Коронавирус Хуссар Иры

Хуссар Иры сӕйраг санитарон дохтыр радзырдта коронавирусы уавӕры тыххӕй

6
(ранӕуӕггонд 14:09 18.01.2021)
Хуссар Ирыстоны пандемийы рӕстӕджы коронавирусӕй фӕрынчын сты 2578 адӕймаджы, уыдонӕй 1729 сӕнӕниз сты

ЦХИНВАЛ, 18 янв - Sputnik, Хъуылымбегты Зӕлинӕ. Хуссар Ирыстоны сбӕрӕг кодтой 45 ног рынчыны коронавирусӕй, фехъусын кодта майрӕмбоны тестты фӕстиуджытӕ Югосетпотребнадзоры сӕргълӕууӕг Коцты Марина. Уый банысан кодта, ивгъуыд улӕфт бонты тестты фӕстиуджытӕ бӕрӕг кӕй уыдзысты дыццӕджы.

"Майрӕмбоны сарӕзтӕуыд 155 иртӕсты, уыдонӕй 45 радтой ӕвӕрццаг фӕстиуӕг. Афтӕ ма республикӕйы медицинон уагдӕттӕй рафыстой 30 адӕймаджы", - загъта Коцты Марина.

Сӕйраг санитарон дохтыр бафтыдта, интенсивон терапийы хайады къуырисӕры райсоммӕ кӕй ис ӕхсӕз пациенты, медикты хъусдарды бын амбулаторон ӕмӕ стационарон хоскӕнынады сты 856 адӕймаджы.

Хуссар Ирыстоны пандемийы рӕстӕджы коронавирусӕй фӕрынчын сты 2578 адӕймаджы, уыдонӕй 1729 сӕнӕниз сты.

Хуссар Ирыстоны ӕдӕппӕт сарӕзтой 14 346 тесты коронавирус сбӕрӕг кӕныны фӕдыл.

6
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

3
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

3
Электрондыхы хахх

Хуссар Ир баззад ӕнӕ рухсӕй электрондыхы хаххы аварийы тыххӕй

5
(ранӕуӕггонд 13:22 03.03.2021)
Аварион уавӕр фӕзынд электрондыхы хаххы цӕгатирыстойнаг фарсыл, хъуамӕ йӕ аиуварс кӕной иу сахатмӕ

ЦХИНВАЛ, 3 мар - Sputnik, Козаты Диана. Хуссар Ирыстоны ахицӕн рухс, йӕ аххосаг у авари электрондыхы хаххы цӕгатирыстойнаг фарсыл, фехъусын кодта "Энергоресурсы" сӕргълӕууӕг Гӕбӕраты Алан.

"Рухс ахицӕн аварион уавӕры тыххӕй цӕгатирыстойнаг фарсыл. Цӕгатирыстойнаг энергетиктӕ бадзырдтой махмӕ ӕмӕ фехъусын кодтой, 110 кВт хаххыл, кӕцыйы уылты республикӕ исы электроэнерги, фӕзынд аварион уавӕр", - загъта Гӕбӕраты Алан.

Йӕ ныхӕстӕм гӕсгӕ, проблемӕ хъуамӕ аиуварс кӕной иу сахатмӕ.

5