Цхинвал

Ӕнӕ карантинӕй: куыд у сӕ ахаст цхинвайлӕгтӕн коронавирусы ныхмӕ тобӕтӕ сисынмӕ

6
(ранӕуӕггонд 15:06 14.01.2021)
Къуырийы райдайӕны коронавирусы апарахат ма руадзыны фӕдыл оперативон штабы рабадтыл аскъуыддзаг кодтой, цӕмӕй аивой тобӕты иу хай, сӕрмагондӕй та 15 январӕй скусдзысты ахуырадон уагдӕттӕ дӕргъвӕтин фӕстиаты фӕстӕ

ЦХИНВАЛ, 14 янв - Sputnik, Плиты Фатимӕ. Майрӕмбонӕй Хуссар Ирыстоны систой тобӕтӕ фылдӕр бӕрцӕй, кӕцытӕ раздӕр бакодтой коронавирусы апарахаты тасӕй. Карантин аивынмӕ сӕ хъуыдытӕ дзурынц Sputnik медиктӕ, ныййарджытӕ ӕмӕ ахуырдзаутӕ.

Къуырийы райдайӕны коронавирусы апарахат ма руадзыны фӕдыл оперативон штабы рабадтыл аскъуыддзаг кодтой, цӕмӕй аивой тобӕты иу хай, сӕрмагондӕй та 15 январӕй скусдзысты ахуырадон уагдӕттӕ дӕргъвӕтин фӕстиаты фӕстӕ.

Фӕстаг рӕстӕг Хуссар Ирыстоны медуагдӕтты фӕкъаддӕр сты коронавирусӕй рынчынтӕ.

Дохтыр эидемиолог-аллерголог Мӕргъиты Марина нымайы, рынчынты фӕкъаддӕр комкоммӕ баст у тобӕтимӕ.

"Тобӕты фӕрцы уавӕр ӕрнывыл ис. Фӕлӕ сӕ аивд бынтон хорз нӕу. Февралы та ногӕй рынчынты нымӕцы бӕрӕггӕнтӕ фӕивдзысты, бамбал ма сӕм уыдзысты гриппӕй рынчынтӕ", - загъта медик.

Йӕ ныхӕстӕм гӕсгӕ нырма республикӕйы ис чи нӕ фӕрынчын ис, ахӕмтӕ бирӕ.

"Адӕм нӕ хъӕуы бынтон сӕхи ӕрсабыр кӕнын. Ис нырма чи нӕ фӕрынчын ис, ахӕмтӕ, стӕй кӕцыдӕртӕн тӕссаг у ногӕй дӕр фӕрынчын уӕвын, уый тыххӕй дарддӕр дӕр хъӕуы хи хизын", - амоны дохтыр.

Стӕй ма Мӕргъиты Марина радзырдта, коронавирусӕй чи сдзӕбӕх ис, уыдонӕн тӕссаг у хуымӕтӕг грипп дӕр.

Дохтырты уӕлдай, карантины аивдыл цин кӕнынц ныййарджытӕ.

"Тыхджын хорз, кӕй скуыстой скъолатӕ. Мӕ фырт фӕстаг рӕстӕг тынг мӕгуырау ахуыр кодта, дистанцион форматы лӕмӕгъ ахуыр цыд. Стӕй уӕддӕр сывӕллӕттӕ ӕппынӕдзух сты уынджы ӕмӕ ма тобӕйы нысан цы у",- загъта ахуырдзауы ныййарӕг Олеся.

Скъоладзутӕ сӕхӕдӕг дӕр тырнынц ахуырмӕ.

"Дистанцион форматы ахуыр кӕнын зын у. Мысынц скъола ӕмӕ ахуыргӕнджыты, рагӕй нал федтон ме 'мгӕртты. Ӕнӕрхъӕцӕй ӕнхъӕлмӕ кӕсын ахуыры райдайӕнмӕ" ,- загъта гимнази "Альбион"-ы ахуырдзау Ян Яралов.

