Бибылты Анатолий

Бибылты Анатолий загъта йӕ хъуыды политикты куырдиаты тыххӕй Хуссар Иры уавӕры фӕдыл

12
(ранӕуӕггонд 13:59 13.01.2021)
Дыццӕджы цалдӕр политикон архайӕджы, сӕ нымӕцы дыууӕ экс-президенты, бадзырдтой ӕххӕстгӕнӕг ӕмӕ закондӕттӕг хицауады сӕргълӕуджытӕм, афтӕ ма партиты лидертӕм, цӕмӕй иумӕ ӕрнывыл кӕной республикӕйы уӕззау уавӕр

ЦХИНВАЛ, 13 янв – Sputnik, Козаты Диана. Президент Бибылты Анатолий ӕввахс рӕстӕджы нывӕнды фембӕлын хуссарирыстойнаг политиктимӕ, кӕцытӕ дыццӕджы сарӕзтой куырдиат Хуссар Ирыстоны уавӕры фӕдыл.

Знон дыууӕ экс-президенты, парламенты фыццаг ӕрсидты депутаттӕ ӕмӕ Централон ӕвзарӕн къамисы (ЦӔК) фыццаг сӕргълӕууӕг сарӕзтой куырдиат, кӕцыйы банхъардтой хайад райсын хицауад ӕмӕ оппозицийы диалогы.

Паддзахады сӕргълӕууӕджы ныхӕстӕм гӕсгӕ, уый райста ацы куырдиат ӕмӕ хорз саргъ кодта политикты ахастӕн ацы фарстмӕ.

"Фӕнды мӕ бузныг сын зӕгъын. Ӕз алыхатт дӕр дзырдтон, кӕй дӕн цӕттӕ диалогмӕ. Дзырд цӕуы адӕмыл, кӕцыты ӕцӕг фӕнды, цӕмӕй Хуссар Ирыстоны территорийыл уа сабырдзинад, ӕмӕ кӕцытӕ ахъаз уыдзысты, цӕмӕй ахӕм демарштӕ мауал уой ӕххӕстгӕнӕг ӕмӕ закондӕттӕг хицауады рдыгӕй", - загъта Бибылты Анатолий журналисттӕн.

Президент банысан кодта, ныридӕгӕн кӕй аныхас кодта телефонӕй куырдиаты автортимӕ, дзырд цыд ӕввахс рӕстӕджы фембӕлыныл.

"Фембӕлд хъуамӕ ацӕуа ацы къуырийы дӕргъы. Мах ӕрныхас кӕндзыстӕм фадӕттыл, кӕцытӕ нӕм ис, цӕмӕй сӕйраджыдӕр парламент йӕ куыст райдайа", - загъта Бибылты Анатолий.

Куырдиат барвыстой президент Бибылты Анатолимӕ, парти "Иугонд Ирыстон"-ы сӕрдар Тадтаты Аланмӕ, Адӕмон партийы сӕрдар Плиты Александрмӕ, "Ныхас" партийы сӕрдар Гаглойты Аланмӕ, "Адӕмы Иудзинад" партийы сӕрдар Чилӕхсаты Владимирмӕ, коммунистон партийы фыццаг секретарь Уырыгаты Иналмӕ, афтӕ ма депутатон къорд "За справедливость"-мӕ.

12
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2
ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд

3
(ранӕуӕггонд 14:22 13.04.2021)
Цӕгат Кавказы федералон университеты делегаци ӕрцыд Хуссар Ирыстонмӕ ӕртӕбонон балцы. Столицӕйы уӕрӕсейаг ахуыргӕнӕндоны минӕвӕртты райста президент Бибылты Анатолий, иннӕ бон та бафыстой бадзырд ХИПУ-имӕ ӕмӕ ацыд зонадон-практикон конференци

ЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.

Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".

ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.

Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.

Представители ЮОГУ и СКФУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ

ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.

Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".

Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.

Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.

Экскурсия по ЮОГУ
© Sputnik / Дзерасса Техова
ХИПУ ӕмӕ ЦКФУ минӕвӕрттӕ
3