ЦХИНВАЛ, 21 янв – Sputnik, Хъуылымбегты Азӕмӕт. Цхинвалы Леуахийы сӕрты хиды реконструкци 13 Коммунары уынгыл райдадзӕн ацы аз, уый тыххӕй Sputnik фехъусын кодта арӕзтад, архитектурӕ ӕмӕ ЦКХ министры хӕдивӕг Гаглойты Олег.
21 январы 2021, 15:25
Йӕ ныхӕстӕм гӕсгӕ, реконструкцийы проект цӕуы экспертизӕ. Фӕстиуджытӕ райсыны фӕстӕ снысан кӕндзысты нардуатисӕджы, ӕмӕ аразджытӕ бавналдзысты куыстмӕ.
Куыстытӕ уагъд цӕудзысты дыууӕ этапы ӕмӕ фӕуыдзысты 2022 азы. Арӕзтад, архитектурӕ ӕмӕ ЦКХ министры хӕдивӕг Гаглойты Олег ныхӕстӕм гӕсгӕ, реконструкцийы рӕстӕджы сфидар кӕндзысты хиды бындур.
"Афтӕмӕй мах бавӕрдзыстӕм хиды историон хуыз", - банысан кодта уый.
Гаглойты Олег бафтыдта, зӕгъгӕ, хид рауӕрӕх кӕндзысты, цӕмӕй фӕндагон змӕлдимӕ проблемӕтӕ мауал уа.
Цхинвалы Леуахийы сӕрты 13 Коммунары уынгыл хид сарӕзтой 1903 азы.
