Хицауад

Хуссар Иры экономикӕйы министрады снысан кодтой нывӕзтытӕ 2021 азмӕ

6
(ранӕуӕггонд 12:57 15.01.2021)
Афтӕ ма уагдоны къухдариуӕгад ӕрдзырдта хицауады сӕрдары х.ӕ. Бекъойты Геннадиимӕ министрады 2020 азы куысты развӕлгъау хатдзӕгтыл

ЦХИНВАЛ, 15 янв - Sputnik. Хуссар Ирыстоны экономикӕйы министрады сӕйраг здӕхтытӕй сӕ иу 2021 азы уыдзӕн туризмы фадыгӕн ӕххуыс. Уый тыххӕй уагдоны къухдариуӕгадимӕ кусӕгон фембӕлдыл фехъусын кодта премьер-министры х.ӕ. Бекъойты Геннадий, хъусын кӕны хицауады пресс-службӕ.

"Абоны бон республикӕйы экономикӕйы раз ис вазыгджын хӕслӕвӕрдтӕ. Хъӕуы аразын ног куысты бынӕттӕ, райтынг кӕнын сӕудӕджерад, смодернизаци кӕнын куыстуӕтты архайд, бакусын инвестицитӕ ӕрбаздахыныл. Экономикон райрӕзты министрад ӕххуыс кӕндзӕн туризмы фадыгӕн, инвестицион проекттӕн, афтӕ ма фӕуӕрӕх кӕндзӕн ӕддаг базарадон бастдзинӕдтӕ Хуссар Ирыстоны базарадон минӕвӕртты руаджы ӕмӕ ӕххуыс кӕндзӕн чысыл ӕмӕ астӕуккаг бизнесӕн", - загъта Бекъойты Геннадий.

Экономикон райрӕзты министры фыццаг хӕдивӕг Тадтаты Дзамболат радзырдта 2020 азы куысты развӕлгъау хатдзӕгты тыххӕй.

"Ивгъуыд азы уыд куыд ӕвӕрццаг хатдзӕгтӕ, афтӕ фиппаинӕгтӕ дӕр. Кӕронбӕттӕн цифратӕ фехъусын кӕндзыстӕм фӕстӕдӕр, фӕлӕ ныридӕгӕн зӕгъӕн ис, азы кӕронмӕ мах кӕй рахызтыстӕм нывӕзтон бӕрӕггӕнӕнтӕм", - банысан кодта Тадтаты Дзамболат.

Уый бафтыдта, зӕгъгӕ, ивгъыд азы архайды фӕдыл хыгъдлӕвӕрд бавдисдзысты хицауадмӕ февралы кӕрӕтты.

6
Ӕхцатӕ

Хуссар Иры вице-премьер фехъусын кодта уӕлбар кредиттӕ дӕттыны дыккаг этапы тыххӕй

4
(ранӕуӕггонд 09:45 30.07.2021)
Чысыл ӕмӕ астӕуккаг бизнесӕн республикӕйы уӕлбар кредиттӕ дӕттынц 2018 азӕй фӕстӕмӕ. Ацы аз хицауад ныридӕгӕн рахицӕн кодта 28 милуан сомы бизнес-проекттӕн

ЦХИНВАЛ, 30 июл - Sputnik. Хуссар Ирыстоны ӕввахс рӕстӕджы райдайдзӕн чысыл ӕмӕ астӕуккаг амалиуӕгадӕн уӕлбар кредиттӕ дӕттыны дыккаг этап, кӕцы ӕххӕст цӕудзӕн 2018 азы хӕстӕй фӕрӕзты руаджы, хъусын кӕны хицауады пресс-службӕ.

Уӕлбар кредиткӕнынады фӕдыл закон райстӕуыд 2018 азы марты. Уӕд 49 амалиуӕггӕнӕджы ӕдӕппӕт райстой 21 милуан сомы.

"2021 азмӕ уӕлбар кредиткӕнынадӕн суммӕ дыууӕ хатты фӕфылдӕр ӕмӕ у 49 милуан сомы. Азы райдайӕнӕй 28 милуан сомы райстой 43 амалиуӕггӕнӕджы. Уӕлбар кредиткӕнынады программӕйы цы механизм ис, уый руаджы популярондӕр кӕнынц экономикӕйы приоритетон къабазтӕ: хъӕууон хӕдзарад, рауагъдад, туризм, медицинӕ ӕмӕ ӕхсӕнадон хӕлцад", - радзырдта вице-премьер – экономикон райрӕзты министр Тадтаты Дзамболат.

Йӕ ныхӕстӕм гӕсгӕ, уӕлбар кредиттӕ райсыны дыккаг этапы фӕлгӕтты куырдиаттӕ ист фесты 5 июлы, Экономикон райрӕзты министрадмӕ ӕрбацыд 37 бизнес-проекты. Уыдонмӕ ӕркӕсдзӕн уӕлбар кредиткӕнынады фӕдыл Фонды совет.

Министрты кабинеты бафтыдтой, зӕгъгӕ, 2018-2020 ӕзты уӕлбар кредиттӕ райстой 157 амалиуӕггӕнӕджы 76,5 милуан сомы бӕрц. Уыдонӕй 111 субъекты – хъӕууон хӕдзарады фадыджы; 20 субъекты – рауагъдады фадыджы; 16 субъекты – лӕггӕдты фадыджы; 10 субъекты – базарады фадыджы.

4
Хуссар Иры паддзахадон театр ӕрзилдзӕн гастрольты Уӕрӕсейы горӕттыл

Хуссар Иры паддзахадон театр ӕрзилдзӕн гастрольты Уӕрӕсейы горӕттыл

10
(ранӕуӕггонд 09:36 30.07.2021)
Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл

ЦХИНВАЛ, 29 июл – Sputnik, Тъехты Дзерассӕ. Хуссар Ирыстоны культурӕйы министр Зассеты Жанна банысан кодта, ӕппӕтуӕрӕсейон гастролон-концертон нывӕзты фӕлгӕтты Хуссар Ирыстоны Паддзахадон драмон театр кӕй нывӕнды ацӕуын гастрольты Уӕрӕсейы горӕттӕм. Уый тыххӕй министр фехъусын кодта театрыл 90 азы сӕххӕсты цытӕн мадзалы рӕстӕджы.

"Театр бавдисдзӕн кӕсджытӕн спектакльтӕ "Антигона" ӕмӕ "Къоста". Гастрольтӕ райдайдзысты Ярославлы 21 октябры, адарддӕр уыдзысты Липецк ӕмӕ Воронежы. Мах ныридӕгӕн бадзырдтам уыцы горӕтты ирон диаспорӕтӕм. Уыдон зӕрдиагӕй ӕнхъӕлмӕ кӕсынц уе ‘рцыдмӕ", - банысан кодта Зассеты Жанна.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

10