Медойты Дмитрий ӕмӕ Сергей Лавров

Хуссар Иры ФХМ сӕргълӕууӕг фембӕлдзӕн йӕ уӕрӕсейаг коллегӕимӕ Мӕскуыйы

7
(ранӕуӕггонд 09:56 22.01.2021)
Дыууӕ бӕстӕйы ӕддагполитикон уагдӕтты сӕргълӕуджытӕ фӕнд кӕнынц ӕрдзурын ӕхсӕнадӕмон аренӕйыл архайды координацийыл

ЦХИНВАЛ, 22 янв - Sputnik. Хуссар Ирыстоны фӕсарӕйнаг хъуыддӕгты министры х.ӕ. Медойты Дмитрий фембӕлдзӕн Уӕрӕсейы ФХМ сӕргълӕууӕг Сергей Лавровимӕ. Фембӕлд ацӕудзӕн Мӕскуыйы къуырисӕры, 25 январы, хъусын кӕны республикӕйы ӕддагполитикон уагдоны пресс-службӕ.

"Фембӕлды рӕстӕджы фарсытӕ ӕрдзурдзысты дыууӕварсон ӕмгуыстадыл ӕмӕ ӕхсӕнадӕмон аренӕйыл архайды координацийыл", - дзырдӕуы хъусинаджы.

Уӕрӕсейы Федераци банымадта Хуссар Ирыстоны хӕдбардзинад 2008 азы 26 августы. Уымӕй дыууӕ къуырийы фӕстӕ Цхинвал ӕмӕ Мӕскуыйы хсӕн бындур ӕрӕвӕрдӕуыд дипламатон ахастытӕн.

7
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

3
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

3
8 март

Литературон изӕртӕ ӕмӕ концерттӕ: Хуссар Иры банысан кӕндзысты сылгоймӕгты бӕрӕгбон

2
(ранӕуӕггонд 15:31 03.03.2021)
8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис

ЦХИНВАЛ, 2 мар – Sputnik, Козаты Диана. Сылгоймӕгты ӕхсӕнадӕмон бон Хуссар Ирыстоны банысан кӕндзысты литературон изӕртӕ ӕмӕ бӕрӕгбонон концерттӕй.

Сӕйраг мадзӕлттӕ ацӕудзысты майрӕмбоны. 8 март республикӕйы у улӕфт бон.

 

"Майрӕмбоны, 5 марты Къостайы ӕмӕ Громы хъӕуты ацӕудзысты литературон изӕртӕ бӕрӕгбоны цытӕн. Уыцы бон ма Цхинвалы уагъд ӕрцӕудзӕн цытджын ӕмбырд ӕмӕ концерт", - фехъусын кодтой культурӕйы министрады.

 

8 мартмӕ республикӕмӕ ӕрцӕудзӕн театр ӕмӕ кинойы популярон уӕрӕсейаг актер, Хуссар Ирыстоны сгуыхт артист Эвклид Кюрдзидзис. Цхинвалы уый ратдзӕн концерт-импровизаци "Дӕуӕн".

Актер фыццаг хатт не рцӕудзӕн Хуссар Ирыстонмӕ - уый ма ам уыд 2008 азы гуырдзиаг-ирон хӕсты фӕстӕ. Республикӕй Сгъуыхт артисты номӕй дӕр ын уӕд скад кодтой.

2