Доныскъӕфӕнтӕ

Дӕсгай адӕймӕгтӕ райстой дзуарӕфтыд Хуссар Ирыстоны Доныскъӕфӕнты

11
(ранӕуӕггонд 15:17 19.01.2021)
Республикӕйы ацыдысты бӕрӕгбонон Хуыцаумӕскуывдтӕ, Леуахийы цӕугӕдоны та уагъд ӕрцыд дзуарӕфтыд райсыны церемони

ЦХИНВАЛ, 19 янв – Sputnik, Козаты Диана. Хуссар Ирыстоны расткадонтӕ дыццӕджы нысан кӕнынц Хуыцауы сыгъдӕг раргомдзинады бӕрӕгбон (Доныскъӕфӕнтӕ). Бӕрӕгбонон Хуыцаумӕскуывдтӕ ацыдысты республикӕйы алкӕцы аргъуаны дӕр.

Крещение Господне в Южной Осетии
© Sputnik / Михаил Хасиев
Доныскъӕфӕнтӕ

Алайнаг епархийы сӕйраг аргъуаны литургийы фӕстӕ расткадонтӕ сарӕзтой дзуарцыд Леуахийы былгӕронмӕ, цы ран донаргъуыд райстой 25 адӕймаджы. Сӕ иууыл чысылыл цыд ӕрмӕстдӕр цалдӕр мӕйы.

Крещение Господне в Южной Осетии
© Sputnik / Михаил Хасиев
Доныскъӕфӕнтӕ

Хъӕцмӕзты Зӕринӕйӕн абон донаргъуыд райста йӕ дыууӕаздзыд фырт. Мады ныхӕстӕм гӕсгӕ, уыдон ӕнӕрхъӕцӕй ӕнхъӕлмӕ кастысты ацы райдзаст бӕрӕгбонмӕ.

"Абон стыр бон у - Хуыцау раргом кодта йӕхи. Мах ӕнӕхъӕн бинонтӕй ӕнхъӕлмӕ кастыстӕм ацыбӕрӕгбонмӕ, цӕмӕй нӕ чысыл лӕппу райса дзуарӕфтыд ӕмӕ ныр нӕ бӕлицц сӕххӕст", - загъта Зӕринӕ.

Цӕугӕдоны был айтыгътой хъармгӕнӕн пункттӕ, ӕхсӕнадон фӕткмӕ сӕ хъус дардтой барадхъахъхъӕнӕг органты кусджытӕ. Сыгъдӕг доны найджыты ӕдасдзинад та хъахъхъӕдтой УУМ ирвӕзынгӕнджытӕ.

Крещение Господне в Южной Осетии
© Sputnik / Михаил Хасиев
Доныскъӕфӕнтӕ

Цӕрджытӕ ма систй цӕугӕдонӕй сыгъдӕг дон дӕр, кӕцыйӕ пайда кӕндзысты ӕнӕхъӕн афӕдзы дӕргъы - иннӕ Доныскъӕфӕнтӕм.

Дысон изӕр та донаргъуыд ацыд Цхинвалы районы Дменисы хъӕуы цӕугӕдоны.

11
Хуссар Иры театр ралæудзæн Мæскуыйы

Спектакльтӕ ӕмӕ сфӕлдыстадон изӕр: Хуссар Иры театр ралæудзæн Мæскуыйы

0
(ранӕуӕггонд 13:59 03.03.2021)
Сфæлдыстадон къорд Уæрæсейы столицæйы равдисдзæн дыууæ трагедийы æмæ ауадздзӕн уæрæсейаг коллегӕтимæ иумæйаг сфæлдыстадон изæр

ЦХИНВАЛ, 3 мар– Sputnik, Плиты Фатимæ. Мæскуыйы Яблочкины номыл актёры централон хӕдзар суазӕг кӕндзӕн Хуссар Ирыстоны паддзахадон драмон театры. Республикӕйы сфӕлдыстадон къорд уӕрӕсейаг столицӕйы равдисдзӕн спектакльтӕ "Антигона" ӕмӕ "Фандо и Лис", фехъусын кодта Sputnik ПДТ аивадон къухдариуӕггӕнӕг Дзудцаты Тамерлан.

Сфӕлдыстадон коллектив развӕлгъау райста хуынд "Дни осетинский культуры на Арбате"-мӕ.

"Яблочкины номыл актеры централон хӕдзар хоны Хуссар Ирыстоны паддзахадон драмон театры "Дни осетинской культуры на Арбате"-мӕ. Мах равдисдзыстӕм дыууӕ спектаклы, афтӕ ма нын ацӕудзӕн Мӕскуыйы театр ӕмӕ кинойы разагъта актертимӕ иумӕйаг сфӕлдыстадон изӕр. Мах цӕттӕ сӕм Уӕрӕсейы сӕйраг горӕты ралӕуынмӕ", - загъта Дзудцаты Тамерлан.

Йӕ ныхӕстӕм гӕсгӕ, сфӕлдыстадон коллективы ралӕуд Мӕскуыйы фӕахъаз уыдзӕн ирон культурӕйы парахатӕн Уӕрӕсейы.

Хетӕгкаты Къостайы номыл театры гастрольтӕ цӕудзысты Мӕскуыйы 5-8 апрелы.

0
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

3
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

3