх фехæлдтой фæндаджы уæлцъар æмæ уый хъыгдардта автотранспортон змæлд. Ам раздæр цы лæсæнуромæн бетон къултæ арæзт æрцыд, уыдон фидар нæ разындысты. Проектон институты техникон хайады амындмæ гæсгæ, проблемон бынæтты æвæрд æрцыд æртæ метры йæ диаметр кæмæн у, ахæм æфсæн хæтæлтæ, цæмæй цъыфы зæй сыгъдæг цæуа. Лæсæн бынæтты та бакодтой æфсæн хызтæ.

Фæндаджы арæзтадыл райдианæй кæронмæ куыстой бынæттон цæрджытæ.

"Къуыдаргомы цӕрджытӕ хуыздæр зонгæ уыдысты фæндаджы проблемон бынæттимæ, уымæ гæсгæ уыдоныл бафтыдтам не ууæнк. Арæзтадон бригадæйы кусджытæ архайдтой зæрдиагæй, уымæн æмæ зыдтой, исты раст куыннæ саразой, уæд фыццаджыдæр, сæхицæн зиан æрхæсдзысты. Стæй ма куыстуатæн дæр уый æрхаста бирæ экономи. Фыццаджыдæр æрхонгæ кусджытæ æвзæрдæр фæкусынц бынæттон цæрджытæй. Стæй сæ ифтонг кæнын фæхъæуы цæрæнуатæй, бынатмæ æмæ сæ фæстæмæ фæхъæуы ласын. Бынæттон кусджытимæ уыйбæрц проблемæтæ нæ вæййы", - бафиппайдта Гуыззыдтаты Эдуард.

Фæндаг арæзт æрцыд республикæйы социалон-экономикон райрæзтæн ахъазгæнæг Инвестпрограммæйы фæлгæтты. Йæ арæзтадæн рахицӕн кодтой 546 милуан сомы. Объектыл куыст цыд 2017 азæй. Фыццаг этапы фæндаг аразын райдыдтой Гуфтайæ Хъемултамæ. Дыккаг этап та райдыдта Къуайсайæ. 2020 азы февралы мæйæ райдыдта фæндаджы арæзтады æртыккæгæм, кæронбæттæн этап.

27
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2
ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

3
(ранӕуӕггонд 14:22 13.04.2021)
Цӕгат Кавказы федералон университеты делегаци ӕрцыд Хуссар Ирыстонмӕ ӕртӕбонон балцы. Столицӕйы уӕрӕсейаг ахуыргӕнӕндоны минӕвӕртты райста президент Бибылты Анатолий, иннӕ бон та бафыстой бадзырд ХИПУ-имӕ ӕмӕ ацыд зонадон-практикон конференци

ЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.

Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".

ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.

Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.

Представители ЮОГУ и СКФУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ

ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.

Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".

Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.

Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.

Экскурсия по ЮОГУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ
3