Новые дома в Дзауском районе

Дзауы районы ног хæдзæртты арӕзтад ис йӕ тӕмӕны

27
(ранӕуӕггонд 12:43 19.01.2021)
Дыууæ æртæуæладзыгон цæрæн корпусы ныртæккæ арæзтадон куыстытæ цæуынц æнæрлæугæйæ. Нардуатисджыты ныхӕстӕм гӕсгӕ, ӕрмӕг ӕмӕ кусӕгдыхӕй сты ифтонг

ЦХИНВАЛ, 19 янв – Sputnik, Дриаты Лейла. Хуссар Ирыстоны Дзауы районы сӕ тӕмӕны сты ног цӕрӕнуаты арӕзтадон куыстытӕ.

1991 азы стыр зæххæнкъуысты фæстиуæгæн та Дзауы районы цæрджытæй бирæтæ баззадысты æнæхæдзарæй, бирæтæн сæ хæдзæртты къултæ ныффæстытæ сты æмæ сæ цæрынæн нал уыд æмбæлон уавæртæ. Кӕд Дзауы райцентры 2020 азы Инвестпрограммæйы фæлгæтты арæзт æрцыд 18-фатерон хæдзар æмæ 18 хæдзары бинонтæ ифтонг æрцыдысты фатертæй, уæддæр цæрæнуатон фарст актуалон у районы бирæ цæрджытæн. Уымæн æвдисæн у, районы администрацийы сæргълæууæг Джиоты Андреймæ кæй дæттынц куырдиæттæ, кæцыты фæдомынц сæ цæрæнуатон проблемæтæ аскъуыддзаг кæнын.

Дыууæ æртæуæладзыгон цæрæн корпусы ныртæккæ арæзтадон куыстытæ цæуынц æнæрлæугæйæ. Хæдзæрттæй сæ иуы арæзтадыл кусы фирмæ "Монах".

"Кусы нæм15 адæймаджы. Ныртæккæ уыдон архайынц объекты сæр æмбæрзыныл. Йæ фылдæр хай æмбæрзт æрцыд, афонмæ фæуыдаид, фæлæ сæ тынг бахъыгдардтой къæвдатæ. Сæрст æрцыдысты къултæ, бауагътой йæм электроны хахх, сарӕзтам хъæрмадон системæ", - ранымадта объекты хистæр Зæгъойты Валерий.

Йӕ ныхӕстӕм гӕсгӕ, кусæгдыхæй сты ифтонг. Иутӕ кусынц фатерты гæрæнтæ амайыныл, иннæтæ сæрдынц къултæ, хицæн бригадæйæ кусынц электриктæ æмæ сантехниктæ. Афтæ кæрæдзийы ивынц æмæ дзы куыст никуы æрнымæг вæййы. Рудзгуытæ дæр æвæрд æрцыдысты.

Ног хæдзæрттæ Дзауы районы
Фото: Дриаты Лейла
Ног хæдзæрттæ Дзауы районы

"Арæзтадон æрмæджытæй сты æххæст. Цæмæй фатерты полтæ хъармдæр æмæ фидардæр арæзт æрцæуой, уый тыххæй уал сыл фыццаг сæвæрдзысты пенопласт, стæй йыл айтындздзысты æфсæйнаг хыз æмæ йæ уый фæстæ сбетон æмæ слæгъз кæндзысты. Иудзырдæй, бацæттæ сæ кæндзысты ламинат сæвæрынмæ", - загъта Зæгъойты Валерий.

Иннæ æртæуæладзыгон хæдзар дæр арæзт цæуы йæ фарсмæ. Уый та аразы арæзтадон фирмæ "ЦСК".

"Ныртæккæ ацы объекты кусы 17 адæймаджы. Ам дæр бригадæтæ ивынц кæрæдзи. Кусджытæ бакодтой къулсæрдæн куыстытæ, ауагътой электрохæххыты, сарæзтой сантехникæ, аразынц фатерты гæрæнтæ. Ацы объектыл куыстытæ коронавирусы аххосæй графикæй чысыл фæстæдæр аззадысты, фæлæ ныр уавæр рараст, рæстæгыл ифтонг цæуынц арæзтадон æрмæгæй æмæ кæд боныгъæдтæ бауадзой, уæд ацы бонты кæронмæ бамбæрздзысты хæдзары сæр, сæвæрдзысты рудзгуытæ", - радзырдта фадыджы хистæр Томайты Вадим.

Банысан кæнын хъæуы уый æмæ фатертæ хæрзарæзт æрцæудзысты канд ми-дæгæй нæ, фæлæ ма æддейæ дæр. Хæрзарæзт æрцæудзæн хӕдзары кæрт дæр - уым сабитæн уыдзæн хъазæн фæзуат, улæфæн зонæ.

27
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

3
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

3
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

2
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

2