Митинг театралон фӕзуатыл

Дзабиты Иналы хъуыддаджы экспертизӕ нырма нӕ сарӕзтой. Йӕ идӕдз слӕууыд ног змӕлды сӕргъ

10
(ранӕуӕггонд 15:01 14.01.2021)
Дыууӕ ивгъуыд экспертизӕйы нӕ радтой дырыс дзуапп ӕвзонг лӕппуйы мӕлӕты аххосӕгты фӕдыл, уый фӕдыл фӕдагуырд аскъуыддзаг кодта ауадзын ӕртыккаг. Столицӕйы центры та дарддӕр цӕуы Дзабиты Иналы хиуӕтты акци. Йӕ идӕдз банысан кодта, кӕй слӕууыд ӕхсӕнадон змӕлды сӕргъ

ЦХИНВАЛ, 14 янв – Sputnik, Козаты Диана. Дзабиты Иналы хъуыддаджы фӕдыл ног экспертизӕйы ауадзыны тыххӕй дырыс информаци нырма нӕй, фехъусын кодта Sputnik Хуссар Ирыстоны генпрокуратурӕйы фӕдагурӕг Бестауты Алан.

Уый размӕ ацы уголовон хъуыддаджы фӕдыл сарӕзтой дыууӕ судмедэкспертизӕйы. Фыццаг сарӕзтой УФ Хъахъхъӕнынады министрады специалисттӕ, дыккаг та – бынӕттон судмедэксперт Зӕгъойты Зӕринӕ. Афтӕмӕй документты фехъусын кодтой ӕвзонг лӕппуйы мӕлӕты дыууӕ хицӕн аххосаджы. Уый фӕдыл генпрокуратурӕ фарон азы кӕрӕтты фехъусын клодта, кӕй ауадздзысты ӕртыккаг экспертизӕ.

"Махмӕ нырма нӕй дырыс информаци Дзабиты Иналы хъуыддаджы фӕдыл ӕртыккаг экспертизӕ ауадзыны бынаты тыххӕй", - загъта Бестауты Алан.

Уый бафтыдта, зӕгъгӕ, ацы фарсты фӕдыл сӕм зианбаййафӕг фарсӕй не рбацыд куырдиӕттӕ.

Ног ӕхсӕнадон змӕлд

Ӕмрӕстӕджы Цхинвалы фӕзуатыл дыууӕ мӕймӕ ӕввахс цӕуы протесты акци, кӕцы сорганизаци кодтой Дзабиты Иналы хиуӕттӕ. Ӕрвылбон фӕзуатмӕ ӕрбацӕуынц республикӕйы дӕсгай ӕмбӕстаджы.

Знон ДИФ-ты фехъусын кодтой, Дзабиты Иналы идӕдз Соттиты Оксана кӕй слӕууыд ӕхсӕнадон змӕлд "Закон. Справедливость. Инал Джабиев"-ы сӕргъ.

Соттиты Оксана куыд фехъусын кодта Sputnik, афтӕмӕй уыдон дарддӕр домдзысты, цӕмӕй лӕппуйы мӕлӕт раст сгӕрст ӕрцӕуа, афтӕ ма нывӕндынц хъахъхъӕнын Хуссар Ирыстоны цӕрджыты бартӕ.

"Нӕ бинонты фарсмӕ фӕзуатыл балӕууыдысты бирӕ адӕм. Ӕмӕ мах асъкуыддзаг кодтам ӕрбаиу кӕнын ӕхсӕнадон змӕлдмӕ, цӕмӕй хъахъхъӕнӕм нӕ адӕмы бартӕ", - загъта Соттиты Оксана.

Августы кӕрон криминалон милицийы бафарстыты фӕстӕ амард Цхинвалы цӕрӕг Дзабиты Инал. Уӕд столицӕйы ацыд митингтӕ, цы ран адӕм домдтой бафхӕрын азымджынты. Кризисы аххосӕй отставкӕйы ацыд хицауад, депутаты иу хай сӕ хӕстӕ ӕххӕст кӕныны куыст ӕрурӕдтой, цалынмӕ генералон прокурор Дзӕгъиаты Уырызмӕджы йӕ бынатӕй ссӕрибар кӕной, уӕдмӕ. Лӕппуйы мӕлӕты рӕстаг сгӕрсты домӕнтӕм ӕнӕкӕрон акци уадзынц лӕппуйы ныййарӕг ӕмӕ йе 'мкъай, уыдон фарсмӕ цы адӕм балӕууыдысты, уыдон ӕппынӕдзух сты театралон фӕзуаты.