6
Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

2
(ранӕуӕггонд 16:50 26.01.2021)
Плиты Ароны уынгыл уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц фӕндаггӕрон, уымӕ гӕсгӕ дзы рӕстмӕ азмӕлӕн нал вӕййы, уый хынцгӕйӕ автоинспекци фӕнд кӕны сӕвӕрын фӕдзӕхсты нысӕнттӕ

ЦХИНВАЛ, 26 янв — Sputnik, Плиты Фатимӕ. Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ. Автобусы шофрты бахъӕуы фӕндагон змӕлды тӕмӕны фӕстӕмӕ цыдӕй бацӕуын лӕууӕндонмӕ.

Цхинвалы ӕфсӕддон городокмӕ фӕндаг Плиты Ароны уынгыл фарон цалцӕг куы цыд уӕддӕр ссис хъаугъайаг, уӕд цӕрджытӕ домтой цӕмӕй йӕ фӕуӕрӕхдӕр кӕной. Фӕндаг арӕзт ӕрцыд домӕнтӕм гӕсгӕ, уӕддӕр разынд проблемон. Ам уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц, уымӕ гӕсгӕ дзы рӕстмӕ азмӕлӕн нал вӕййы.

"Фӕндаг арӕзт куы фӕцис, уӕд фӕндаггӕрон сӕвӕрдтой бордюртӕ. Раздӕр ӕфсӕддонтӕ кӕд сӕ хӕдулгӕтӕ урӕдтой Афганистаны хӕстонты цырты цур, уӕд дзы ныр бахизӕн нал ис. Уымӕ гӕсгӕ фӕндаггӕрон байдзаг вӕййы хӕдтулгӕтӕй ӕмӕ рейсон автобустӕн нал вӕййы бацӕуӕн",- загъта районы цӕрӕг Эльбрус.

Ӕрӕджы рейсон автобус уынгӕг фӕндагыл раскъуыдта йӕ кӕсӕн, хӕдтулгӕйы бардарӕг домы дӕс мин.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ

Фарст алыг кӕныны нысанӕн паддзахадон автоинспекци сӕвӕрдта пост.

"Уавӕр хынцгӕйӕ мах сӕвӕрдам уӕлӕмхас пост ацы ран. Нӕ инспектортӕ сӕ хъус дарынц уавӕрмӕ райсом 7:30-ӕй 9 сахатмӕ Фӕстӕдӕр ам сывӕрдзыстӕм фӕндагон нысӕнттӕ, кӕцытӕ фӕдзӕхсдзысты, цӕмӕй ам хӕдулгӕтӕ ма уромой. Фӕткхалджытӕ ивар цӕуыдзысты", - загъта Sputnik паддзахадон автоинспекцийы агитаци ӕмӕ пропагандӕйы хистӕр инспектор Уалыты Альма.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ
2
Цхинвал

Цхинвалы ӕрцыд ФТЦ фондз хӕдтулгӕйы хайадистӕй

2
(ранӕуӕггонд 13:57 26.01.2021)
Фондз хӕдтулгӕйы ссисты фӕндагон-транспортон цауы хайадисджытӕ Хуссар Ирыстоны столицӕйы дыццӕджы

ЦХИНВАЛ, 25 янв – Sputnik, Хъуылымбегты Азӕмӕт. Цхинвалы 8-ӕм июны уынгыл дыццӕджы ӕрцыд фӕндагон-транспортон цау (ФТЦ) фондз хӕдтулгӕйы хайадистӕй.

Цӕстӕйфенджыты ныхӕстӕм гӕсгӕ, ВАЗ-2121 хӕдтулгӕ сӕмбӕлд фӕсарӕйнаг хӕдтулгӕйыл, кӕцы лӕууыд йӕ разӕй, ӕмӕ уый фӕстиуӕгӕн ӕндӕр хӕдтулгӕтӕ дӕр бахъыгдард сты. Развӕлгъау бӕрӕггӕнӕнтӕм гӕсгӕ, ФТЦ фӕстиуӕгӕн зианбаййафджытӕ нӕй. Аварийы цы хӕдтулгӕтӕ истой хайад, уыдоны шофырты арвыстой медицинон басгӕрстмӕ.

Хуссар Ирыстоны Паддзахадон автоинспекцийы бӕрӕггӕнӕнтӕм гӕсгӕ, 2020 азы республикӕйы фӕндӕгтыл ӕрцыд 137 фӕндагон-транспортон цауы. Азы райдайӕнӕй паддзахадон статистикӕмӕ бахаудтой дӕс ФТЦ-йӕ цъусдӕр.

2