10
Хуссар Иры фæсивæдон организаци уарынц газет Правда -йы номыртæ æмæ Георгийы лентæтæ

Хуссар Иры фæсивæдон организаци уары газет "Правда" -йы номыртæ æмæ "Георгийы лентæтæ"

5
(ранӕуӕггонд 14:36 06.05.2021)
"Газета Победы"-йы уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы

ЦХИНВАЛ, 7 мая — Sputnik, Дриаты Лейла. Республикон фæсивæдон æхсæнадон организаци "Иууон Алани" æмæ Ирыстоны Россотрудничествойы минæварад уадзынц æрвылазон акци. Активисттæ уардзысты газет "Правда" номыртæ æмæ "Георгийы лентæтæ".

"Фæсивæдон организацийы активисттæ уарынц историон газет "Правда" 1945 азы 9 майæ æмæ мингай "Георгийы лентæтæ". Акци райдыдта республикæйы районтæй æмæ бакæронмæ ис Хуссар Ирыстоны столицайы", - радзырдтой "Иууон Алани"-йы фæсивæдон организацийы.

Акци нæ республикæйы уагъд цæуы 2017 азæй.

Банысан кæнын хъæуы уый, æмæ газет "Правда"-йы юбилейон номыры 1945 азы 9 майы рауагъды официалонæй мыхуыр æрцыдис Советон Цæдисы уæлахиз фашистон Германыл.

"Газета Победы"-йы  уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы.

Акцийы аразджыты хъуыдымæ гæсгæ, йæ сæйраг нысан у рæзгæ фæлтæрæн сæ зæрдыл æрлæууын кæнын, цавæр аргъæй æлхæд æрцыд Уæлахиз.

5
Цхинвалы ацӕудзӕн ветренатӕн хисӕрмагонд парадтӕ

Цхинвалы ацӕудзӕн хисӕрмагонд парадтӕ ветренатӕн

10
(ранӕуӕггонд 18:04 06.05.2021)
Стыр Фыдыбӕстон хӕсты дыууӕ ветеранӕ - Тедеты Николай ӕмӕ Къудухты Ефросиняӕн цыт кӕндзысты сӕ ӕдзӕртты раз

ЦХИНВАЛ, 6 мая — Sputnik, Плиты Фатимӕ. Хуссар Ирыстоны столицӕйы Стыр Уӕлахизы 76 азы сӕххӕсты цытӕн дыууӕ ветеранӕн рацӕудзӕн хисӕрмагонд парадтӕ. Цытджын марштӕ ацӕудзысты Гаглойты Владимир ӕмӕ Димитровы уынгтыл, уый тыххӕй Sputnik фехъусын кодта культурӕйы министр Зассеты Жанна.

Хисӕрмагонд парадтӕ ацӕудзысты сӕйраг парады генералон репетициимӕ иу бон.

"Стыр Фыдыбӕстон хӕсты дыууӕ ветеранӕн, кӕцыты тын фӕнды фенын парад, фӕлӕ сӕ бон нӕу бацӕуын театралон фӕзуатмӕ, уыдонӕн ацӕудзӕн хисӕрмагонд парадтӕ. Тедеты Николай ӕмӕ Къудухты Ефросиняйӕн цыт кӕндзысты сӕ хӕдзӕртты раз",- загъта министр.

Хисӕрмагонд парадтӕ ацӕудзысты Цхинвалы дыууӕ уынгтыл.

"Парадтӕ ацӕудзысты 7 майы Гаглойты Владимир ӕмӕ Димитровы уынгтыл", - бафтыдта уый.

Хуссар Ирыстонӕй Стыр Фыдыбӕстон хӕстмӕ ацыд 21 000 адӕймаджы 11 711 дзы фӕмард хӕсты, авд минӕй фылдӕр нымад цӕуынц ӕбӕрӕгӕй сӕфтыл.

10
Харебаты Вадим

Харебаты Вадим: ныффыстон бирæ ног зарджытæ

2
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæй
Харебаты Вадим: уырыссаг æвзагыл сценæйыл рагæй нал зарыдтæн

Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.

"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.

Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.

"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.

Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.

2
Темӕтӕ:
Радио иронау